Judges 14

azerbaijan-2013

1بئر گون شَمشون تئمنایا گتدی و تئمنادا فئلئسطلی قیزلاریندان بئر آرواد گؤردو.

2او، آتا-آناسینین یانینا قاییدیب ددی: «تئمنادا فئلئسطلی قیزلارینین آراسیندا بئر آرواد گؤرموشم، گدئن، اونو منئم اوچون آرواد آلین.»

3آتاسی ائله آناسی اونا ددئلر: «مگر قوحوملارینین قیزلاری آراسیندا، بوتون اؤز خالقیمیز آراسیندا بئر آرواد یوخدور کی، گدئب اؤزونه ختنه‌سئز فئلئسطلی‌لردن آرواد آلیرسان؟» شَمشون آتاسینا ددی: «منئم اوچون اونو آل، چونکی گؤزومه او خوش گؤرونور.»

4آتا و آناسی بئلمئردی کی، بو ائستَک ربدندئر. اونا گؤره کی، رب فئلئسطلی‌لرئن ضئدّئنه بئر فورصت آختاریردی. او واخت فئلئسطلی‌لر ائسرایئللی‌لرئن اوستونده حؤکمرانلیق ادئردئلر.

5شَمشون آتا و آناسی ائله بئرلئکده تئمنایا گتدی. اونلار تئمنانین اوزوم باغلارینا چاتاندا، قَفلَتَن جاوان بئر آصلان نعره چکه‌رک اونون قاباغینا چیخدی.

6ربّئن روحو شَمشونون اوستونه قودرتلی بئر شکئلده اِندی، اله کی، جاوان آصلانی بئر کچی بالاسی کئمی اَلی یالین پارچالادی. لاکئن نه اتدئیئنی آتا-آناسینا بئلدئرمه‌دی.

7سونرا گدئب آروادلا صؤحبت اتدی؛ آرواد شَمشونون گؤزونه خوش گؤروندو.

8بئر مودّت کچندن سونرا، شَمشون آروادی آلماق مقصدی ائله گری قاییتدی. آصلانین لِشئنه باخماق اوچون، او، اؤز یولوندان دؤندو. گؤردو کی، آصلانین لِشئنئن اوستونده آری سوروسو ائله بال وار.

9او، اوووجلاریندا بالدان گؤتوروب یئیه-یئیه گتدی. آتا-آناسینین یانینا گلدئکده بالین بئر آزینی اونلارا دا وردی، لاکئن اونلارا بئلدئرمه‌دی کی، بالی آصلانین لِشئنئن اوستوندن گؤتوروب.

10سونرا آتاسی آروادین اِوئنه گتدی؛ و شَمشون اورادا ضئیافت قوردو، چونکی او زامانلار جاوانلار بله اِدَردئلر.

11اونو گؤرن خالق، موشایئعت اوچون اونا اوتوز نفر صاغدوش-سولدوش سچدئلر.

12شَمشون اونلارا ددی: «قویون سئزه بئر تاپماجا دِیئم. اگر ضئیافتئن یدّئنجی گونونه قدر آچماسینی منه دئیه‌سئنئز، من سئزه اوتوز کتان پالتار و اوتوز بایرام لئباسی وره‌رم.

13یوخ، اگر تاپماجانین آچماسینی منه دئیه بئلمَیه‌سئنئز، اوندا سئز منه اوتوز کتان پالتار و اوتوز بایرام لئباسی ورمه‌لی‌سئنئز.» اونا ددئلر: «تاپماجانی دِه، بئر اونا قولاق آساق.»

14شَمشون اونلارا ددی: «یئیَندن بئر یِمه‌لی شی چیخدی، گوجلودن بئر شئرئن شی چیخدی.» اوچ گون عرضئنده اونلار تاپماجانی تاپا بئلمه‌دئلر.

15دؤردونجو گون شَمشونون آروادینا ددئلر: «اَرئنی توولا کی، بئزه بو تاپماجانین جاوابینی دسئن، یوخسا سنئن ده، آتانین دا اِوئنی یاندیراریق. مگر سئز بئزی بورایا سویماغا چاغیریبسینیز؟»

16شَمشونون آروادی اونون قاباغیندا آغلاییب ددی: «سنئن مندن زَهلَن گدئر، منی سِومئرسن؛ خالقیمین اوغوللارینا تاپماجا دیئبسن، آمّا جاوابینی منه آچماییبسان.» شَمشون اونا ددی: «باخ، هچ آتا-آناما دا بو تاپماجانین جاوابینی آچمامیشام. سنه آچیم؟»

17یدّی گون ضئیافت عرضئنده آرواد اونون قاباغیندا آغلادی. یدّئنجی گون شَمشون تاپماجانین آچماسینی آروادینا ددی، چونکی آرواد اونو جانا گتئرمئشدی. آرواد دا گدئب تاپماجانین جاوابینی اؤز خالقینا ددی.

18شهرئن آداملاری یدّئنجی گون، گون باتمادان شَمشونا ددئلر: «بالدان شئرئنی مگر وار؟ آصلاندان گوجلوسو مگر وار؟» شَمشون اونلارا ددی: «اگر منئم دئشی ائنَکئمله جوت سورمه‌سَیدئنئز، تاپماجامی تاپا بئلمزدئنئز.»

19بوندان سونرا ربّئن روحو قودرتلی بئر شکئلده اونون اوستونه اِندی. شَمشون اَشقِلونا گدئب اوراداکی‌لاردان اوتوز نفری اؤلدوردو و اونلارین ماللارینی تالان ادئب، تاپماجانین آچماسینی دئیَنلره بایرام لئباسی وردی. سونرا او، آلوولو قضبله آتاسینین اِوئنه گتدی.

20آمّا شَمشونون آروادینی شَمشونون صاغدوشلاریندان بئرئنه وردئلر.

← Chapter 13 Chapter 15 →