Psalms 118

azerbaijan-2013

1ربّه شوکور ادئن، چونکی یاخشی‌دیر! چونکی محبّتی ابدی‌دئر.

2ائسرایئل دسئن: «اونون محبّتی ابدی‌دئر.»

3هارون اِوی دسئن: «اونون محبّتی ابدی‌دئر.»

4قوی اوندان قورخانلار دسئنلر: «اونون محبّتی ابدی‌دئر.»

5دارلیقدا ربّی چاغیردیم؛ رب منه جاواب وردی، منی گنئشلئیه چیخارتدی.

6رب یانیمدادیر، قورخمارام. ائنسان منه نه اده بئلر؟!

7رب منه کؤمک اتمک اوچون یانیمدادیر؛ اونا گؤره ده، مندن نئفرت ادنلرئن ییخیلماسینی گؤره‌جیم.

8ربّه پناه گتئرمک، ائنسانا توکّول اتمکدن یاخشی‌دیر.

9ربّه پناه گتئرمک اعیانلارا توکّول اتمکدن یاخشی‌دیر.

10بوتون مئلّتلر منی موحاصئره‌یه آلدیلار، لاکئن ربّئن آدیندا اونلاری محو اتدئم.

11منی دؤوره‌له‌دئلر، بلی، منی دؤوره‌له‌دئلر؛ لاکئن ربّئن آدیندا اونلاری محو اتدئم.

12بال چئبئنلری کئمی منی دؤوره‌له‌دئلر؛ لاکئن تئکان آلووو کئمی سؤندولر؛ چونکی ربّئن آدیندا اونلاری محو اتدئم.

13منی شئدّتله ائته‌له‌دئن کی، ییخیلیم، آمّا رب منه کؤمک اتدی.

14رب منئم قووّتئم و پرستئش نغمم‌دئر، منه نئجات ورن اودور.

15صالح آداملارین چادیرلاریندا شادلیق و ظفر سسی وار: «ربّئن صاغ الی قودرتلی ائشلر ادئر!

16ربّئن صاغ الی اوجادیر، ربّئن صاغ الی قودرتلی ائشلر ادئر!»

17اؤلمه‌یه‌جیم، یاشایاجاغام، ربّئن ائشلرئنی اعلان اده‌جیم.

18رب منی شئدّتله تنبه ادئب، لاکئن جانیمی اؤلومه ورمه‌یئب.

19صالحلئک دروازالارینی منه آچین، اونلاردان گئره‌جیم و ربّه شوکور اده‌جیم.

20بو ربّئن او دروازاسی‌دیر کی، صالح آداملار اوندان گئررلر.

21سنه شوکور ادئرم، چونکی منه جاواب ورئبسن، منئم نئجاتیم اولوبسان.

22بنّالارین ردّ اتدئیی داش، بئنا کونجونون باش داشی اولدو.

23بو ربّئن ائشی ائدی؛ گؤزلرئمئزئن قاباغیندا عجایئب ائشدئر.

24بو گون ربّئن یاراتدیغی گوندور؛ اوندا سوئنئب شاد اولاجاغیق.

25آماندیر، یارب، بئزه نئجات ور. آماندیر، یارب، بئزه اوغور ور.

26ربّئن آدی ائله گلن موبارک اولسون! ربّئن اِوئندن سئزه برکت ورمئشئک.

27رب تاریدیر، بئزه ائشیق ورئب؛ بایرام قوربانینی ائپلرله باغلایین، قوربانگاهین بوینوزلارینا قدر گتئرئن.

28سن منئم تاریمسان، سنه شوکور اده‌جیم؛ سن منئم تاریمسان، سنی اوجالتاجاغام.

29ربّه شوکور ادئن، چونکی یاخشی‌دیر! چونکی محبّتی ابدی‌دئر.

← Chapter 117 Chapter 119 →