Psalms 84

azerbaijan-2013

1ساکئن اولدوغون یر نه سوئملی‌دئر، ای قوشونلارین ربّی!

2جانیم ربّئن صحنلرئنئن آرزوسوندادیر، اونلارا حسرت چکئر؛ اوره‌یئم و بدنئم دئری تارییا شادلیقلا اوخویور.

3ای قوشونلارین ربّی، پادشاهیم، تاریم، قوربانگاهلارینین یانیندا سرچه بله اؤزونه بئر اِو تاپیر، قارانقوش دا اؤزونه بئر یووا کی، بالالارینی اورادا قویسون.

4سنئن اِوئنده یاشایانلار نه بختوردئرلر؛ دائم سنه حمد ادئرلر. سِلا

5بختور اونلار کی، قووّتلری سنده‌دئر، زئیارت اوچون صحیون یوللاری اونلارین اوره‌یئنده‌دئر.

6باکا دره‌سئندن کچنده اورانی بولاقلار یری ادئرلر؛ پاییز یاغیشی دا اونو برکتلرله اؤرتور.

7گتدئکجه گوجلو اولورلار؛ تاریلارین تاریسی صحیوندا گؤرونه‌جک.

8یارب، قوشونلارین تاریسی، منئم دوعامی اشئت؛ قولاق ور، ای یعقوبون تاریسی! سِلا

9قالخانیمیزا باخ، ای تاری! مسح اتدئیئن آدامین اوزونه نظر سال.

10سنئن صحنلرئنده بئر گون ساکئن اولماق، اؤزگه یرلرئن مئن گونوندن یاخشی‌دیر. منئم اوچون تاریمین اِوئنده قاپیچی اولماق، پئس آدامین چادیرلاریندا ساکئن اولماقدان داها یاخشی‌دیر.

11چونکی رب تاری گونش‌دئر، قالخاندیر؛ عئنایت و عئزّتی رب ورئر، کامئل‌لئکله یاشایانلارا رب هچ بئر نعمتی اسئرگه‌مز.

12ای قوشونلارین ربّی، سنه توکّول ادن نه بختوردئر!

← Chapter 83 Chapter 85 →