Lamentations 5

azerbaijan-2013

1یارب، باشیمیزا گلنی یادا سال بو خجالتئمئزی گؤر، بونا نظر سال.

2ائرث تورپاغیمیز یاد اِللی‌لرئن اَلئنه کچئب، اِولرئمئز اجنبی‌لره ورئلئب.

3یِتئم قالمیشیق، آتاسیز قالمیشیق. آنالاریمیز دول آروادلارا دؤنوب.

4سویوموزو پوللا آلیب ائچئرئک، پوللا اودون آلماغا مجبوروق.

5بئزی قووالایانلار باشیمیزدان باسیرلار، یورولموشوق، بئزه راحاتلیق یوخدور.

6دویونجا چؤرک یمک اوچون مئصئره، آشورا اَل آچمیشیق.

7آتالاریمیز گوناه اتدئلر، لاکئن آرتیق یوخدورلار، تقصئرلرئنئن جزاسی بئزه یوکلَندی.

8قوللار بئزه حؤکمران اولوب؛ بئزی اونلارین اَلئندن قورتاران یوخدور.

9چؤلده‌کی قیلینجا گؤره، جانیمیزین باهاسینا چؤرک قازانیریق.

10آجلیق بئزی یاندیریب-یاخدیغینا گؤره دَرئمئز قارالیب، کوره‌یه بَنزه‌یئر.

11صَحیوندا آروادلارین، یهودا شهرلرئنده باکئره قیزلارین عئصمتئنه توخوندولار.

12باشچی‌لار اَللرئندن آسیلیب، آغساقّاللار حؤرمتدن دوشوب.

13جاوانلار اَل دَیئرمانینی چکدئلر، اوغلانلار اودون یوکلری آلتیندا هِل‌لَندئلر.

14شهر دروازاسیندا آغساقّاللار اوتورمور، جاوانلار ساز چالماز اولوب.

15اوره‌یئمئزدن شادلیق چکئلئب؛ رقصلرئمئز یاسا چِورئلئب.

16باشیمیزین تاجی دوشوب، وای حالیمیزا! چونکی گوناه اتمئشئک.

17بونا گؤره اورَکلرئمئز طاقتدن دوشوب، گؤزلرئمئز قارالیب،

18صحیون داغی اوچون کی، وئران قالیب، اوستونده چاقّاللار گَزئب دولانیرلار.

19سن آمّا، یارب، ابده‌جک حؤکم سوره‌جکسن، سلطنت تختئن نسئل‌لر بویو سوره‌جک.

20نئیه بئزی ابدئلئک اونودورسان؟ نئیه بئزی بو قدر اوزون ترک ادئرسن؟

21بئزی اؤزونه قایتار، یارب، قاییداریق گونلرئمئزی اوّلکی کئمی تزه‌له!

22مگر ائنکی بئزی حوضوروندان کامئل آتیبسان، بئزه حدسئز قضبلی‌سَن.