Psalms 26

azerbaijan-2013

1منی حاقلی چیخارت یارب، چونکی کاماللا یاشامیشام. ربّه اعتئماد اتمئشم؛ ترپنمه‌یه‌جیم.

2منی ائمتاحان ات یارب، منی یوخلا؛ اوره‌یئمی، فئکرئمی ائمتاحانا چک.

3چونکی سنئن محبّتئن گؤزلرئمئن قاباغیندادیر سنئن حقئقتئنده یاشاییرام.

4نه رذئل ائنسانلارلا اوتورورام، نه ده ائکی اوزلو آداملارلا گلئش-گدئش ادئرم.

5پئس ائشلر گؤرن آداملارین مجلئسئندن نئفرت ادئرم، شرور ائنسانلارلا اوتورمورام.

6معصوملوقدا اللرئمی یویورام، سنئن قوربانگاهینی طواف ادئرم، یارب کی،

7حمدئنی اوجا سسله اشئتدئرئم، بوتون عجئب ائشلرئنی اعلان ادئم.

8یاشادیغین اِوی، یارب، جلالینین ساکئن اولدوغو یری سوئرم.

9جانیمی گوناهکارلارلا، حیاتیمی آدام اؤلدورنلرله بئر یره گتئرمه.

10او آداملارلا کی، پئسلئک اللرئنده‌دئر، صاغ اللری روشوتله دولودور.

11لاکئن من کاماللا یاشاییرام؛ منی خئلاص ات، منه رحم اله.

12آیاغیم دوزلوکده دورور؛ جاماعاتلار ائچئنده ربّه حمد اده‌جیم.

← Chapter 25 Chapter 27 →