Jeremiah 37

azerbaijan-2013

1بابئل پادشاهی نِبوکَدنِصّر یوشئیا اوغلو صئدقئیانی، یِهویاقئم اوغلو یِهویاکئنئن یرئنه یهودایا پادشاه تعیئن اتدی.

2لاکئن نه پادشاه صئدقئیا، نه اونون اعیانلاری، نه ده اؤلکه خالقی ربّئن اِرِمیا پیغمبرئن واسئطه‌سی‌ائله ددئیی سؤزلرئنه قولاق آسدیلار.

3پادشاه صئدقئیا شِلِمیا اوغلو یِهوکَلی و مَعَسِیا اوغلو کاهئن صِفَنیانی اِرِمیا پیغمبرئن یانینا گؤندَ‌ردی کی، اونا دسئنلر: «لوطفن بئزئم اوچون تاریمیز ربّه دوعا ات.»

4او واخت اِرِمیا خالقین آراسیندا آچیق گدئب-گلئردی، چونکی اونو حله زئندانا آتمامیشدیلار.

5بو زامان فئرعونون قوشونلاری مئصئردن چیخمیشدی. اورشلئمی موحاصئره‌یه آلان کَلدانئلر بو باره‌ده خبر اِشئدئکده اورشلئمدن چکئلدئلر.

6او واخت اِرِمیا پیغمبره ربّئن بو سؤزو نازئل اولدو:

7«ائسرایئلئن تاریسی رب بله دیئر: ”مندن سوروشماق اوچون سئزی یانیما گؤندَ‌رَن یهودا پادشاهینا دیئن: سئزه کؤمک اتمه‌یه چیخان فئرعونون قوشونو اؤز اؤلکه‌سئنه-مئصئره قاییداجاق.

8کَلدانئلر گئنه گلئب بو شهره هوجوم اده‌جکلر و اونو اَله کچئردئب یاندیراجاقلار.“

9رب بله دیئر: ”کَلدانئلر قطعن بئزدن گری چکئله‌جکلر“ دیئب اؤزونوزو آلداتمایین، چونکی اونلار گری چکئلمه‌یه‌جکلر.

10اگر سئزه هوجوم ادن بوتون کَلده قوشونونو مغلوب اده‌سئنئز و اونلارین آراسیندا فقط یارالی آداملار قالسا بِله، گئنه هر بئری اؤز چادیریندان قالخیب بو شهری یاندیراجاق.»

11فئرعون قوشونونون اوزوندن کَلده قوشونو اورشلئمدن چکئلَن زامان،

12اِرِمیا اورشلئمدن یولا دوشدو کی، بِنیامئن تورپاغینا گدئب اوراداکی خالق آراسیندا ساتین آلدیغی مولکه مالئک اولسون.

13لاکئن بِنیامئن دروازاسینا چاتاندا، کشئکچئلرئن باشچیسی خَنَنیا اوغلو شِلِمیا اوغلو یِرئیا اونو توتوب ددی: «سن کَلدانئلرئن طرفئنه کچئرسن.»

14اِرِمیا ددی: «یالاندیر، من کَلدانئلرئن طرفئنه کچمئرم.» آمّا یِرئیا اِرِمیایا قولاق آسمادی و اونو توتوب باشچیلارین یانینا گتئردی.

15باشچیلار اِرِمیایا قضبله‌نئب اونو دؤیدولر. سونرا اونو مئرزه یوناتانین اِوئنه کی، اونو حبسخانایا دؤندَ‌رمئشدئلر، سالدیلار.

16اِرِمیا طاقی اولان زئرزَمئده زئندانا سالیندی و اوزون مودّت اورادا قالدی.

17سونرا صئدقئیا پادشاه آدام گؤندَ‌رئب اونو سارایا گتئرتدی و اورادا گئزلئجه اوندان سوروشدو: «آیا ربدن بئر سؤز وار؟» اِرِمیا جاواب وردی: «وار. سن بابئل پادشاهینا تسلئم ادئله‌جکسن.»

18سونرا اِرِمیا صئدقئیا پادشاها ددی: «سنئن، اعیانلارینین، و بو خالقین ضئدّئنه مگر نه گوناه اتمئشم کی، منی حبسخانایا سالیبسینیز؟

19هارادادیر او پیغمبرلرئن کی، نبئلئک ادئب دیئردئلر: ”بابئل پادشاهی سئزه و بو اؤلکه‌یه هوجوم اتمیه‌جک؟“

20لاکئن ائندی، ای آغام پادشاه، خاهئش ادئرم، قولاق آس. خاهئش ادئرم، بو یالواریشیمی قبول ات و منی مئرزه یوناتانین اِوئنه قایتارما، یوخسا اورادا اؤله‌رم.»

21او واخت صئدقئیا پادشاه امر اتدی کی، اِرِمیانی کشئکچئلر حیطئنده ساخلاسینلار. شهرده چؤرک احتئیاطی قورتارانا قدر، هر گون اِرِمیایا چؤرک پئشئرَنلر کوچه‌سئندن چؤرک گتئرئردئلر. بله‌جه اِرِمیا کشئکچئلر حیطئنده قالدی.

← Chapter 36 Chapter 38 →