Jeremiah 22

azerbaijan-2013

1رب بله ددی: «یهودا پادشاهینین سارایینا گت، اورادا بو سؤزو اعلان ات:

2ای داوودون تختی اوستونده اوتوران یهودا پادشاهی، ای بو دروازالاردان گئرن اعیانلارلا خالق، ربّئن سؤزونو اِشئدئن.

3رب بله دیئر: ”عدالت و صالحلئکله رفتار ادئن. مظلومو ظالئمئن اَلئندن قورتارین. قرئبه، یِتئمه و دول آروادا حاقسیزلیق اتمه‌یئن، قدّارلیق اتمه‌یئن، بو یرده گوناهسیز قان تؤکمه‌یئن.

4اگر سئز بو امره حقئقتن عمل اده‌سئنئز، او زامان داوودون تختئنده اوتوران پادشاهلار دؤیوش عارابالارینا و آتلارا مئنئب اعیانلاری و خالقلاری ائله بئرلئکده بو سارایین دروازالاریندان گئره‌جکلر.

5لاکئن اگر بو امرلردن ائطاعت اتمیه‌سئنئز، اؤز وارلیغیما آند ائچئرم کی، بو اِو وئران قالاجاق.“ رب بویورور.

6بلی، یهودا پادشاهینین سارایی باره‌ده رب بله دیئر: ”گرچی منئم اوچون گئلعاد کئمی‌سن، لوبنانین قولّه‌سی کئمی‌سن. لاکئن من قطعن سنی بئر چؤله، کئمسه‌نئن یاشامادیغی شهرلره چِوئره‌جیم.

7سنئن ضئدّئنه هلاک ادنلر حاضیرلایاجاغام، هامیسینین اَلئنده سئلاح اولاجاق. سنئن لاپ یاخشی سئدر آغاجلارینی کسه‌جکلر، اونلاری اودا آتاجاقلار.

8بئر چوخ مئلّتلر بو شهرئن یانیندان کچئب بئربئرلرئندن سوروشاجاقلار: بو بؤیوک شهره رب نئیه بله ادئب؟

9و جاواب بو اولاجاق: چونکی تاریسی ربّئن عهدئنی ترک اتدئلر، باشقا آللاهلارا پرستئش و قوللوق اتدئلر.“»

10اؤلَن اوچون آغلامایین، یاس دا توتمایین. آنجاق اسئرلئیه گدن اوچون آجی-آجی آغلایین، چونکی داها قاییتمایاجاق، دوغما وطنئنی گؤرمه‌یه‌جک.

11بلی، یوشئیا اوغلو شَلّوم باره‌ده کی، آتاسی یوشئیانین یرئنه یهودا پادشاهی اولوب و بورادان چیخیب گدئب، رب بله دیئر: «او داها بورایا قاییتمایاجاق،

12اسئر اولوندوغو یرده اؤله‌جک و آرتیق بو اؤلکه‌نی گؤرمه‌یه‌جک.

13وای او آدامین حالینا کی، سارایینی حاقسیزلیقلا، یوخاری اوتاقلارینی عدالتسئزلئکله تئکئر، اؤز هموطنئنی موفته ائشله‌دئر، اونا موزدونو ورمئر.

14دیئر: ”اؤزومه گِنئش یوخاری اوتاقلاری اولان بؤیوک بئر سارای تئکدئره‌جیم.“ بله‌جه اورایا پنجره‌لر آچیر، اطرافینی سئدر آغاجی ائله اؤرتور. قیرمیزی رنگله بویاییر.

15چوخلو سئدر آغاجین اولماق مگر سنی پادشاه اِدَر؟ مگر آتان دا دویونجا یِیئب-ائچمه‌دی؟ او عدالت و صالحلئکله رفتار اتدی. اونا گؤره ده ائشلری اوغورلو اولدو.

16محکمه‌ده مظلومون، یوخسول آدامین ائشئنه باخیردی، اونا گؤره ده ائشلری اوغورلو اولدو.» رب بویورور: «منی تانیماق اِله مگر بو دیئل؟

17لاکئن سنئن گؤزلرئن و اوره‌یئن آنجاق حارام قازانجیندا قالیب، تؤکمک ائسته‌دئیئن گوناهسیز قاندا قالیب، قدّارلیق و تالاندا قالیب.»

18بونا گؤره ده یهودا پادشاهی یوشئیا اوغلو یِهویاقئم باره‌ده رب بله دیئر: «اونون اوچون ”وای قارداشیم، وای باجیم“ دیئب یاس توتمایاجاقلار، ”وای آغام، حیف اونون عئزّتی“ دیئب یاس توتمایاجاقلار.

19اونو اِششَک باسدیریلان کئمی باسدیراجاقلار، سورویوب اورشلئم دروازالاریندان کنارا آتاجاقلار.

20لوبنانا گت، فریاد ات، باشاندا سَسئنی اوجالت، عَبارئمدن فریاد ات، چونکی بوتون اویناشلارین اَزئلئب.

21هر شیئن اَمئن-آمانلیقدا اولاندا سنی خبردار اتدئم، آمّا سن ددئن: ”قولاق آسمایاجاغام.“ اوشاقلیغیندان عادتئن بله‌دئر، مندن ائطاعت اتمه‌یئبسن.

22کولَک بوتون چوبانلارینی گؤتوروب آپاراجاق، اویناشلارین اسئرلئیه گده‌جک. او زامان اتدئیئن بوتون پئسلئکلردن اؤتری اوتانیب روسوای اولاجاقسان.

23ای سن ”لوبناندا“ یاشایان، یوواسینی سئدر آغاجیندان قوران! سنه بویلو آرواد کئمی آغریلار، سانجیلار گلنده نجه ناله چکه‌جکسن!»

24رب بویورور: «ای یهودا پادشاهی یِهویاقئم اوغلو یِهویاکئن، وارلیغیما آند اولسون کی، اگر صاغ اَلئمده‌کی مؤهور اوزویو اولاسان دا، سنی چیخاردیب آتاردیم.

25سنی جانینی آلماق ائسته‌ینلره، قورخدوغون آداملارا، بابئل پادشاهی نِبوکَد نِصّره و کَلدانئلره تسلئم اده‌جیم.

26سنی و سنی دوغان آنانی دوغولمادیغینیز یاد بئر اؤلکه‌یه آتاجاغام و اورادا اؤله‌جکسئنئز.

27قاییتماغا جان آتدیغینیز اؤلکه‌یه بئر داها قاییتمایاجاقسینیز.»

28بو آدام - یِهویاکئن مگر حقارتله باخیلان قیریق بئر کاسادیر؟ هچ کسئن بَیَنمه‌دئیی بئر قابدیر؟ بس نه اوچون هم اؤزو، هم ده اؤولادلاری آپاریلیب تانیمادیقلاری بئر اؤلکه‌یه آتیلدیلار؟

29اؤلکه، ای اؤلکه، ربّئن سؤزونو اشئت، ای اؤلکه!

30رب دیئر: «بو آدامی اؤولادسیز یازین، عؤمرونده ائشلری اوغورلو اولمایان بئر کئشی حساب ادئن. چونکی نسلئندن هچ کئم اوغور قازانمایاجاق. نسلئندن هچ کئم داوودون تختئنده اوتورمایاجاق، یهودادا بئر داها پادشاهلیق اتمیه‌جکدئر.»

← Chapter 21 Chapter 23 →