Psalms 30

azerbaijan-2013

1سنی اوجالتاجاغام، یارب، چونکی منی قالدیردین؛ قویمادین دوشمنلرئم اوستومه شادلیق اتسئنلر.

2یارب تاریم، سنی چاغیردیم، سن منه شفا وردئن.

3یارب، جانیمی اؤلولر دئیاریندان چیخاردیبسان، منی دئری ساخلاییبسان کی، قبئره اِنمه‌یئم.

4سئز اونون موتّقی‌لری، ربّه پرستئش نغمه‌لری اوخویون؛ اونون موقدّس آدی اوچون اونا شوکور ادئن.

5چونکی قضبی بئر آن چکر، آمّا لوطفو عؤمور بویو داوام ادر. آخشام واختی بلکه ده گؤزیاشی تؤکولسون، لاکئن سحر آچیلاندا مسرّت گلر.

6ائندی من بو راحاتلیغیمدا ددئم: «یرئمدن اصلا ترپنمه‌رم.»

7یارب، لوطفونده منی داغ کئمی مؤحکم ادئبسن؛ لاکئن اوزونو گئزلتدئیئن زامان، قورخو منی بورودو.

8سنه سَسلندئم، یارب؛ پروردئگاریما یالواردیم:

9«منئم اؤلومومده، منئم قبئره اِنمه‌یئمده نه فایدا وار؟ آیا تورپاق سنه حمد اده‌جک؟ آیا تورپاق سنئن وفادارلیغینی اعلان اده‌جک؟

10اشئت یارب، منه یازیغین گلسئن. یارب، ائمدادیما چات.»

11یاسیمی شادلیغا دؤندَ‌ردئن؛ اَینئمده‌کی پالاسی چیخارتدین منه شادلیق پالتاری گیدئردئن کی،

12قلبئم سنه نغمه‌لر اوخوسون، ساکئت دورماسین. یارب، تاریم، سنه ابده کئمی شوکور اده‌جیم.

← Chapter 29 Chapter 31 →