Psalms 88

azerbaijan-2013

1یارب، نئجاتیمین تاریسی، گجه-گوندوز سنه یالواریرام،

2قوی دوعام سنئن حوضورونا یتئشسئن؛ فریادیما قولاق ور.

3چونکی جانیم بلالارلا دولوب، حیاتیم اؤلولر دئیارینا یتئشئب.

4اؤلوم قویوسونا اِنَنلرله ساییلیرام، قووّتی کسئلمئش بئر آدام کئمی‌یَم،

5اؤلولر آراسیندا یاددان چیخمیش آداملار کئمی، قبئرده یاتان جسدلر کئمی، او آداملار کئمی کی، سن اونلاری آرتیق خاطیرلامیرسان، چونکی سنئن نظرئندن کسئلئبلر.

6منی اؤلوم قویوسونون دئبئنه آتیبسان، قارانلیقلارا، درئنلئکلره.

7قضبئن منئم اوستومه آغیر یاتیر، بوتون شپه‌لرئنی اوستومه اندئرئرسن. سِلا

8تانیشلاریمی مندن اوزاقلاشدیریبسان، منی اونلارا ائیرنج بئر شی ادئبسن. محبوسام و چیخا بئلمئرم؛

9عذاب اوزوندن گؤزلرئمئن ائشیغی سؤنور، بوتون گون سنی چاغیریرام، یارب، اللرئمی سنه اوزادیرام.

10مگر مؤجوزه‌لرئنی اؤلولره گؤرسده‌جکسن؟! مگر اؤلولر قالخیب سنه حمد اده‌جکلر؟! سِلا

11مگر سنئن محبّتئن قبئرده، وفادارلیغین دا هلاکت یرئنده اعلان اولونور؟!

12مگر سنئن مؤجوزه‌لرئن قارانلیقدا، صالحلئیئن اونوتما دئیاریندا بئلئنئر؟!

13لاکئن، یارب، من سنی ائمدادا چاغیریرام، سحر واختی دوعام سنئن پئشوازینا چیخیر.

14یارب، نه اوچون منی اؤزوندن آتیرسان؟ نه اوچون اوزونو مندن گئزلدئرسن؟

15ازئلمئش بئر آدامام، اوشاقلیغیمدان اؤلوم حالیندایام، قورخولارینین آلتیندا قووّتدن دوشموشم، چاره‌سئزم.

16قضبئن اوستومو باسیب؛ قورخولارین منی محو ادئر.

17اطرافیمی بوتون گون سو کئمی آلیر؛ هامیسی بئردن منی آرایا سالیر.

18سوگئلی و قونشونو مندن اوزاقلاشدیریبسان؛ تانیشیم بئرجه قارانلیقدیر.

← Chapter 87 Chapter 89 →