Psalms 41

Azerbajani Bible (South) Used in Both Iran and Azerbaijan 2008

1خوش او آدامين حالينا کي، ضعئف آدامين قيدئنه قالير. يامان گونده رب اونو قورتاراجاق،

2رب اونو حئفظ ادئب دئري ساخلاياجاقدير، اؤلکه‌ده موبارک اولاجاق. سن اونو دوشمنلرئن الئنه بوراخماياجاقسان،

3ناخوشلوق دؤشه‌يئنده رب اونا قووّت وره‌جک. سن اونو ناخوشلوق ياتاغيندان صاغالداجاقسان.

4من ددئم: "يارب، منه يازيغين گلسئن!" جانيما شفا ور، چونکي سنئن ضئدّئنه گوناه اتمئشم.

5دوشمنلرئم منئم حاقّيمدا يامان دانيشيب ديئرلر: "نه واخت اؤله‌جک؟ نه واخت آدي محو اولاجاق؟"

6گؤروشويومه بئري گلن واخت، بوش سؤزلر دانيشماغا باشلايير، بو آرادا اوره‌يئنده بؤهتانلار ييغير، سوراسي دا اشئيه گدئب اونو هر يرده يايير.

7بوتون منه کئن باغلايانلار، آرالاريندا پيچيلداشيرلار؛ منئم ضررئمه فئکئرله‌شئب ديئرلر:

8"پئس بئر درد جانينا دوشوب؛ ياتديغي يردن آرتيق قالخماياجاق."

9اعتئماد اتدئيئم ياخين دوستوم، حتّا چؤره‌يئمي يئين بله، منه خيانت ادئب.

10لاکئن سن، يارب، منه يازيغين گلسئن و مني قالدير؛ قوي بو ائنسانلارا حاق اتدئکلرئني ورئم.

11بوندان بئلئرم کي، مندن خوشلانيرسان، چونکي دوشمنئم منه قالئب گلمئر.

12لاکئن منه گلئنجه، ائخلاصيم اوچون مني مؤحکم ساخلاييرسان، ابده کئمي حوضوروندا ساکئن ادئرسن.

13ائسرايئلئن تاريسي ربّه حمد اولسون، ازلدن ابده کئمي! آمئن، آمئن.

← Chapter 40 Chapter 42 →