Proverbs 26

azerbaijan-2013

1نجه یای واختیندا قار یاراشماز، بئچئن واختیندا دا یاغیش، آخماق بئر آداما دا عئزّت اله یاراشماز.

2سرچه نجه اوچوب کؤچر، قارانقوش نجه اوچوب گدر، سببسئز لعنت ده اله‌دئر، یرئنه یتئشمز.

3آتا قامچی، اِششه‌یه جئلوو، آخماق آداملارین دالینا دا آغاج.

4آخماق آداما سفه‌لئیئنه گؤره جاواب ورمه، یوخسا سن ده اونون کئمی اولارسان.

5آخماق آداما سفه‌لئیئنه گؤره جاواب ور، یوخسا اؤز گؤزونده اؤزونو حئکمتلی سایار.

6آخماق بئر آدامین الی ائله خبر گؤندَ‌رَن، اؤز آیاقلارینی کسن و اؤز ضررئنی ائچن کئمی‌دئر.

7آخسایان بئر آدامین آیاغی نجه لاخلار، مثل ده آخماق آداملارین آغزیندا اله‌دئر.

8داشی ساپاندا قویان آدام نجه‌دئر، آخماغا حؤرمت ادن آدام دا اله‌دئر.

9کفلی بئر آدامین الئنه باتمیش بئر تئکان نجه‌دئر، مثل ده آخماق آداملارین آغزیندا اله‌دئر.

10هدفسئز اوخ آتان آدام نجه هامینی یارالایار، آخماق آدامی، یولدان کچن هر کسی ائشه آلان دا اله‌دئر.

11ائت اؤز قوسدوغونا نجه دؤنر، آخماق آدام دا تکرار سفه‌لئک ادر.

12اؤز گؤزونده حئکمتلی اولان بئر آدامی گؤروبسن؟ آخماق بئر آداما اوندان آرتیق اومئد باغلاماق اولار.

13تنبل آدام دئیر: «یولدا آصلان وار! کوچه‌لرده شئر گزئر!»

14قاپی اؤز دابانی اوسته نجه دؤنر، تنبل آدام دا یاتاغیندا اله دؤنر.

15تنبل آدام الئنی قابا باتیرار؛ لاکئن اونو آغزینا گری گتئرمه‌یه اَرئنر.

16تنبل اؤز گؤزونده، عاغیلّیجا جاواب ورن یدّی نفردن داها حئکمتلی‌دئر.

17اؤزونه مربوط اولمایان داعوایا قاریشان، اله بئل کوچه‌ده‌کی ائتی قولاقلاریندان توتور.

18اود، اوخ، و اؤلوم گتئرن دلی آدام نجه‌دئر،

19قونشوسونو آلداتیب، «ظارافات ادئردئم» دئین آدام دا اله‌دئر.

20اودون اولمایان یرده اود سؤنر؛ قیبتچی اولمایان یرده ده داعوا یاتار.

21کؤز اوچون کؤمور و اود اوچون اودون نجه‌دئر، داعوانی آلوولاندیرماق اوچون داعواچی آدام دا اله‌دئر.

22قیبتچی آدامین سؤزلری شئرئن تئکه‌لر کئمی‌دئر کی، قارنین لاپ درئن یرلرئنه اِنَر.

23جئلالانمیش صاخسی بئر قاب نجه‌دئر، هوسلی دوداقلارلا شر دولو بئر اورَک ده اله‌دئر.

24دوشمن نئفرتی دوداقلاری ائله گئزله‌در، حئیله‌نی اؤز ائچئنده ساخلایار.

25مهرئبان دانیشان زامان اونا ائنانما، چونکی اوره‌یئنده یدّی جور مکروه شی وار:

26گرچی نئفرتی مکرله اؤرتولوب، لاکئن شرارتی جاماعاتین قاباغیندا آشکارا چیخاجاق.

27چوخور قازان آدام اؤزو اونا دوشر، داش دا اونو یووارلایانین اوستونه قاییدار.

28یالانچی دئل یارالادیغی آداملاردان نئفرت ادر، آلداتان آغیز دا وئرانلیغا سبب اولار.

← Chapter 25 Chapter 27 →