bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Amharic
/
Amharic Gofa GFBLVF (Geeshsha Maxaafa)
/
Psalms 89
Psalms 89
Amharic Gofa GFBLVF (Geeshsha Maxaafa)
1
Godaw, ne siiquwaba taani merinaw yexana; ne ammanetetha yeleta ubbaas awaajana.
2
Ne siiqoy merinaw eqidaysanne tumatethaa neeni salon minthada essidaysa odana.
3
Neeni, “Ta dooridaysara qaala gelas; Ta aylliya Dawitas haysada yaagada caaqas;
4
‘Taani ne kochaa merinaw kawothana; ne araata yeleta ubban minthana’ ” yaagadasa.
5
Godaw, saloti ne malaalsiya oosuwa awaajo; geeshshata shiiqoy ne ammanetetha odo.
6
Salon Godaara liketanaw danda7ey oonee? Salo medhetethata giddon Godaa meli oonee?
7
Geeshshata shiiquwan Xoossay yashisees; iya yuushuwan de7iya ubbaafe aadhidi daganthees.
8
Ubbaafe Wolqaama Godaw Xoossaw, ne mela wolqaami oonee? Godaw, neeni ubbaban ammanetaasa.
9
Neeni guummiya abba wolqaa kiittasa; dendiya zuliya si77i oothaasa.
10
Ra7aaba geetetiya do7a mentherethadasa; ne morketa ne wolqaama qesiyan laalladasa.
11
Saloynne sa7i nebaa; alamiyanne iyan de7iya ubbaa medhiday nena.
12
Pudehanne dugeha ne medhadasa; Taaborenne Armoona zumati, ufaysan ne sunthaa sabboosona.
13
New wolqaama qesey de7ees; ne kushey mino; ne ushacha kushey dhoqu gis.
14
Xillotethinne suure pirdi ne araatas baaso; siiqoynne tumatethi ne sinthan boosona.
15
Godaw, ufaysan ilileysatnne ne som7uwa poo7uwan hemeteysati anjetidaysata.
16
Ne sunthan gallas kumethi ufaytoosona; enti ne xillotethaa dhoqu dhoqu oothosona.
17
Enti ceeqetiya wolqay nena; ne teeman nu kacey dhoqu dhoqu gis.
18
Nu gondalley nu Godaa kushena; nu kawoyka Isra7eele geeshshaa kushena.
19
Beni neeni, ne ammanetida asaas qoncethan haysada yaagadasa. “Taani issi olanchuwa maaddas; asaa giddofe dooretidaysa dhoqu dhoqu oothas.
20
Ta aylliya Dawita demmas; ta geeshsha zaytiya tiyada iya kawothas.
21
Ta kushe iyara daana; ta qesey iya minthana.
22
Iya ay morkeyka giirisenna; ay iita asika iya haarenna.
23
Iya morketa ta iya sinthan tincherethana; iya ixeyisata shoca yeggana.
24
Ta tumatethaynne ta siiqoy iyara gidana; ta sunthan iya kacey dhoqu dhoqu gaana.
25
Taani iya kawotethaa Medetiraane Abbaa, iya zawa shaafata gakanaw aassana.
26
I tana, ‘Neeni ta aawa, ta Xoossaa; tana ashshiya zaalla’ yaagidi xeegana.
27
Taani iya bayra na7a oothana; sa7an de7iya kawota ubbaafe iya gitayana.
28
Taani ta siiquwa merinaw iyaw naagana; taani iyara caaqida caaquwa minthana.
29
Taani iya kochaa merinaw minthada essana; iya araata saloda gam7isana.”
30
“Shin iya kochati ta higgiya aggiko, enti ta wogaada hemetonna ixiko,
31
ta awaajuwa shaariko, ta kiita naagonna ixiko,
32
taani enta nagaraa gisho xam7an, enta iitatethaa gisho lisson seerana.
33
Shin taani ta siiquwa iyape ekike; taani iyaw merinaw ammanetana.
34
Taani entara caaqida caaquwa menthike; ta doonape keyida qaala laammike.
35
Taani issi toho ta geeshshatethan caaqida gisho, Dawitas wordotike.
36
Iya kochay merinaw daana; iya araatay ta sinthan awada gam7ana.
37
Salon ammanetiya marka gidida ageenada, iya kawotethay merinaw minnidi daana” yaagadasa.
38
Shin ha77i ne tiyida kawa bolla hanqetadasa; iya ixadasa; aggadasa.
39
Ne aylliyara caaqida caaquwa menthadasa; iya kallachaa baanan holada tunisadasa.
40
Iya katamaa gimbe dirsa laalladasa; iya miixaa dhaysadasa.
41
Ogera aadhiya ubbay iya bonqidosona; I ba shoorotas miichas attis.
42
Iya morketas xoono immadasa, enta ubbaa ufaysadasa.
43
Iya mashshaa xeeraa qalam7adasa; iya olan maaddabaaka.
44
Iya kawota xam7aa iya kushepe ekadasa; iya araata biittan holadasa.
45
Iya yalagatetha wodiya qaamisadasa; iya yeella mayzadasa.
46
Godaw, neeni awude gakanaw gam7ay? Neeni merinaw geemmanee? Ne hanqoy tamada awude gakanaw eexanee?
47
Ta laythay ay mela qantheko qopa; asa ubbaa coo mela medhadi!
48
Hayqope attanaw danda7iya asi de7ii? Duufo gelonna daanaw danda7ey oonee?
49
Godaw, neeni ne tumatethan Dawitas caaqida, ne siiqoy awun de7ii?
50
Godaw, ne aylley ay mela boretidaako be7a; asa ubbaa boriya waata danda7idaako hassaya.
51
Godaw, ne morketi qelqisidaysa, ne tiyida kawa tangon tangon boreysa be7a.
52
Goday merinaw galatetto! Amin7i! Amin7i!
← Chapter 88
Chapter 90 →