Proverbs 8

azerbaijan-2013

1مگر حئکمت چاغیرمیر؟ مگر فراست سسئنی اوجالتمیر؟

2یولون قیراغیندا اولان اوجا یرلرده، طرئقلرئن بئرلشدئیی یرده دورور.

3دروازالارین یانیندا، شهرئن قاباغیندا، قاپیلارین گئرئش یرئنده سسله‌نئر:

4«سئزی چاغیریرام، ای ائنسانلار، سَسئم ائنسان اوغوللارینی خئطاب ادئر.

5سئز، ای ساده‌لر، شوعور آلین؛ سئز، ای آخماقلار، عاغیل اؤیره‌نئن.

6قولاق آسین، چونکی اعلا شیلردن دانیشارام، دوداقلاریمدان دوز شیلر چیخار.

7آغزیم حقئقتی دئیر؛ دوداقلاریم شردن ائیره‌نئر.

8آغزیمدان آنجاق صالحلئک سؤزلری چیخیر، سؤزلرئم مکرلی دیئل، ترسه دیئل.

9آنلاقلی اولانا اونلارین هامیسی آیدین‌دیر، معرئفت تاپانلارا دوزدور.

10گوموش یوخ، تربئیه‌می قبول ادئن، سچمه قیزیلدان آرتیق معرئفتی آلین.

11چونکی حئکمت یاقوتلاردان یاخشی‌دیر، جانین ائسته‌دئیی هچ بئر شی اونا تای دیئل.

12من، حئکمتم، شوعورلا مسکن سالمیشام، معرئفتی، دوشونجه‌نی تاپمیشام.

13ربدن قورخماق، پئسلئکدن نئفرت اتمکدئر؛ قوروردان، تکبّوردن، پئس یولدان، ترسه دانیشان آغیزدان من نئفرت ادئرم.

14نصئحت و شوعور منئمدئر؛ آنلاق منم، قووّتئم وار.

15منئم واسئطمله پادشاهلار حؤکمرانلیق ادئرلر، حؤکمدارلار عدالتله امر ادئرلر.

16منئم واسئطمله ریئسلر و آغالار، بوتون صالح حاکئملر حؤکم ادئرلر.

17منی سونلری سوئرم، منی جهدله آختارانلار منی تاپیر.

18ثروت و عئزّت، داوام گتئرن مال-دؤولت و صالحلئک منئم یانیمدادیر؛

19منئم ثمره‌م قیزیلدان، بلی، خالئص قیزیلدان، محصولوم دا سچمه گوموشدن یاخشی‌دیر.

20صالحلئک طرئقئنده، عدالت یوللارینین اورتاسیندا گزئرم کی،

21منی سونلره وارلیلیق باغیشلاییم، اونلارین خزئنه‌لرئنی دولدوروم.

22رب یولونون باشلانیشیندا، قدئم ائشلرئنئن اوّلئنده منی یاراتدی.

23ازلدن، او باشلانیشدان، دونیانین اوّلئندن قاباق من برقرار اولموشام.

24درئنلر یوخ ائکن، سویو بول اولان چشمه‌لر حله یوخ ائکن، من دوغولدوم؛

25داغلارین قورولوشوندان قاباق، تپه‌لردن قاباق من دوغولدوم.

26او زامان کی، یری، یا چؤللری، یا دا دونیانین ائلک تورپاغینی یاراتمامیشدی.

27گؤیلری برقرار ادن زامان اورادا ائدئم، او زامان کی، درئنلئک اوزونه بئر دایره چکدی.

28او زامان کی، بولودلاری یوخاریدا قوردو، او زامان کی، درئنلئیئن چشمه‌لرئنی باغلادی.

29او زامان کی، دهنزه حد تعیئن اتدی، اله کی، سولار اونون امرئندن کچمه‌سئنلر. او زامان کی، یرئن بونؤوره‌لرئنی نئشانلاندی.

30او زامان اونون یانیندا معمار ائدئم، هر گون اونون شادلیغی ائدئم. همئشه اونون حوضوروندا سوئنئردئم؛

31بوتون دونیاسیندا سوئنئردئم، شادلیغیم ائنسان اوغوللاری ائله ائدی.

32اونا گؤره ده، اوغوللاریم، ائندی منه قولاق آسین، چونکی منئم یوللاریمی توتانلار بختوردئرلر.

33وردئیئم تربئیه‌نی اشئدئن و حئکمت آلین، اونو ردّ اتمه‌یئن.

34خوش او آدامین حالینا کی، منه قولاق آسیر، منئم دروازالاریمدا هر گون اویاق دورور، قاپیلاریمین سوتونلاری یانیندا گؤزله‌یئر.

35چونکی منی تاپان حیاتی تاپیر، ربّئن ریضاسینی قازانیر؛

36لاکئن منی الدن ورن آدام، اؤز جانینی کورلاییر؛ بوتون مندن نئفرت ادنلر اؤلومو سوئرلر.»

← Chapter 7 Chapter 9 →