Zechariah 12

azerbaijan-2013

1بو ائخطار ائسرایئل باره‌ده نازئل اولان ربّئن سؤزودور: گؤیلری یایان، یِرئن بونؤوره‌لرئنی قویان، ائنسانین ائچئنده‌کی روحا شکئل ورن رب بله بویورور:

2«باخ اورشلئمی اونون اطرافینداکی بوتون خالقلار اوچون گئجَلدن کاسا اده‌جیم. اورشلئم کئمی یهودا دا موحاصئره‌یه آلیناجاق.

3او گون اورشلئمی بوتون خالقلار اوچون آغیر بئر داش اده‌جیم. اونو قالدیرانلارین هامیسی آغیر یارالاناجاق. دونیانین بوتون مئلّتلری اونون ضئدّئنه بئرلَشه‌جک.

4او گون هر آتی دهشته، آتلیسینی دَلی‌لئیه دوچار اده‌جیم.» رب بویورور، «من یهودا نسلئنه گؤز قویاجاغام، آمّا او بئری خالقلارین بوتون آتلارینی کور اده‌جیم.

5او واخت یهودا باشچیلاری اورَکلرئنده دئیه‌جکلر: ”اورشلئم خالقی اؤز تاریسیندا، قوشونلارین ربّئنده گوجلودور.“

6او گون یهودا باشچیلارینی اودونلارین آراسیندا یانان بئر مانقال، دَرزلرئن اورتاسیندا آلوولانان بئر مشعل کئمی اده‌جیم. ساغدا و سولدا اولان بوتون خالقلاری یاندیریب محو اده‌جکلر. لاکئن اورشلئملی‌لر گئنه اورشلئمده اولان یِرلرئنده یاشایاجاقلار.

7من رب اوّلجه یهودا خالقینین مسکنلرئنی خئلاص اده‌جیم. اونا گؤره کی، داوود نسلی و اورشلئمده یاشایانلار یهودادان چوخ شرفلی اولماسین.

8من رب او گون اورشلئمده یاشایانلاری حئفظ اده‌جیم. او گون اونلارین آراسیندا لاپ گوجسوز آدام داوود کئمی، داوود نسلی ده تاری کئمی، اونلارین قاباغیندا گِدن ربّئن مَله‌یی کئمی اولاجاقدیر.

9او گون بو نئیّتده اولاجاغام کی، اورشلئمه هوجوم اوچون گلن بوتون مئلّتلری محو اِدئم.

10داوود نسلی و اورشلئمده یاشایانلارین اوستونه فیض و یالواریش روحونو تؤکه‌جیم. اونلار منه-بدنئنی دِشدئکلری آداما باخاجاقلار و یِگانه اوغلونا یاس توتان آدام کئمی، اونا یاس توتاجاقلار، ائلک اوغلو اوچون درد چکن آدام کئمی درد چکه‌جکلر.

11او گون اورشلئمده بؤیوک ماتم اولاجاق، مِگئدّو اوواسیندا، هَدَد-رئمّوندا اولدوغو کئمی بؤیوک ماتم اولاجاق.

12اؤلکه‌ده هر نسئل اؤز ائچئنده یاس توتاجاق: داوود نسلی آیری، آروادلاری آیری، ناتان نسلی آیری، آروادلاری آیری،

13لاوی نسلی آیری، آروادلاری آیری، شئمعی نسلی آیری، آروادلاری آیری یاس توتاجاق.

14بوتون قالان نسئل‌لری آیری-آیری، آروادلاری دا آیری یاس توتاجاق.

← Chapter 11 Chapter 13 →