Job 35

azerbaijan-2013

1اِلئهو سؤزونه داوام ورئب ددی:

2«آیا بونو ائنصاف ساییرسان؟ دیئرسن: ”من تاریدان داها چوخ صالحم.“

3هم ده دیئرسن: ”بونون منه نه فایداسی اولاجاق؟ گوناه اتمه‌‌سم، نه قازانجیم اولاجاق؟“

4من سنه جاواب وره‌رم، هم سنه، هم ده دوستلارینا.

5گؤیلره باخ و گؤر؛ نظر سال باشینین اوستونده‌کی بولودلارا.

6اگر گوناه اده‌سن، بونون تارییا نه زئیانی دَیَر؟ اگر تقصئرلرئن چوخالا، اونا نه اده‌جک؟

7اگر صالح اولاسان، اونا نه ورئرسن؟ یا دا اَلئندن نه‌یی آلیب گؤتورور؟

8شرارتئن آنجاق سنئن کئمی ائنسانلارا زئیان وورور؛ صالحلئیئن ده ائنسان اؤولادی اوچوندور.

9ائنسانلار ظولمون چوخلوغوندان فریاد ادئرلر؛ گوجلولرئن اَلئندن کؤمک اوچون باغیریرلار.

10آمّا دئیَن یوخدور کی، ”منی یارادان تاری بس هانی، هانی بئزه گجه‌لر نغمه‌لر اوخوتدوران؟“

11او بئزه یر اوزونون حیوانلاریندان داها چوخ اؤیرَ‌دئر، بئزه گؤیده‌کی قوشلاردان داها چوخ حئکمت ورئر.

12اورادا اونلار فریاد ادئرلر، لاکئن تاری پئس آداملارین تکبّورو اوزوندن جاواب ورمئر.

13اصلئنده تاری باطئل فریادا قولاق وِرمَز، قادئری-موطلق اونا اهمئیّت وِرمَز ده.

14بس نه قدر آز سنی اِشئدَر کی، اونو ”گؤرمورم“ دیئرسن؛ داعوان اونون حوضوروندادیر، اونو گرک گؤزلَیه‌سن.

15ائندی کی، اونون قضبی تنبه اتمئر، تقصئرئن چوخلوغونا دا باخمیر،

16اَیّوب آغزینی بوش یره یورور، عاوام-عاوام دانیشدیقجا دانیشیر.»

← Chapter 34 Chapter 36 →