Psalms 93

Azerbajani Bible (South) Used in Both Iran and Azerbaijan 2008

1رب پادشاهدير، شؤوکتله گيئنئب؛ رب گيئنئب، قووّتله گيئنئب. دونيا مؤحکم قورولوب؛ اصلا اَسمه‌يه‌جک.

2سنئن تختئن اَزلدن قورولوب، سن اَزلدن وارسان.

3سل‌لر اوجالديبلار، يارب، سسلرئني اوجالديبلار! سل‌لر گورولتولرئني اوجالديرلار.

4اوجالاردا اولان رب، قودرتلي سولارين سسلرئندن داها چوخ شؤوکتلي‌دئر، دهنزئن شپه‌لرئندن داها چوخ شؤوکتلي‌دئر.

5سنئن شهادتلرئن همئشه قالير؛ سنئن اِوئنه قودسئيّت عؤمور بويو ياراشير، يارب

← Chapter 92 Chapter 94 →