Psalms 85

azerbaijan-2013

1یارب، سن مملکتئندن راضی اولدون، یعقوبون اسئرلرئنی گری گتئردئن.

2خالقینین تقصئرلرئنی باغیشلادین؛ بوتون گوناهلارینین اوستونو اؤرتدون. سِلا

3بوتون قضبئنی یاتیرتدین، حئرصئنئن شئدّتئندن دوشدون.

4بئزی قاباقکی حالیمیزا دؤندَ‌ر، ای نئجاتیمیزین تاریسی! بئزه اولان حئدّتئندن دوش.

5مگر ابده کئمی بئزه قضبلی اولاجاقسان؟ مگر حئرصئنی نسئلدن-نسئله اوزاداجاقسان؟

6مگر بئزی تکرار دئرئلتمه‌یه‌جکسن کی، خالقین سنده سوئنسئن؟

7محبّتئنی بئزه گؤرسد، یارب، نئجاتینی بئزه احسان ات.

8قویون رب تارینین دانیشدیغینی اشئدئم، چونکی او، خالقینا، موتّقئلرئنه خوش سؤزلر دانیشاجاق؛ قوی اونلار قاباقکی عاغیلسیزلیقلارینا دؤنمه‌سئنلر.

9دوغرودان دا اوندان قورخانلار اوچون اونون نئجاتی یاخیندیر، اله کی، عئزّت اؤلکه‌مئزده ساکئن اولسون.

10محبّت و وفا بئربئرئنه راست گله‌جک؛ صالحلئک و خوشبختلئک بئربئری ائله اؤپوشه‌جک،

11حقئقت یردن جوشاجاق، صالحلئک گؤیدن نظر سالاجاق.

12رب یاخشی اولانی احسان اده‌جک، یرئمئزئن محصولونو وره‌جک.

13صالحلئک اونون قاباغیندا یرئیه‌جک، اونون قدملری اوچون یول اده‌جک.

← Chapter 84 Chapter 86 →