Jeremiah 48 — azerbaijan-2013

1موآب باره‌ده ائسرایئلئن تاریسی اولان قوشونلار ربّی بله دیئر: «وای نِبونون حالینا! چونکی وئرانه‌لئیه چِورئله‌جک. قئریاته‌یئم روسوای اولاجاق، اَله کچئرئله‌جک؛ قالاسی داغیلاجاق، دارماداغین اولاجاق.

2موآبین شؤهرتی داها قالمایاجاق. خِشبوندا اونون محوی اوچون قصد قورولاجاق: ”گلئن، اونو یوخ اِدَک کی، داها بئر ده بله مئلّت اولماسین.“ ای مَدمِن، سن ده سوسدورولاجاقسان، قیلینج سنی قوواجاق.

3خورونایئمدن گلن فغان سَسی اشئت، هلاکت فغانی، بؤیوک قیرغین فغانی!

4موآب داغیدیلاجاق؛ اؤولادلارینین فریادی قالخاجاق.

5آغلایا-آغلایا لوخئت یوخوشوندان چیخیرلار؛ خورونایئم اِنئشئنده قیرغینا گؤره دردلی فغانلار اِشئدئلئر.

6قاچین، جانینیزی قورتارین! چؤلده‌کی کؤل کئمی اولون.

7اؤز عمل‌لرئنه، اؤز مال-دؤولتئنه بِل باغلادیغین اوچون سن ده اَله کچئرئله‌جکسن. کِموش بوتو ده کاهئنلر و باشچیلاری ائله بئرلئکده اسئر ادئله‌جک.

8محو ادن هر شهرئن اوستونه گله‌جک، هچ بئر شهر قورتولمایاجاق. دره یِرله یکسان اولاجاق، وادی وئرانه‌یه چِورئله‌جک. چونکی رب بویوروب.

9موآب تورپاغینا دوز تؤکون، چونکی خارابالیغا دؤنه‌جک؛ شهرلری اِله وئران اولاجاق کی، اورادا کئمسه یاشامایاجاق.

10ربّئن ائشئنی یاریمچیلیق گؤرَنه لعنت اولسون! قیلینجینی قان تؤکمکدن ساخلایانا لعنت اولسون!

11موآب جاوانلیغیندان بَری لاقید ائدی. تورتاسی دئبده قالان شرابا اوخشاییردی. قابدان قابا بوشالدیلماییب، سورگونلویه گتمه‌یئب. بونا گؤره ده دادینی دیئشمه‌یئب، عطرئنی ائتئرمه‌یئب.

12لاکئن او گونلر گلئر کی، اونو قابدان قابا تؤکه‌جک آداملاری گؤندَ‌رئم.» رب بویورور. «بلی، اونو تؤکه‌جکلر؛ قابلارینی بوشالداجاقلار، کوپلرئنی تئکه-تئکه اده‌جکلر.

13موآب خالقی بِل باغلادیغی کِموشدان اوتاناجاق، نجه کی، ائسرایئل خالقی بِل باغلادیقلاری بِیت‌ائلدن اوتاندی.

14نه اوچون دیئرسئنئز: ”بئز ائگئدئک؟ دؤیوشه قابئل عسگرلرئک؟“

15موآب محو اولاجاق، اونون شهرلرئنه هوجوم اده‌جکلر. لاپ سِچمه جاوانلاری اؤلدورولمَیه گده‌جک.» آدی قوشونلار ربّی اولان پادشاه بونو بویورور.

16«موآبین فلاکتی عنقرئب گلئر؛ اونون بلاسی سورعتله یاخینلاشیر.

17ای اونون اطرافیندا اولانلار، اونون آدینی بئلَنلر، اونون اوچون یاس توتوب دیئن: ”قودرتلی عصا، عظمتلی دَیَنَک نجه ده قیریلدی!“

18ای دئبون ساکئنئلری، جاه-جلالینیزدان دوشون، سوسوز یرده اوتورون. چونکی موآبی محو ادن سئزئن ده اوستونوزه گله‌جک، قالالارینی داغیداجاقدیر.

19ای عَروعِر ساکئنی، یول کناریندا دوروب کشئک چک! قاچان کئشئدن، قورتولان آرواددان ”نه اولوب؟“ سوروش.

20موآب روسوای اولوب، چونکی داغیلیب. شئون ات، باغیر! موآبین محو اولدوغونو اَرنون دره‌سئنده بئلدئر.

21اوواداکی شهرلر یعنی حولون، یَهصا، مِفاعَت،

22دئبون، نِبو، بِیت‌دئبله‌تایئم،

23قئریاته‌یئم، بِیت‌گامول، بِیت‌مِعون،

24قئریوت، بوصرا، اوزاق و یاخین بوتون موآب شهرلری محکوم اولوب.

25موآبین بوینوزو کَسئلئب، قولو قیریلیب.» رب بویورور.

26«موآبی مست ادئن، چونکی ربّئن ضئدّئنه کئبئرله‌نئب. قوی موآب اؤز قوسدوغونا بَلَنسئن، قوی مضحَکه‌یه ده چِورئلسئن.

27مگر ائسرایئل سنه مضحَکه اولمادی؟ مگر او اوغرولار آراسیندا توتولدو کی، اوندان دانیشاندا حقارتله باشینی یِلله‌یئرسن؟

28ای موآب ساکئنلری، شهرلرئنئزی ترک ادئب قایالارا سیغینین. یوواسینی ماغارانین آغزیندا قوران گؤیرچئن کئمی اولون.

29موآبلی‌لارین نه درجه‌ده کئبئرله‌نئب لووغالاندیقلارینی، نه جور تکبّورلو، مغرور و حئرصلی اولدوقلارینی اشئتدئک.

30گوستاخلیغینی بئلئرم، لاکئن عبث‌دئر.» رب بویورور. «فخر اتمه‌سئنئن هچ فایداسی یوخدور.

31بونا گؤره ده موآب اوچون شئون اده‌جیم، بوتون موآب اوچون فغان اده‌جیم، قئرخِرِس خالقی اوچون یاس توتاجاغام.

32ای سئبما تَنه‌یی، سنئن اوچون یَعزِر خالقینا آغلادیغیمدان چوخ آغلاییرام. بوداقلارین دهنزی آشیب یَعزِره چاتدی. محو ادن سنئن یای میوه‌لرئنئن، یِتئشمئش اوزومونون اوستونه دوشوب.

33موآبین میوه باغلاریندان، زَمئلرئندن شَنلئک و شادلیق سَسی یوخ اولوب. اوزوم‌سیخانلاردان آخان شرابی کَسمئشم؛ هچ کس شادلیق هارایی ائله اوزوم اَزمئر. گلن سَس ده شادلیق هارایی دیئل.

34اونلارین فغان سَسی خِشبوندان اِلعالِه‌یه قدر اِشئدئلئر؛ یَحَصه قدر، صوعَردن خورونایئمه، عِگلَت-شِلئشیایا قدر! چونکی حتّا نئمرئم سولاری دا قورویوب.

35موآبدا پرستئشگاهلاردا قوربان گتئرنلری، اؤز آللاهلارینا بوخور یاندیرانلاری محو اده‌جیم.» رب بویورور.

36«بونا گؤره ده موآب اوچون اوره‌یئم نِی کئمی شئون ادئر. قئرخِرِس خالقی اوچون اوره‌یئم نِی کئمی شئون ادئر. اَلده اتدئیی مال-دؤولت یوخ اولوب.

37هر کس ساچینی کَسئب، ساقّالینی قیرخیب، هر اَل یارالی‌دیر، هر بِل چولا ساریلیب.

38موآب داملاریندان، میدانلاریندان فقط آغلاشما سَسی گلئر. چونکی من موآبی هچ کسئن بَیَنمه‌دئیی بئر قاب کئمی قیرمیشام.» رب بویورور.

39«موآب نجه وئراندیر! اونلار نجه ده شئون ادئرلر! موآب خجالتدن نجه آرخایا دؤنور! موآب بوتون اطرافینداکی‌لارا رئشخند و دهشت نومونه‌سی اولوب.»

40رب بله دیئر: «باخ! قارتال کئمی بئری اوچاجاق، موآب اوستونه قانادلارینی آچاجاق.

41قِرئیّوت اَله کچئرئله‌جک، قالالار آلیناجاق. او گون موآب دؤیوشچولرئنئن اوره‌یی، دوغوش آغریسی چکن آروادین اوره‌یی کئمی اولاجاق.

42موآب وئران اولاجاق، خالقلار آراسیندا داها بئر مئلّت اولمایاجاق. چونکی ربّئن ضئدّئنه کئبئرلَندی.

43ای موآب ساکئنلری، دهشت، چوخور و تله سئزی گؤزله‌یئر.» رب بویورور.

44«دهشتدن قاچان، چوخورا دوشه‌جک، درئن چوخوردان چیخا بئلَن، تله‌یه دوشه‌جک. چونکی موآبین اوستونه جزا ائلئنی گتئره‌جیم.» رب بویورور.

45«خِشبونون کؤلگه‌سئنده قاچقینلار طاقتسئز دوروبلار. چونکی خِشبوندان اود، سئخونون اورتاسیندان آلوو چیخیب؛ او موآبین آلنینی، هر یانا سَس سالانلارین باشلارینی یاندیریب-یاخیر.

46وای سنئن حالینا، ای موآب! کِموشون خالقی یوخ اولوب؛ اوغوللارین سورگونلویه دوشوب، قیزلارین اسئرلئیه آپاریلیب.

47لاکئن گله‌جکده، موآبدان اسئر اولونانلاری گری قایتاراجاغام.» رب بویورور. موآب باره‌ده‌کی حؤکم بورادا آخیرا چاتیر.