Psalms 142

Amharic Gofa GFBLVF (Geeshsha Maxaafa)

1Ta qaala dhoqu oothada Godaako waassayis; maarota demmanaw iya woossayis.

2Ta oysha ubbaa iya bessayis; ta metuwa ubbaa iyaw odayis.

3Taani heettida wode ne ta ogiya eraasa; ta ogiyan gite yeggidi wothidosona.

4Taani ta yuushuwa xeelliya wode, tana maaddey issoyka baawa. Taani qosetada attiya bessi baawa; tana naagiya oonika baawa.

5Godaw, taani neeko waassayis; taani, “Ne taw baqatada attiya bessi; de7on de7eyisata biittan ta saamay nena” yaagas.

6Taani daro metootiya gisho, ta waasuwa si7a. Tana yedetheysati wolqaamida gisho, tana entafe ashsha.

7Ta ne sunthaa galatana mela, tana qashope birsha. Neeni taw keeha gidiya gisho, xilloti ta yuushon shiiqana.

← Chapter 141 Chapter 143 →