Psalms 27

azerbaijan-2013

1رب منئم ائشیغیم‌دیر، رب منئم نئجاتیم‌دیر، کئمدن قورخاجاغام؟ حیاتیمین قالاسی ربدئر، کئمدن هراسیم اولاجاق؟

2جانیمین اتئنی یمک اوچون پئس آداملار اوستومه یوگورَنده - او دوشمنلرئم، او خصملرئم - اؤزلری سوروشوب ییخیلدیلار.

3ضئدّئمه بئر قوشون دا دوزولسه، اوره‌یئم قورخماز. قاباغیما موحارئبه ده چیخسا، گئنه آرخایینام.

4ربدن بئر شی آرزو ادئرم، اونو آختاریرام: کی، حیاتیمین بوتون گونلرئنده ربّئن اِوئنده ساکئن اولوم. کی، ربّئن گؤزل‌لئیئنی گؤروم، اونون معبدئنده هئدایتئنی آختاریم.

5چونکی یامان گونده او، منی اؤز خیمه‌سئنده گئزلده‌جک؛ چادیرینین گئزلی یرئنده منه پناه وره‌جک، او منی قایا اوستونه اوجالداجاق.

6اونا گؤره باشیم، دؤورَمده اولان دوشمنلرئمئن اوستونه اوجالاجاق. اونون چادیریندا شادلیقلا قوربانلاریمی تقدئم اده‌جیم. اوخویاجاغام، ربّه پرستئش نغمه‌سی اوخویاجاغام.

7سنی چاغیران واخت، سسئمی اشئت، یارب! منه یازیغین گلسئن، منه جاواب ور.

8سنئن ددئیئنی دوشوندوم: «منئم اوزومو آختارین.» دیئرم: سنئن اوزونو آختاریرام، یارب!

9اوزونو مندن گئزلتمه؛ قضبئنده بو قولونو قووما. منئم کؤمه‌یئم همئشه سن اولوبسان. منی آتما، منی بوراخما، ای خئلاصیمین تاریسی!

10آتام و آنام منی بوراخسالار دا، رب منی گؤتوره‌جک.

11یولونو منه گؤرسد، یارب، دوشمنلرئمدن اؤتری منی دوز یولا هئدایت ات.

12منی دوشمنلرئمئن الئنه ورمه، چونکی یالانچی شاهئدلر اوستومه قالخیبلار، آغیزلاریندان ظولم چیخیر.

13اگر ائنانماسایدیم کی، دئرئلر دئیاریندا ربّئن یاخشیلیغینی گؤره‌جیم، اوره‌یئم جانیمدان چیخاردی.

14ربّه اومئد باغلا، جسور اول، اوره‌یئن قووّتلنسئن، ربّه اومئد باغلا.

← Chapter 26 Chapter 28 →