Psalms 16

azerbaijan-2013

1منی حئفظ ات، ای تاری، چونکی سنه پناه گتئرئرم.

2ربّه ددئم: «سن منئم پروردئگاریمسان، سندن ساوایی یاخشی بئر شیئم یوخدور.»

3یر اوزونده اولان موقدّس ائنسانلارا گلئنجه، «اونلار او فاضئل‌لردئلر کی، بوتون شادلیغیم اونلاردادیر.»

4اؤزگه آللاهلارین دالینا دوشَن ائنسانلارین قوصّه‌لری چوخالاجاق. اونلارین قانا باتمیش مایع تقدئملرئنی، من تقدئم اتمه‌رم؛ اونلارین آدلارینی دوداقلاریما دا آلمارام.

5سن ای ربّئم، حئصّه‌مئن پایی، کاسامین پایی سنسن؛ پوشکومو امئن-آمانلیقدا سن ساخلاییرسان.

6قئسمتئم نعمتلی یرلره دوشوب. حقئقتن ده آلدیغیم مئراث گؤزَلدئر.

7منه نصئحت ورن ربّه حمد اده‌جیم؛ اوره‌یئم حتّا گجه ده منه تعلئم ورئر.

8ربّی دائم گؤزومون قاباغینا قویموشام؛ منئم صاغ الئمده اولدوغو اوچون یرئمدن ترپنمه‌رم.

9اونون اوچون ده اوره‌یئم سوئنئر، جانیم شادلیق ادئر؛ بلی، بدنئم ده امئن-آمانلیقدا ساکئن اولاجاق.

10چونکی منی اؤلولر دئیارینا بوراخمازسان، موتّقی اولانی چورومه‌یه قویمازسان.

11حیات یولونو منه بئلدئرئرسن. شادلیق دولولوقلا سنئن حوضوروندادیر، صاغ طرفئنده ابدی کِفلردئر.

← Chapter 15 Chapter 17 →