Psalms 140

Amharic Gofa GFBLVF (Geeshsha Maxaafa)

1Godaw, iitatape tana ashsha; makallanchotape tana naaga.

2Enti iita oothanaw maqetoosona; gallas gallas ola denthoosona.

3Banta inxarsaa shoosha inxarsada qarayoosona; enta doonan wodhiya marzey de7ees.

4Godaw, iitata kushepe tana ashsha; ta tohuwa qaxanaw qopiya makallanchotape tana naaga.

5Otorancho asati taw xihe wothoosona; gite hiixoosona; tana oykanaw gite yeggoosona.

6Godaa, “Neeni ta Xoossaa” gaana; Godaw, ta woosa si7a.

7Ubbaa Haariya Godaw, tana ashshiya minuwaw, ola gallas taw gondalle gidadasa.

8Godaw, iitatas enta amuwa immofa; enti otortonna mela enta maquwa polisopa.

9Ta morketan tana xoonisopa; enta doonape keyiya iitay enta bolla simmo.

10Enta bolla xuuggiya tama bonqoy qoletto; enti tama ollan yegeto; keyanaw danda7onna olla holeto.

11Yooyamati biitta bolla de7opo; buqeyisata iitabay yedethidi oyko.

12Goday manqotas pirdeysanne metootanchotas mooteteysa erayis.

13Xilloti tuma ne sunthaa galatana; suure asati ne sinthan daana.

← Chapter 139 Chapter 141 →