Judges 5

azerbaijan-2013

1او گون دِبورا و اَبئنوعَم اوغلو باراق بو نغمه‌نی اوخودولار:

2«باشچیلار ائسرایئلده رهبرلئک اتدئلر، خالق اؤز گؤیلو ائله آیاق قاباغا قویدو. رب موبارک اولسون!

3قولاق آسین، ای پادشاهلار! قولاق آسین، امئرلر! من ربّه اوخویاجاغام، ائسرایئلئن تاریسی ربّه سئتایئش نغمه‌سی اوخویاجاغام!

4یارب، سن سِعئردن چیخاندا، اِدوم چؤلوندن کچنده، یِر تئتره‌دی، گؤیلر دامدی. بلی، بولودلاردان سولار آخدی.

5داغلار ربّئن حوضوروندا، سئنا داغی ائسرایئلئن تاریسی ربّئن حوضوروندا لرزه‌یه دوشدو.

6عَنات اوغلو شَمگَر زامانیندا، یااِل زامانیندا یوللار بوش قالدی، سفره چیخانلار اطراف یوللارلا گتدئلر.

7من دِبورا آیاغا قالخاناجاق، ائسرایئلده آنا کئمی میدانا چیخاناجاق، ائسرایئلده کَندلی‌لر آرتیق یاشامیردی.

8تزه آللاهلار سِچئلدی؛ سونرا دا دروازالاردا دؤیوش قالخدی. قیرخ مئن ائسرایئللی‌نئن اَلئنده نه نئزه، نه ده قالخان گؤروندو.

9منئم اوره‌یئم ائسرایئله حؤکم ادنلرله‌دئر، خالق ائچئندن اؤز گؤیلو ائله آیاق قاباغا قویانلارلادیر. رب موبارک اولسون!

10سئز ای آغ اِششَکلره مئنَنلر، سئز ای اَلوان قالی‌لار اوستونده اَیلَشَنلر، ای بوتون یولدان کچنلر، باخین!

11اوخ آتانلارین سَس-کویوندن اوزاقدا، سو چَکَنلر آراسیندا، اورادا ربّئن صالح عمللرئندن، ائسرایئلده‌کی کَندلی‌لرئن ظفرلرئندن نقل اده‌جکلر. او زامان ربّئن خالقی دروازالارا اِندی.

12اویان، ای دِبورا، اویان! اویان، اویان، بئر نغمه اوخو! آیاغا قالخ، ای باراق! سن، ای اَبئنوعَم اوغلو، گل اسئرلرئنی آپار!

13او زامان صاغ قالانلار اعیانلارین یانینا اِندئلر. ربّئن خالقی جنگ‌آور کئمی یانیما گلدی.

14عَمالِق نسلئندن اولانلار اِفرایئمدن گلدئلر، سنئن دالینجا گلن خالق آراسیندا بِنیامئن ده وار ائدی. ماکئردن اَمئرلر، زِبولوندان سرکرده عصاسینی داشییانلار گلدئلر.

15یئسّاکارداکی آغالار دِبورا ائله گلدئلر. یئسّاکار نجه‌دئر، باراق دا اِله ائدی؛ اونون دالینجا دره‌یه هوجوم چکدئلر. رِعوبئن قبئله‌سئنئن بؤلمه‌لری بؤیوک قَرارسیزلیق ائچئنده ائدی.

16چوبانلارین سورولرئنه چالدیغی توتَک سَسئنی اشئتمَک اوچون نئیه آغیل‌لار آراسیندا اوتوردونوز؟ رِعوبئن قبئله‌سئنئن بؤلمه‌لری چاشیب قالمیشدی.

17گئلعاد خالقی اوردون چایینین او تاییندا قالدی. بس نئیه دان گَمئلرئن یانیندا ساکئن اولدو؟ آشِر دهنزلرئن ساحئلئنده ساکئن اولدو، اؤز بندرلرئنده قالدی.

18لاکئن زِبولون خالقی، نَفتالی خالقی، جانلارینی دؤیوش میدانینین اوجا یرلرئنده خطره آتدیلار!

19پادشاهلار گلئب ووروشدولار. سونرا دا تَعنَکده، مِگئدّو سولاری کناریندا کَنَعان پادشاهلاری ووروشدولار. گوموش قنئمت آلان اولمادی.

20اولدوزلار گؤیدن دؤیوشدولر، سئسِرانین ضئدّئنه اؤز دؤوره‌سئنده دؤیوشدولر.

21اونلاری قئشون چایی آپاردی، او قدئم چای، قئشون چایی! ای جانیم، سن قووّتله ائره‌لی گت!

22او زامان آتلار دؤردنالا چاپدیلار، دؤردنالا-دؤردنالا چاپارکَن قووّتلی آتلار.

23ربّئن مَله‌یی ددی: ”مِروز شهرئنه لعنت ادئن، اونون اهالئسئنه لعنتلر گؤندَ‌رئن. چونکی ربّئن کؤمه‌یئنه، جنگ‌آورلرئن ضئدّئنه ربّئن کؤمه‌یئنه گلمه‌دئلر.“

24قِنلی خِبِرئن آروادی یااِل آروادلار آراسیندا هامیدان آرتیق موبارکدئر، چادیردا یاشایان آروادلاردان داها بَختَوَردئر!

25سئسِرا سو ائسته‌یئنده، یااِل اونا سود وردی. آغالارا لایئق بئر جامدا آیران وردی.

26اَلئنی چادیرین میخینا اوزاتدی، صاغ اَلئنه ائشچی توخماغینی گؤتوردو، اونلارلا سئسِرانی ووردو، باشینی اَزدی؛ سیندیریب، گئجگاهلارینی دِشدی.

27او ییخیلیب یااِلئن آیاقلاری آلتینا سَرئلدی، یِره دؤشَندی، او ییخیلیب آیاقلاری آلتینا سَرئلدی، ییخیلدیغی یره سَرئلئب اؤلدو.

28سئسِرانین آناسی پنجره آرخاسیندان، موشَبّکدن نئگاران-نئگاران باخیب چیغیردی: ”نه اوچون اونون دؤیوش عاراباسی بو قدر یوبادیر؟ دؤیوش عارابالارینین سَسی آخی نئیه اِشئدئلمئر؟“

29حئکمتلی اَصئلزاده خانیملار اونا جاواب ورئردی، او دا اؤز-اؤزونه سؤزلرئنی تکرار-تکرار دیئردی:

30”بلکه قنئمت مالینی تاپیب بؤلوشدورورلر، یقئن کی هر ائگئده بئر-ائکی قیز دوشور. سئسِرایا تالان مالیندان اَلوان پالتارلار دوشور، بلی، تالان مالیندان ناخیشلی اَلوان پالتارلار. قارَت اتدئکلرئنئن ائچئندن تاپیب بؤلوشدوردولر، تالانچیلارین بویونلاری اوچون ائکی طرفدن اَلوان ناخیشلی پالتارلار.“

31یارب، بوتون دوشمنلرئن بله یوخ اولسون. آمّا سنی سِوَنلر قودرتی ائله دوغان گونش کئمی اولسونلار!» بوندان سونرا اؤلکه‌یه قیرخ ائل راحاتلیق دوشدو.

← Chapter 4 Chapter 6 →