Jeremiah 20

azerbaijan-2013

1او زامان کی، ربّئن معبدئنده باش نظارتچی ائمّر اوغلو کاهئن پَشخور اِرِمیا‌نین بو سؤزلرله نَبئلئک اتدئیئنی اشئتدی،

2اِرِمیا پیغمبری دؤیدورتدو و اونو ربّئن معبدئنئن یانینداکی یوخاری بِنیامئن دروازاسیندا اولان کونده‌یه سالدی.

3او گونون صاباحی پَشخور اِرِمیانی کونده‌دن چیخارتدی. اِرِمیا اونا ددی: «رب سنئن آدینی پَشخور یوخ، ماگور-مئسابئب قویوب.

4چونکی رب بله دیئر: ”باخ، من سنی اؤزون و بوتون سنی سِوَنلر اوچون دهشته چِوئره‌جیم؛ اونلار اؤز دوشمنلرئنئن قیلینجی ائله هلاک اولاجاقلار و سنئن گؤزلرئن بونو گؤره‌جک. بوتون یهودانی بابئل پادشاهینا تسلئم اده‌جیم. او، خالقی بابئله اسئر آپاراجاق و قیلینجلا هلاک اده‌جک.

5بو شهرئن بوتون وار-دؤولتئنی، قازانجینی، قئیمتلی شیلرئنی و یهودا پادشاهلارینین بوتون خزئنه‌لرئنی دوشمنلره تسلئم اده‌جیم. اونلاری قارت اده‌جکلر، گؤتوروب بابئله آپاراجاقلار.

6سن پَشخور، و اِوئنده یاشایانلارین هامیسی بابئله اسئر آپاریلاجاقسینیز. سن و یالاندان اونلارا نبئلئک اتدئیئن بوتون دوستلارین اورادا اؤله‌جکسئنئز، اورادا دا باسدیریلاجاقسینیز.“»

7یارب، سن منی آلداتدین، من ده آلداندیم. مندن اوستون گلدئن، منه قالئب گلدئن. بوتون گون منه گولورلر، هر کس منئمله باشینی قال ادئر.

8نه زامان آغزیمی آچیرام، فریاد ادئب «قَدّارلیق و تالان!» دیئب قیشقیریرام. ربّئن سؤزو منه بوتون گون حقارت گتئرئب، روسوای اولموشام.

9آمّا اگر دِیئم: «داها اونو یادا سالمایاجاغام، اونون آدی ائله دانیشمایاجاغام.» اونون سؤزو اوره‌یئمده اود کئمی‌دئر، سوموکلرئمده حبس ادئلن بئر اود کئمی! دوغرودان دا اونو ائچئمده ساخلاماقدان یورولموشام، آرتیق بونو اده بئلمئرم.

10چوخ پیچیلتی‌لار اِشئدئرم: «هر طرفده دهشت! اونو اَله ورئن، اونو اَله ورئن!» بوتون بِل باغلادیغیم آداملار بودره‌مه‌یئمی گؤزلیه‌رَک دیئرلر: «بلکه آلدانار، او واخت اونو مغلوب اده‌رئک، اوندان قئصاصیمیزی آلاریق.»

11لاکئن رب ائگئد بئر دؤیوشچو کئمی منئمله‌دئر. بونا گؤره ده منی تعقئب ادنلر ییخیلاجاقلار، قالئب گله بئلمیه‌جکلر. اوغور قازانمایاجاقلاریندان، چوخلو خجالت آلتینا دوشه‌جکلر. روسوایچیلیقلاری هچ واخت یاددان چیخاردیلمایاجاق.

12ای قوشونلار ربّی، سن صالح آدامی ائمتاحانا چکئرسن، فئکری و اوره‌یی گؤرورسن. قوی گؤزوم سنئن اونلاردان آلاجاغین قئصاصی گؤرسون! چونکی داعوامی سنه تاپشیرمیشام.

13ربّه اوخویون، ربّه حمد ادئن! چونکی مؤحتاج آدامی شرئرلرئن اَلئندن او قورتاریر.

14دوغولدوغوم گونه لعنت اولسون! آنامین منی دوغدوغو گون موبارک اولماسین!

15لعنت اولسون او آداما کی، آتاما سِوئندئرئجی بو خبری موژده گتئرئب ددی: «بئر اوغلان اوشاغین اولدو!» و اونو چوخ سِوئندئردی.

16قوی او آدام ربّئن یازیغی گلمه‌یئب داغیتدیغی شهرلر کئمی اولسون! سحر اوندا فریاد اِشئدئلسئن؛ گون اورتا واختی موحارئبه نعره‌سی.

17چونکی بطنده ائکن منی اؤلدورمه‌دی. او واخت آنامین قارنی قَبئرئم اولاردی، بطنی دائم بویلو قالاردی.

18نه اوچون آنا بطنئندن چیخدیم؟ عذاب-اذئیّت گؤرمک اوچون مگر؟ عؤمرومو روسوایچیلیقلا کچئرتمک اوچون مگر؟

← Chapter 19 Chapter 21 →