Psalms 141

Amharic Gofa GFBLVF (Geeshsha Maxaafa)

1Godaw, taani nena xeegayis; tana maaddanaw ellesa; Ta neeko waassiya wode tana si7a!

2Ta woosay ixaaneda ne sinthe shiiqo; ta kushe micethay omarsa yarsho mela gido.

3Godaw, ta doona naagiya asi wotha; ta mettersha pengiya naaga.

4Iita oothiya asatara iita oothonna mela, ta wozanaa iitako zaaropa; enta gibira tana muzopa.

5Xillo asi tana seero, hessi taw keehatethi, I tana hanqeto, hessi ta huuphen zayte tiyo mela. Ta wozanay hessa ixenna; Ta woosay ubba wode enta iita oosuwa bollana.

6Enta daynnati aafo holetiya wode, ta qaalay tuma gideysa enti erana.

7Enti, “Asi biitta goyeysadanne phasha laalleysada, nu meqethay duufo doonan laaletana” yaagosona.

8Ubbaa Haariya Godaw, ta ayfey nena xeellees. Taani neeko baqatayis; tana hayqos aathada immofa.

9Enti taw yeggida gitiyapenne iitaa ootheyisata xihiyape tana naaga.

10Taani saro aadhin, iitati banta wothida gitiyan oyketo.

← Chapter 140 Chapter 142 →