Jeremiah 25

azerbaijan-2013

1یهودا پادشاهی یوشئیا اوغلو یِهویاقئمئن پادشاهلیغینین دؤردونجو ائلئنده، بوتون یهودا خالقی باره‌ده اِرِمیایا سؤز نازئل اولدو. بو، بابئل پادشاهی نِبوکَدنِصّرئن پادشاهلیغینین بئرئنجی ائلئنده اولدو.

2اِرِمیا پیغمبر بوتون یهودا خالقینا و اورشلئمده یاشایانلارین هامیسینا بو سؤزو بئلدئرئب ددی:

3«ائیئرمی اوچ ائل عرضئنده-یهودا پادشاهی آمون اوغلو یوشئیانین پادشاهلیغینین اون اوچونجو ائلئندن بو گونه قدر ربّئن سؤزو منه نازئل اولوب. من ده دفه‌لرله بو سؤزلری سئزه بئلدئرمئشم، آمّا سئز قولاق آسماییبسینیز.

4گرچی رب پیغمبر قوللارینی دفه‌لرله یانینیزا گؤندَ‌ردی، آمّا سئز اشئتمه‌دئنئز، قولاق آسمادینیز دا.

5اونلار سئزه ددئلر: ”ائندی هر بئرئنئز اؤز پئس یولونوزدان، عمل‌لرئنئزئن پئسلئیئندن دؤنون کی، ربّئن ابدی اولاراق سئزه و آتالارینیزا وردئیی تورپاقدا قالا بئله‌سئنئز.

6آیری آللاهلارا قوللوق و پرستئش اده‌رَک اونلارین پِیرَوی اولمایین؛ اَل ائشئنئز اولان بوتلرله منی قضبلَندئرمه‌یئن کی، من ده سئزه زئیان یتئرمه‌یئم.“

7رب بویورور: ”لاکئن سئز منه قولاق آسمادینیز، اَل ائشئنئز اولان بوتلرله منی قضبلَندئرئب اؤزونوزه زئیان ووردونوز.“

8بونا گؤره ده قوشونلار ربّی بونو دیئر: ”ائندی کی سؤزلرئمه قولاق آسمادینیز،

9من ده بوتون شئمال طایفالارینی و قولوم بابئل پادشاهی نِبوکَدنِصّری چاغیراجاغام.“ رب بویورور، ”اونلاری بو اؤلکه‌نئن، بورادا یاشایانلارین و بوتون اطراف مئلّتلرئن اوستونه گتئره‌جیم. بونلاری کامئل محو اده‌جیم، اؤلکه‌نی حیرت و رئشخند هدفئنه چِوئره‌جیم، ابدی بئر خارابالیغا دؤندَره‌جیم.

10سِوئنج و شادلیق سَسئنی، بَی-گلئن سَسئنی، دَیئرمان داشلارینین تاقّیلتیسینی، چیراق ائشیغینی اونلارین ائچئندن یوخ اده‌جیم.

11بوتون بو اؤلکه خارابایا، وئرانه بئر یِره چِورئله‌جک. بو مئلّتلر بابئل پادشاهینا یتمئش ائل قوللوق اده‌جکلر.“

12رب بویورور: ”آمّا یتمئش ائل باشا گلندن سونرا بابئل پادشاهینی، اونون مئلّتئنی و کَلده اؤلکه‌سئنی تقصئرلرئنه گؤره جزالاندیرجاغام. اورانی ابدی اولاراق وئرانه‌لئیه چِوئره‌جیم.

13او اؤلکه اوچون ددئکلرئمئن هامیسینی، اِرِمیا‌نین بوتون مئلّتلر باره‌سئنده بو کئتابدا یازیلمیش نبئلئک سؤزلرئنئن هامیسینی اورانین باشینا گتئره‌جیم.

14اونلار اؤزلری ده بئر چوخ مئلّتلرئن، بؤیوک پادشاهلارین قولو اولاجاقلار. عمل‌لرئنه و اَللرئنئن ائشئنه گؤره اونلارا عوض وره‌جیم.“»

15بلی، ائسرایئلئن تاریسی رب منه بله ددی: «منئم اَلئمدن قضبئمئن شرابی ائله دولو بو پئیالانی آل و بوتون او مئلّتلره ائچئرت کی، سنی اونلارین یانینا گؤندَ‌رئرم.

16اونلار اوندان ائچن واخت گئجه‌له‌جکلر، اوستلرئنه گؤندَ‌ره‌جیئم قیلینجین قورخوسوندان عاغیل‌لاری چاشاجاق.»

17او واخت من پئیالانی ربّئن اَلئندن آلدیم و منی یانلارینا گؤندَردئیی بوتون مئلّتلره ائچئرتدئم.

18اورشلئمه و یهودا شهرلرئنه، پادشاهلاری و اعیانلارینا، اله کی، اونلار، ائندئکی اولدوغو کئمی، وئرانه‌لئیه، حیرته، رئشخند و لعنت هدفئنه چِورئلسئنلر،

19مئصئر پادشاهی فئرعونا، اعیانلاری، باشچیلاری و بوتون خالقینا،

20مئصئرده یاشایان بوتون یاد اِللی‌لره؛ عوص اؤلکه‌سئنئن بوتون پادشاهلارینا، فئلئسط اؤلکه‌سئنئن بوتون پادشاهلارینا (عَشقِلون، غَزّه، عِقرون پادشاهلاری و اَشدوددا صاغ قالانلار)؛

21اِدوما، موآبا، عَمّونا؛

22بوتون صور و صئدون پادشاهلارینا؛ ساحئل‌نشئن خالقلارین پادشاهلارینا؛

23دِدان، تِیما، بوز و کَکئل‌لرئنی قیرخانلارین هامیسینا؛

24بوتون عرب پادشاهلارینا، صحرادا یاشایان قاتیشیق خالقین پادشاهلارینا؛

25بوتون زئمری، عِیلام و ماد پادشاهلارینا،

26سیرا ائله شئمالین بوتون یاخین و اوزاق پادشاهلارینا، یِر اوزونون بوتون پادشاهلیقلارینا. هامیدان سونرا بو کاسانی شِشَک پادشاهی دا ائچه‌جک.

27«سونرا اونلارا دِه: ائسرایئلئن تاریسی اولان قوشونلار ربّی بله دیئر: ”ائچئن، مست اولون، قوسون، اوستونوزه گؤندَ‌ره‌جیئم قیلینجلا وورولوب-ییخیلین و بئر داها آیاغا قالخمایین.“

28آمّا اگر اونلار پئیالانی اَلئندن آلیب ائچمک ائستمه‌سه‌لر، اونلارا دِه: قوشونلار ربّی بله دیئر: ”اوندان گرک ائچه‌سئنئز!

29باخ، منئم آدیملا چاغیریلان شهرئن اوستونه فلاکت گتئرمیه باشلاییرام. دوغرودان دا، جزاسیز قالاجاغینیزی گومان ادئرسئنئز؟ سئزی جزاسیز قویمایاجاغام. من یِر اوزونده یاشایان هر کسئن اوستونه قیلینج گتئره‌جیم.“ قوشونلار ربّی بویورور.

30ائندی بوتون بو سؤزلری اونلارین ضئدّئنه نبئلئک ات و اونلار دِه: ”رب اوجا یردن نعره چکه‌جک، موقدّس مسکنئندن گورلایاجاق. بو اؤلکه‌نئن ضئدّئنه شئدّتله نعره چکه‌جک، اوزوم اَزَنلر کئمی باغیراجاق، دونیادا یاشایانلارین هامیسینین ضئدّئنه هایقیراجاق.

31های-کوی دونیانین او بئری باشلارینا قدر یاییلاجاق، چونکی ربّئن مئلّتلره داعواسی وار؛ بوتون بشری موحاکئمه اده‌جک، پئسلری قیلینجا تسلئم اده‌جک.“ رب بویورور.

32قوشونلار ربّئنئن ددئیی بودور: ”باخ، بلا مئلّتدن مئلّته یاییلیر، دونیانین اوزاق یِرلرئندن بؤیوک بئر طوفان قالخیر.“

33او گون ربّئن اَلی ائله اؤلدورولَنلر هر یری دولدوراجاقلار - دونیانین بئر اوجوندان او بئری اوجونا قدر. اونلار اوچون یاس توتولمایاجاق، بئر یِره ییغیلیب باسدیریلمایاجاقلار، تورپاغین اوستونده پِیئن کئمی اولاجاقلار.

34ای چوبانلار، آغلایین، شئون ادئن، ای سورو باشچیلاری، تورپاقدا اِشه‌له‌نئن. چونکی سئزئن اؤلومه ورئلمه واختینیز چاتیب؛ ییخیلاجاقسینیز و قئیمتلی بئر قاب کئمی تئکه-تئکه اولاجاقسینیز.

35چوبانلارین قاچماغا بئر یری اولمایاجاق، سورو باشچیلاری هچ بئر یِره قاچا بئلمیه‌جکلر.

36چوبانلارین فریادینی، سورو باشچیلارینین باغیرتیسینی اشئت، چونکی رب اونلارین اوتلاقلارینی وئران ادئر.

37ربّئن آلوولانان قضبئندن، اَمئن-آمانلیقدا اولان اوتلاقلار محو اولاجاق.

38رب بئر آصلان کئمی یوواسینی ترک اده‌جک. ظالئمئن قضبی اوزوندن، اونون شئدّتلی قضبی اوزوندن اؤلکه‌لری وئران قالاجاق.»

← Chapter 24 Chapter 26 →