Proverbs 12

azerbaijan-2013

1تربئیه‌نی سِوَن معرئفت سِوَر، آمّا تأدئبدن نئفرت ادن عاغیلسیزدیر.

2یاخشی آدام ربّئن ریضاسینی قازانار، آمّا شر قوران آدامی، او، محکوم ادر.

3ائنسان شرارتله برقرار اولماز، لاکئن صالح آداملارین کؤکو یرئندن ترپه‌دئلمز.

4فضئلتلی آرواد ارئنئن تاجی‌دیر، آمّا خجالت گتئرن آرواد اونون سوموکلرئنئن چورویو کئمی‌دئر.

5صالح آداملارین فئکئرلری عدالتدئر، شر آداملارین مشورتلری حئیله‌دئر.

6شر آداملارین سؤزلری اؤلوم اوچون کمئن قورار، آمّا دوز ائنسانلارین آغیزی اونلاری خئلاص ادر.

7شر آداملار ییخیلیب یوخ اولارلار، لاکئن صالح آداملارین اِوی برقرار قالار.

8ائنسان عاغیلّی سؤزلرئنه گؤره تعرئفله‌نر، آمّا اوره‌یی اَیری اولان آدام حقارت چکر.

9شؤهرتسئز، لاکئن قول صاحئبی اولان آدام، اؤزونو بؤیودن، لاکئن چؤره‌یه مؤحتاج آدامدان یاخشی‌دیر.

10صالح آدام حیوانلارینین احتئیاجینی بئلئر، لاکئن شر آدامین مرحمتئنده ده قدّارلیق وار.

11تورپاغیندا چالیشیب اونو بِجَرن آدام چؤرکله دویار، آمّا بوش شیلرئن دالینجا گدن آدام عاغیلسیزدیر.

12شر آدام پئسلرئن شئکارینا حسرت چکر، لاکئن صالح آداملارین کؤکو ثمره وِرَر.

13پئس آدام دوداقلارینین خاطاسی ائله تله‌یه دوشر، آمّا صالح آدام دارلیقدان سالامات چیخار.

14ائنسان آغزینین میوه‌سی ائله یاخشیلیقدان دویار، اللرئنئن نه اتدئکلری اونون اؤزونه قاییدار.

15سفه آدامین یولو اؤز گؤزونده دوز گؤرونور، لاکئن نصئحته قولاق آسان حئکمتلی‌دئر.

16سفه آدامین قضبی آنَن بلّی اولار، آمّا شوعورلو آدام شرفسئزلئیئن اوستونو اؤرتر.

17صداقتله دانیشان آدام عدالتی اورتایا چیخاردار، آمّا یالانچی شاهئد حئیله‌نی.

18فئکئرسئز دانیشان وار کی، سؤزلری قیلینج کئمی یارالایار، لاکئن حئکمتلی آدامین دئلی شفا وِرَر.

19حقئقتی دئین دوداق همئشه‌لئک برقرار قالار، آمّا یالان دانیشان دئل آنجاق بئر آن اوچوندور.

20شر قورانلارین اورَکلرئنده حئیله وار، نصئحت ورئب صولحه چاغیران شادلیق تاپار.

21صالح آدام هچ بلایا دوشمز، آمّا شر آداملار پئسلئکله دولارلار.

22یالان دانیشان دوداقلار ربّه مکروهدور، آمّا وفالی رفتار ادنلردن او، خوشلانار.

23شوعورلو آدام معرئفتئن اوستونو اؤرتر، لاکئن آخماق آدامین اوره‌یی سفهلئیی جار چکر.

24چالیشقان آدامین اَلی آغالیق ادر، آمّا تنبل آدام قوللوغا ورئلر.

25اورَکده اولان نئگرانچیلیق ائنسانین بلئنی اَیَر، لاکئن یاخشی سؤز اونو سوئندئرر.

26صالح آدام قونشوسونا یول گؤرسه‌در، آمّا پئسلرئن یوللاری اؤزلرئنی آزدیرار.

27تنبلئن الئنه شئکار دوشسه ده، اونو پئشئرمز، چالیشقانلیق ائنسانین دیرلی مالی‌دیر.

28صالحلئک طرئقئنده حیات وار، او یول‌لا گتمکده اؤلوم یوخدور.

← Chapter 11 Chapter 13 →