Psalms 75

Amharic 2000 (የአማርኛ መጽሐፍ ቅዱስ (ሰማንያ አሃዱ))

1እግዚአብሔር በይሁዳ ታወቀ፥ ስሙም በእስራኤል ታላቅ ሆነ።

2በሀገሩም በሰላም ኖረ፥ ማደሪያውም በጽዮን ነው፤

3በዚያም የቀስትን ኀይል፥ ጋሻን፥ ጦርንና ሰልፍንም ሰበረ፤ በዚያም ቀንዶችን ሰበረ።

4አንተ በዘለዓለም ተራሮች ሆነህ በድንቅ ታበራለህ።

5ልበ ሰነፎች ሁሉ ደነገጡ፥ ሕልምን አለሙ፥ ያገኙት ግን የለም፤ ሰው ሁሉ ለእጁ ባለጠግነት ነው።

6የያዕቆብ አምላክ ሆይ፥ ከተግሣጽህ የተነሣ ፈረሰኞች ሁሉ አንቀላፉ።

7አንተ ግን፥ ግሩም ነህ፤ ቍጣህን ማን ይቃወማል?

8ፍርድን ከሰማይ ታሰማለህ። ምድር ፈራች፥ ዝምም አለች፥

9ልበ የዋሃንን ሁሉ ያድን ዘንድ፥ እግዚአብሔር ለፍርድ በተነሣ ጊዜ።

10ሰው በፈቃዱ ያመሰግንሃልና፥ ከሕሊናቸው ትርፍም በዓልህን ያደርጋሉ።

11ለአምላካችን ለአግዚአብሔር ስእለትን ሰጡ፤ በዙሪያውም ያሉ ሁሉ እጅ መንሻን ለሚያስፈራው ያገባሉ።

12የአለቆችን ነፍስ ያወጣል፤ በምድርም ነገሥታት ዘንድ ያስፈራል።

← Chapter 74 Chapter 76 →