Proverbs 17

azerbaijan-2013

1باریشلا بئر تئکه قورو چؤرک، دیئشمه ائله ضئیافت دولو اِودن داها یاخشی‌دیر.

2عاغیلّی نؤکر آد-باتیران اوغولون آغاسی اولار، قارداشلار آراسیندا مئراث پایی آلار.

3پوتا گوموش اوچوندور و کوره قیزیل اوچون، لاکئن اورَکلره محک ووران ربدئر.

4پئسلئک ادن شر دوداقلارا دئقّت وِرَر، یالانچی آدام فئتنه سالان دئله قولاق آسار.

5یوخسول آداملاری رئشخند ادن، اونو یارادانا خور باخار، اؤزگه‌نئن بلاسینا سِوئنن آدام جزاسیز قالماز.

6نوه‌لر یاشلی‌لارین تاجی‌دیر، اوغوللارین عئزّتی آتالاری‌دیر.

7فضئلتلی سؤز عاغیلسیز آداما یاراشماز، نه قدر آرتیق یالان دانیشان دوداقلار بئر آغایا!

8روشوت اونو وره‌نئن گؤزونده قئیمتلی بئر داشدیر، نه طرفه دؤنسه، ائش باش توتار.

9خاطانین اوستونو اؤرتن آدام محبّت آختاریر، آمّا سؤز گزدئرن، یاخین دوستلاری بئربئرئندن آییریر.

10آنلاغی اولان آداما بئر ائراد، آخماغا وورولان یوز دَیَنَک ضربه‌سئنئن آغریسیندان داها آرتیقدیر.

11پئس آدام آنجاق عوصیان آختارار، اونون ضئدّئنه قدّار قاصئد گؤندَ‌رئلر.

12بالالارینی ائتئرمئش بئر آیی‌یا راست گلمک، سفاهته باتمیش آخماقلا راستلاشماقدان یاخشی‌دیر.

13کئم یاخشیلیق عوضئنه پئسلئک اتسه، پئسلئک اونون اِوئندن آیریلماز.

14داعوانین باشلانیشی سویون بندئندن آچیلماسینا بنزه‌ر، داعوا باشلانمامیش موناقئشه‌نی ترک ات.

15شر آدامی گوناهسیز چیخارتماق، صالح آدامی محکوم اتمک، هر ائکئسی ده ربّه مکروهدور.

16نه اوچون آخماق آدامین الئنده، حئکمتی ساتین آلماق اوچون مال وار؟! اونون کی، بونا عاغیلی یوخدور.

17بئر دوست همئشه سِوَر، قارداش دارلیق اوچون آنادان اولوب.

18عاغیلسیز، آیری بئر آداملا ال‌بئر اولار، قونشوسونا ضامئن دورار.

19خاطاکارلیغی سِوَن داعوانی سِوَر، قاپیسینی اوجالدان هلاک آختارار.

20اَیری اورَکلی خیئر گؤرمز، ترسه دانیشان دئل ده بلایا دوشر.

21آخماغین آتاسی قوصّه‌یه آتا اولور، عاغیلسیزین آتاسینین شادلیغی ائتر.

22شاد اورَک یاخشی بئر درماندیر، لاکئن سینیق بئر روح سوموکلری قورودار.

23شر آدام قولتوغونون آلتیندان روشوت آلار کی، عدالتئن یوللارینی پوزسون.

24حئکمت، آنلایان آدامین نظرئنده‌دئر، آخماغین گؤزلری دونیانین او تایینی آختارار.

25آخماق اوغول آتاسینا قوصّه، اونو دوغان آناسینا آجیلیق‌دیر.

26صالح بئر آدامی تنبه اتمک یاخشی دیئل، نجئبزاده‌لری ده دوزلوکلری اوچون دؤیمک یاخشی دیئل.

27معرئفتی اولان آز دانیشار، فراستلی آدامین دا آرام روحو وار.

28حتّا سفه بئر آدام دا ساکئت قالسا، حئکمتلی حساب ادئلر، آغزینی یومسا، فهئم گؤرونر.

← Chapter 16 Chapter 18 →