Nehemiah 6

azerbaijan-2013

1دووارین تزه‌دن تئکدئیئمی و اورادا دَلئک-دِشئیئن قالمادیغینی سنبَلّطه، طوبئیایا، عرب گِشِمه و آیری دوشمنلرئمئزه خبر وردئلر. گرچی حله او واختا قدر دروازالارین قاپی تایلارینی یرئنه وورمامیشدیم.

2سنبَلّط و گِشِم یانیما آدام گؤندَ‌رئب ددئلر: «گل اون هامارلیغینداکی هَکّفئرئمده گؤروشَک.» آمّا اونلار منه پئسلئک اتمک نئیّتئنده ائدئلر.

3من اونلارین یانینا قاصئد گؤندَ‌رئب ددئم: «بؤیوک بئر ائشله مشغولام و اورایا اِنه بئلمه‌رم. بو ائشی قویوب یانینیزا اِندئیئم مودّت عرضئنده ائش نه اوچون دایانسین؟»

4اونلار یانیما دؤرد دفه بو خبری گؤندَردئلر، من ده اونلارا هَمَن جاوابی وردئم.

5سنبَلّط بِشئنجی دفه نؤکرئنی هَمَن خبرله منئم یانیما یوللادی و اونون اَلئنده مؤهورلَنمه‌مئش مکتوب وار ائدی.

6مکتوبدا بله یازیلمیشدی: «آیری مئلّتلر آراسیندا سؤز یاییلیب و گِشِم دیئر کی، سن و یهودئلر عوصیان اتمک نئیّتئنده ائمئشسئنئز. دوواری دا بونا گؤره تئکئرمئشسئنئز. شایئعه‌لره گؤره سن اونلارین پادشاهی اولماق ائسته‌یئرمئشسن.

7اورشلئمده ده پیغمبرلر تعیئن ادئبسن کی، اؤزون حاقّیندا جار چکئب دسئنلر: ”یهودادا پادشاه وار.“ ائندی بو سؤزلر پادشاها چاتاجاق. بونا گؤره ده، گل، بو باره‌ده بئرلئکده مصلحتلَشَک.»

8او واخت من سنبَلّطئن یانینا آدام گؤندَ‌رئب ددئم: «ددئیئن شیلرئن هچ بئری اولماییب، سن اونلاری اؤزوندن چیخاردیرسان.»

9چونکی هامی بئزی قورخوتماغا چالیشیب دیئردی: «بو ائشدن اَللری سویویاجاق و بو ائش باش توتمایاجاق.» ای تاری، ائندی سن اَللرئمه قووّت ور!

10من مِحِته‌بِل اوغلو دِلایا اوغلو شِمَعیانین اِوئنه گتدئم. او، اِوئنه قاپانیب قالمیشدی. منه ددی: «گل تارینین اِوئنده، معبدده گؤروشَک و قاپیلارینی باغلایاق. چونکی سنی اؤلدورمَیه آداملار گله‌جک. بلی، گجه ائکن سنی اؤلدورمیه گله‌جکلر.»

11لاکئن ددئم: «منئم کئمی آدام مگر قاچار؟ جانینی قورتارماق اوچون مگر منئم کئمی بئر آدام معبدده گئزله‌نَر؟ اصلا بله اتمه‌رم!»

12بونو باشا دوشدوم کی، شَمَعیانی تاری گؤندَ‌رمه‌مئشدی. بو پیغمبرلئک سؤزونو منئم ضئدّئمه اونا گؤره دمئشدی کی، طوبئیا ائله سنبَلّط اونو پوللا توتموشدولار.

13او منی قورخوتماق اوچون اوجرتله توتولموشدو کی، من ددئیئنی ادئب گوناها باتیم. بله‌جه منی پئسله‌یئب حؤرمتدن سالا بئلسئنلر.

14ای تاریم، طوبئیا ائله سنبَلّطی، هم ده منی قورخوتماق ائسته‌یَن نَبئیّه نوعَدیه‌نی و باشقا پیغمبرلری بو عمل‌لرئنه گؤره یاددا ساخلا!

15اِلول آیینین ائیئرمی بِشئنده، اَلّی ائکی گون عرضئنده دووارین تئکئلمه‌سی باشا چاتدی.

16بوتون دوشمنلرئمئز، اطرافیمیزداکی خالقلار بونو اشئدئب قورخدولار و جسارتلرئنی اَلدن وردئلر؛ چونکی اونلار باشا دوشدولر کی، بو ائش تاریمیزین کؤمه‌یی ائله ادئلئب.

17هم ده او گونلر یهودانین اعیانلاری طوبئیایا چوخ مکتوب گؤندَ‌رئردئلر و طوبئیادان دا اونلارا جاوابلار گلئردی.

18یهودادا چوخ آدام طوبئیا ائله باغلی قالاجاغینا آند ائچمئشدی. چونکی طوبئیا آرَخ اوغلو شِکَنیانین دامادی ائدی. هم ده طوبئیانین اوغلو یِهوخانان بِرِکیا اوغلو مِشولّامین قیزینی آلمیشدی.

19اعیانلار اونون یاخشی ائشلری حاقّیندا منئم یانیمدا دانیشیردیلار و منئم سؤزلرئمی اونا چاتدیریردیلار. طوبئیا منی قورخوتماق اوچون مکتوبلار گؤندَ‌ردی.

← Chapter 5 Chapter 7 →