Job 8

azerbaijan-2013

1او زامان شواَخلی بئلدَد جاواب ورئب ددی:

2«نه واختا قدر بونلاری دئیه‌جکسن؟ آغزینین سؤزلری ده یِل کوله‌یی کئمی اولاجاق؟

3مگر تاری عدالتی اَیَر؟ مگر قادئری-موطلق صالح اولانی اَیری اِدَر؟

4بلکه اوغوللارین اونون ضئدّئنه گوناه ادئب، او دا اونلاری عوصیانلارینین اَلئنه ورئب.

5اگر سن تارینی آختارسایدین، قادئری-موطلقه یالوارسایدین،

6اگر طاهئر و دوز اولسایدین، یقئن کی، او دا سنه گؤره قالخاردی و حاقّین اولان یری سنه گری وِرَردی.

7باشلانیشین کئچئک اولسا دا، آخیرین چوخ بؤیوک اولار.

8گل ائندی قدئم نسئل‌لردن بئر سوروش، آتالارینین نه آراشدیردیقلارینی بئر دوشون.

9بئز دونَنکی اؤولادلاریق، بئر شی بئلمئرئک. یر اوزونده‌کی گونلرئمئز آنجاق بئر کؤلگه کئمی‌دئر.

10مگر اونلار سنه اؤیرَدئب دِمَزلر؟ مگر اورَکلرئندن سؤزلر چیخارتمازلار؟

11مگر باتاقلیق اولمایان یرده قامیش بئتَر؟ مگر سو اولمایان یرده نِی بؤیویَر؟

12حله یاشیل ائکَن، داها کَسئلمه‌دن، هر اوتدان قاباق قورویار.

13تارینی اونودان هر کَسئن یولو بله‌دئر؛ تاریسیز آدامین اومئدی ده محو اولار.

14تَوکّول اتدئکلری قیریلار؛ بِل باغلادیقلاری اله بئل کی، حؤرومچک تورودور.

15اِوئنه سؤیکَنَرکَن، اِوی اوچار. اِوئندن بَرک توتارکَن، داغیلار.

16گونون قاباغیندا یاشیل‌دیر، بوداقلاری باغینین هر طرفئنه اوزانار.

17کؤکلری داش ییغینلاری اوستونه حؤرولر؛ داشلار آراسیندا اؤزونه بئر یر آختارار.

18آمّا یرئندن قوپاریلارکَن، یر اونو ائنکار ادئب دئیَر؛ سنی هچ واخت گؤرمه‌مئشم.

19باخ، اونون یولونون شادلیغی بودور؛ اونون یرئنده، اؤزگه‌لری بئتَر.

20باخ، تاری کامئل آدامی اؤزوندن ردّ اِتمَز، پئسلئک ادنلرئن ده اَلئندن توتماز.

21سنئن آغزینی گئنه گولوشله، دوداقلارینی شادلیق سَسی ائله دولدورار.

22سندن نئفرت ادنلری روسوایچیلیق بورویه‌جک، شرور آداملارین چادیری یوخ اولاجاقدیر.»

← Chapter 7 Chapter 9 →