Nehemiah 13

azerbaijan-2013

1او گون موسانین کئتابیندان اوخوندو و خالق قولاق آسیردی. بو کئتابدا بله بئر یازی تاپیلدی: «تارینین جاماعاتینا عَمّونلو و یا موآبلی هچ واخت داخئل اولا بئلمز.»

2چونکی موآب و عَمّون اؤولادلاری ائسرایئل اؤولادلارینی چؤرک و سو ائله پئشواز اتمه‌مئشدئلر. آمّا بَلعامی اوجرتله توتموشدولار کی، ائسرایئل اؤولادلارینی لعنت اتسئن. گرچی تاریمیز او لعنتی برکته چِوئردی.

3ائسرایئل اؤولادلاری قانونو اشئتدئکده بوتون یاد اِللی‌لری ائسرایئلدن آییردیلار.

4بوندان اَوّل کاهئن اِلیاشئب کی، تاریمیزین معبدئنئن آنبارلارینا نظارتچی تعیئن ادئلمئشدی، طوبئیا ائله قوحوم ائدی

5و اونا بؤیوک بئر اوتاق حاضیرلامیشدی. اورایا اَوّللر تاخیل تقدئملری، کوندور، معبد اشیالاری، شرئعته موطابئق لاوئلی‌لره، نغمه‌چئلره و معبد قاپیچیلارینا ورئلَن تاخیلین، تزه شرابین و زیتون یاغینین اوندا بئر حئصّه‌لری و کاهئنلره ورئلَن ائعانه‌لر قویولاردی.

6بو ائش باش ورنده من اورشلئمده دیئلدئم. اونا گؤره کی، بابئل پادشاهی اَرتَخشَستانین حاکئمئیّتئنئن اوتوز ائکئنجی ائلئنده اونون حوضورونا گتمئشدئم. بئر مودّت سونرا پادشاهدان ائجازه آلیب

7اورشلئمه قاییتدیم. اِلیاشئبئن اتدئیی پئسلئیی باره‌ده، یعنی تاری معبدئنئن حَیَطئنده طوبئیایا بئر اوتاق حاضیرلادیغی باره‌ده خبر آلدیم.

8بو منه خوش گلمه‌دی، اونا گؤره ده طوبئیانین بوتون اِو اشیالارینی اوتاقدان باییرا آتدیم.

9سونرا امر وردئم و اونلار اوتاقلاری تمئزله‌دئلر؛ تاری معبدئنئن اشیالارینی، تاخیل تقدئملرئنی، کوندورله بئرلئکده اورایا گری گتئردئم.

10بئر ده خبر توتدوم کی، لاوئلی‌لرئن پایلاری اونلارا ورئلمه‌یئب و خئدمت ادن لاوئلی‌لرله نغمه‌چئلر هر بئری اؤز تورپاغینا قاییدیبلار.

11من حؤکومت مأمورلارینی تنبه ادئب ددئم: «نه اوچون تارینین معبدئنه اِهمال اولونوب؟» سونرا لاوئلی‌لرله نغمه‌چئلر ییغیب وظئفه‌لرئنه قایتاردیم.

12او واخت بوتون یهودالی‌لار تاخیلین، تزه شرابین و زیتون یاغینین اوندا بئر حئصّه‌لرئنی آنبارلارا گتئردئلر.

13کاهئن شِلِمیانی، شرئعت شوناس صادوقو و لاوئلی‌لردن پِدایانی آنبارلارا نظارتچی، مَتّنه‌ی اوغلو زَکّور اوغلو خانانی دا اونلارین کؤمکچئسی تعیئن اتدئم. بو آداملار اعتئمادا لایئق ساییلیردیلار و هموطنلرئنه پای‌بؤلمه ائشی اونلارا دوشدو.

14ای تاریم، بونا گؤره منی یاددا ساخلا. تاریمین معبدی و اوراداکی خئدمتلر اوچون اتدئیئم یاخشی ائشلرئمی یوخا چیخارتما!

15او گونلر یهودادا گؤردوم کی، بعضی آداملار سَبّت گونو اوزوم سیخیلان یرده آیاقلاری ائله اوزوم سیخیردیلار و تاخیل دسته‌لرئنی گتئرئب اِششَکلرئن اوستونه یوکله‌یئردئلر. شراب، اوزوم، اَنجئر و هر جور یوکلری ده سَبّت گونونده اورشلئمئن ائچئنه گتئرئردئلر. بونا گؤره اِله او گون ارزاق ساتانلارا آجیقلاندیم.

16اورادا یاشایان صورلولار دا بالیق و موختلئف ماللار گتئرئب سَبّت گونو اورشلئمده یهودالی‌لارا ساتیردیلار.

17یهودا اعیانلارینا آجیقلانیب اونلارا ددئم: «نه اوچون بو پئس ائشی گؤروب سَبّت گونونو نجئس ادئرسئنئز؟

18آتالارینیز مگر بله ائشلر اتمه‌دئلر؟ تاریمیز بوتون بو بلانی بئزئم و بو شهرئن اوستونه بونا گؤره مگر گتئرمه‌دی؟ سئز حله ده سَبّت گونونو نجئس ادئب اونون قضبئنی ائسرایئل اؤولادلارینا آرتیریرسینیز.»

19اورشلئم دروازالاریندا سَبّتئن باشلایاجاغی آخشامچاغی امر اتدئم کی، قاپیلار قیفیللانسین. تاپشیردیم کی، سَبّت قورتارانا قدر قاپیلاری آچماسینلار. بعضی نؤکرلرئمی ده دروازالارین قاباغینا قویدوم کی، سَبّت گونو شهره هچ بئر یوک گتئرئلمه‌سئن.

20تاجئرلر و هر جور مال ساتانلار بئر-ائکی دفه گجه‌نی اورشلئمئن اِشئیئنده کچئرتدئلر.

21اونلارا ائخطار ورئب ددئم: «نه اوچون دووارین قاباغیندا گِجَله‌یئرسئنئز؟ بئر ده بله اده‌سئنئز، سئزه اَل قالدیرارام!» تاجئرلر ده او واختدان سَبّت گونو گلمه‌دئلر.

22سونرا لاوئلی‌لره امر اتدئم کی، سَبّت گونونو تقدئس اتمک اوچون اؤزلرئنی تمئزله‌یئب گلسئنلر و قاپیچی اولاراق دروازالارین کِشئیئنی چکسئنلر. ای تاریم، بوندان اؤتری منی یاددا ساخلا و بؤیوک محبّتئنه گؤره رحم اِله!

23هم ده او گونلر او یهودئلری گؤردوم کی، اَشدودلو، عَمّونلو و موآبلی‌لاردان آرواد آلمیشدیلار.

24اونلارین اوشاقلارینین یاریسی اَشدود دئلئنده، یا دا اؤز خالقینین دئلئنده دانیشیردی و یهودی دئلئنده دانیشا بئلمئردی.

25من اونلاری تنبه و لعنت اتدئم. بعضئلرئنی ده دؤیوب ساچلارینی یولدوم. او آداملارا تاری حاقّینا آند ائچدئرئب ددئم: «قیزلارینیزی یاداِللی اوغوللارینا ورمه‌یئن، اوغوللارینیزا و اؤزونوزه اونلارین قیزلارینی آلمایین.

26ائسرایئل پادشاهی سولیمان مگر بونا گؤره گوناها باتمادی؟ چوخ مئلّتلرئن آراسیندا اونون کئمی پادشاه یوخ ائدی و او، تاریسینین سِوئملئسی ائدی. تاری اونو بوتون ائسرایئل اوستونه پادشاه اتدی، لاکئن یاداِللی آروادلار اونو بله گوناها سالدیلار.

27ائندی بئز سئزئن باره‌ده اِشئدَک کی، تاریمیزا خیانت ادئب یاداِللی آروادلار آلماقلا بو بؤیوک پئسلئیه عمل ادئبسئنئز؟»

28حتّا باش کاهئن اِلیاشئبئن اوغلو یویادا‌عین اوغوللاریندان بئری خورونلو سنبَلّطئن کوره‌کَنی ائدی. بونا گؤره ده اونو یانیمدان قوودوم.

29ای تاریم، اونلاری یاددا ساخلا، چونکی اونلار کاهئنلئیی، کاهئنلرله کَسدئیئن عهدی و لاوئلی‌لری نجئس ادئبلر!

30بله‌جه، خالقی بوتون یاداِللی شیلردن تمئزله‌دئم. کاهئنلر و لاوئلی‌لرئن وظئفه‌لرئنی موعَیّن اتدئم. هر کسی اؤز ائشئنئن باشینا قویدوم.

31ترتئبات وردئم کی، اودون و نوبار محصولو تعیئن ادئلمئش واختدا گتئرئلسئن. ای تاریم، منئم خیئرئمه بونلاری یاددا ساخلا!