Proverbs 7

azerbaijan-2013

1اوغلوم، سؤزلرئمی ساخلا، وردئیئم امرلری یانیندا آنبار ات.

2امرلرئمی ساخلا کی، یاشایاسان. سنه وردئیئم تعلئمی گؤزونون توخومو کئمی ساخلا.

3اونلاری بارماغینا تاخ، اونلاری اوره‌یئنئن لؤوحه‌سئنه یاز.

4حئکمته ده: «سن منئم باجیمسان.» آنلاغی اؤزونه لاپ یاخین قوحوم کئمی نظرده توت کی،

5سنی عئفّتسئز آرواددان، یومشاق سؤزلری ائله آلداتان زئناکار آرواددان حئفظ اتسئن.

6اِوئمئن پنجره‌سئندن، چرچئوه‌نئن ائچئندن باخدیم.

7ساده آداملار آراسیندا، جاوانلار آراسیندا، عاغیلسیز بئر اوغلان گؤردوم؛

8کوچه‌دن، او آروادین اِوئنئن تئنئندن کچئب، اونون اِوئنئن یولوندان گدئردی؛

9آلا قارانلیقدا، گون باتاندا، گجه دوشَنده، هاوا قارالاندا،

10اورادا بئر آرواد، حئیله‌لی اورَکله، زانئیه پالتاریندا اونونلا گؤروشمه‌یه گلدی.

11او های-کویچودور، بی‌حیادیر، اونون آیاقلاری اِوده قالماز.

12گاه اشئکده، گاه دا میدانلاردا، هر تئنئن باشیندا کمئن چکر.

13بله‌جه او اوغلانی توتوب اؤپدو؛ حیاسیز اوزله اونا ددی:

14«باریش قوربانلاریمی کسمه‌یه بورجلو ائدئم، بو گون نذئرلرئمی یرئنه یتئرمئشم.

15اونون اوچون ده، سنئنله گؤروشمه‌یه چیخدیم. سنی چوخ آختاردیم و تاپمیشام.

16یاتاغیما مئصئر کتانیندان توخونان الوان اوز چکمئشم.

17یورغان-دوشه‌یئمی مورله، عؤد آغاجی و دارچینلا عطئرله‌مئشم.

18گل، سحره کئمی دویونجا عشق ادک، قوی سوگئدن کف آپاراق.

19چونکی اَرئم اِوده دیئل، اوزون بئر سفره گدئب.

20پول کئسه‌سئنی گؤتوروب، آیین بدئرلنمئش واختی اِوه گله‌جک.»

21چوخلو یومشاق سؤزلری ائله اونو توولادی، شئرئن دئله توتوب یولدان چیخارتدی.

22اوغلان بئردن اونون دالینجا گتدی؛ کسئلمه‌یه گدن بئر اؤکوز کئمی، کمنده سالینان بئر مارال کئمی کی،

23بئر اوخ جئیه‌رئنی دشسئن، تله طرفئنه تله‌سن بئر قوش کئمی، بئلمئردی کی، بو اوخ اونون جانینی آلاجاق.

24اونا گؤره ده، اوغوللاریم، ائندی منه قولاق آسین. آغزیمدان چیخان سؤزلره دئقّت ادئن.

25قویما اوره‌یئن او آروادین یوللارینا دؤنسون. اونون یولونا دؤنمه.

26چونکی او چوخ کئشئلری هلاکا آپاریب، اونون الئنده اؤلن آداملارین سایی چوخدور.

27اونون اِوی اؤلولر دئیارینین یولودور. اؤلوم اوتاقلارینا اِنئر.

← Chapter 6 Chapter 8 →