bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Amharic
/
Amharic Gamo (Geeshsha Maxaafa)
/
Proverbs 23
Proverbs 23
Amharic Gamo (Geeshsha Maxaafa)
1
Neni dere haarizayssara kath maanaas uttida wode, ne sinththan de7izayssa lo7eththada akeeka.
2
Neni daro yora as gidikko, keehippe naagetta.
3
Izi nena paaccanaas dandayza gishshas, shiiqida mal7o qumas yiiqetoppa.
4
Duretana gaada daaburoppa; hayssa mala qofa agganaas akeekanchcha gida.
5
Hessa mala dureteththa bolla neni ne ayfe woththiko heera dhayana; qefe kessida golle kafo mala salora paallana.
6
Uuze asa kath mooppa; mal7iza iza kath maanaas amottofa.
7
Qoodheppe qommon izi nena, «Ma; uya» geesippe attiin iza wozinay nenara de7enna.
8
Neni mida guuththa kaththayka nena cooshshana; ne galataykka hada gidana.
9
Eeyara haasayoppa; ays giikko ne aadho era haasaya izi kadhana.
10
Beniisofe diza dhassaa shoddofa. Qasse yi7o nayta gade sugoppa;
11
ays giikko istta ashshiza GODAY mino; izi istta gishshas nenara mootettana.
12
Ne wozina zores, ne hayththaka erateththa qaalaakko zaara.
13
Ne naa seeranaappe guye gooppa; neni qircunchchan shocikko izi hayqqenna.
14
Neni qircunchchan shoca; iza shemppo hayqoppe ashsha.
15
Ta naazoo! Ne wozinay aadho eranchcha gidikko ta wozinaykka ufayettees.
16
Ne inxarsay suure haasayza wode ta wozinay ufayettees.
17
Nagaranchchata bolla qanaatoppa; gido attiin ubbato GODAAS yashshateth aggofa.
18
Histtiko nees sinththafe kiyana; ne hidotay hada gidenna.
19
Ta naazoo! Siya; wozinama gida; ne wozinay suure ogeppe kare kezoppo.
20
Daro woyne ushshu uyizaytaranne asho muussas yaaretizaytara zuppetoppa.
21
Ays giikko maththottizaytinne yorati manqana; dhisko daroy carqqa mayzees.
22
Nena yelida aaway yootizayssa siya; ne aayiyakka ceeggida wode kadhoppa.
23
Tumaa shammafe attiin mulekka bayzoppa; aadho erateth, seeranne akeeka nees miishshe ooththa.
24
Xillo naa aaway keehippe ufayettees; wozinama naa yelida asikka izan ufayettees.
25
Ne aawaynne ne aaya ufayettetto; nena yelidaarakka ufayettu.
26
Ta naazoo! Ne wozina ha taakko zaara; ne ayfeti ta ogeppe kare kezoppetto.
27
Ays giikko layma maccassaya ciimma olla mala; laggeththo machcha xunththa olla mala.
28
Iza panga mala zamada naagawus; ammanettontta addeta dere giddon darsawus.
29
«Woo!» giza waasoy oossee? Ceecey oossee? Ooshshi oossee? Zuuzunththi oossee? Gaasoykka baynda madunththi oossee? Ayfey zo7izay oossee?
30
Woyne ushshu uyishe gam7izaytas gidennee? Walakettida woyne ushshu yuuyi yuuyi ganxizaytas gidennee?
31
Woyne ushshi zo7ida wode, iza medhay birille giddon phoolliza wode, duuqqishin cororu gi geliza wode iza tishshi histta xeellofa.
32
Wurseththan izi shooshsha mala dukkees; goppe shooshsha malakka ba yiishsha puukkees.
33
Ne ayfey beyi eronttaaz beyana; ne wozinaykka elumettana.
34
Neni abbaa giddon diza markabe xeeran ichchida asa mala gidana.
35
Neni, «Istti tana dechchida; gido attiin tani qohettabeekke; istti tana wadhdhida; gido attiin taas erettibeenna. Hara ushsha uyanaas tani awude dendandinaashaa?» gaana.
← Chapter 22
Chapter 24 →