Zechariah 10

azerbaijan-2013

1یاز یاغیشی مؤوسومونده ربدن، شئمشک چاخدیران ربدن یاغیش ائسته‌یئن. او، ائنسانلارا بوللوقجا یاغیش، و هر کَسئن زَمئسئنه اوت وره‌جک.

2بوتلر بوش شیلر دانیشیرلار. فالچیلار یالان رؤیالار گؤرورلر، معناسیز یوخولار دانیشاراق عبث یِره تسلّی ورئرلر. بونا گؤره ده خالق سورو کئمی داغینیقدیر، عذاب آلتیندادیر، چونکی بئر چوبان یوخدور.

3رب دیئر: «چوبانلارین ضئدّئنه قضبئم آلوولاندی، باشچیلارینا جزا وره‌جیم. قوشونلار ربّی اؤز سوروسو اولان یهودا نسلئنئن قیدئنی چکه‌جک. اونلاری عظمتلی دؤیوش آتلاری کئمی اده‌جکدئر.

4اوندان کونج داشی، چادیر میخلاری، و دؤیوش کامانی گله‌جک. بوتون خالق باشچیلاری اوندان چیخاجاقلار.

5اونلار دؤیوشده، دوشمنی کوچه‌لرده پالچیقدا تاپدالایان ائگئدلر کئمی اولاجاقلار، رب اونلارلا اولدوغو اوچون دؤیوشه‌جکلر، آتلی‌لاری اوتاندیراجاقلار.

6یهودا نسلئنی قووّتلَندئره‌جیم، یوسئف خالقینی قورتاراجاغام. اونلاری گری قایتاراجاغام، چونکی اونلارا اوره‌یئم یانیر. اِله اده‌جیم کی، سانکی اونلاری هچ اولجّه‌دن ردّ اتمه‌مئشدئم. چونکی من اونلارین تاریسی ربّم. و اونلارا جاواب وره‌جیم.

7اِفرایئملی‌لر ائگئدلر کئمی اولاجاقلار، شراب ائچمئش کئمی اورَکلری جوشاجاق. اؤولادلاری بونو گؤروب سِوئنه‌جکلر، اورَکلری ربده شادلیق تاپاجاق.

8فئت چالیب اونلاری بئر یِره ییغاجاغام، چونکی من اونلاری ساتین آلمیشام. اوّل‌لر نجه چوخالیردیلار، ائندی ده اِله‌جه چوخالاجاقلار.

9گرچی اونلاری خالقلار آراسینا سَپَله‌یئرم، لاکئن اوزاق اؤلکه‌لرده منی یادا سالاجاقلار. اؤولادلاری ائله بئرلئکده صاغ قالاجاقلار، و گری قاییداجاقلار.

10من اونلاری گئنه مئصئر اؤلکه‌سئندن گتئره‌جیم، آشوردان بئر یِره ییغاجاغام. اونلاری گئلعاد تورپاغینا، لوبنانا گتئره‌جیم. اونلارا کئفایت قدر یِر تاپیلمایاجاق.

11اذئیّت دهنزئندن کچه‌جکلر، دهنزئن شپه‌لری یاتیشدیریلاجاق، نئلئن بوتون درئن سولاری قورویاجاق. آشورون تکبّورو آلچالدیلاجاق، مئصئرئن پادشاهلیق عصاسی اَلئندن آلیناجاق.

12اونلاری ربده قووّتلَندئره‌جیم، اونلار دا ربّئن آدی ائله یاشایاجاقلار.» رب بویورور.

← Chapter 9 Chapter 11 →