Jeremiah 14

azerbaijan-2013

1بو، قوراقلیق حاقّیندا اِرِمیایا نازئل اولان ربّئن سؤزودور:

2«یهودا یاس توتور، شهرلری قَملی گؤرونور؛ آداملار اؤلکه اوچون ماتم ادئرلر، اورشلئمدن شئون سَسی قالخیر.

3اعیانلار نؤکرلرئنی سو دالینجا گؤندَ‌رئرلر، اونلار قویو یانینا گلئرلر، لاکئن سو تاپمیرلار، بوش قابلارلا گری دؤنورلر؛ اوتانیب خجالت چکه‌رَک باشلارینی اؤرتورلر.

4اؤلکه‌ده یاغیش اولمادیغی اوچون تورپاق چاتلاقدیر. اَکئنچئلر اوتانیرلار، باشلارینی اؤرتورلر.

5حتّا چؤلده‌کی مارال دا بالا دوغوب اونو ترک ادئر، چونکی اوت یوخدور.

6وحشی اِششَکلر چیلپاق تپه‌لرده دوروب، چاقّال کئمی تِز-تِز نفس آلیرلار. اوتلاق اولمادیغیندان اونلارین گؤزلری کورلاشیر.»

7یارب، گرچی تقصئرلرئمئز بئزئم ضئدّئمئزه شهادت ورئر، آمّا سن اؤز آدیندان اؤتری بئر شیلر ات. چونکی اتدئیئمئز دؤنوکلوک بؤیوکدور، سنه گوناه اتمئشئک.

8ای ائسرایئلئن اومئدی، مشقّت زامانلاریندا خئلاصکاری اولان! نه اوچون سن بو تورپاقدا بئر قرئب کئمی‌سن، گجه‌لَمَک اوچون بئر گجه قالان بئر موسافئر کئمی‌سن؟

9نه اوچون چاشمیش آدام کئمی اولوبسان؟ قورتارماغا گوجو چاتمایان ائگئد کئمی اولوبسان؟ سن آرامیزداسان، یارب. بئز سنئن آدینی داشی‌ییریق؛ بئزی ترک اتمه!

10رب بو خالق باره‌ده بله دیئر: «اونلار گَزئب دولانماغی او قدر سِوئرلر کی، آیاق ساخلامیرلار. بونا گؤره ده رب اونلاری قبول اتمئر. ائندی اونلارین تقصئرکارلیغینی یادا سالاجاق و گوناهلاری اوچون اونلارا جزا وره‌جک.»

11سونرا رب منه ددی: «سن بو خالقین اوغور قازانماسی اوچون دوعا اتمه.

12اوروج توتسالار دا، من اونلارین فریادینی اشئتمیه‌جیم. یاندیرما قوربانی و تاخیل تقدئمی گتئرسه‌لر ده، اونلاری قبول اتمیه‌جیم. عوضئنه اونلاری قیلینج، آجلیق و وبا ائله قیریب تؤکه‌جیم.»

13آمّا من ددئم: «آه، پروردئگار رَب، پیغمبرلر اونلارا دیئرلر کی، ”سئز قیلینج گؤرمه‌یه‌جکسئنئز، آجلیق چکمه‌یه‌جکسئنئز. دوغرودان دا من بو یرده سئزه داواملی صولح وره‌جیم.“»

14او واخت رب منه ددی: «پیغمبرلر منئم آدیملا یالاندان نَبئلئک ادئرلر. اونلاری من گؤندَرمه‌مئشم، اونلاری من تعیئن اتمه‌مئشم، اونلارلا دانیشمامیشام. سئزه یالان رؤیالار، سِحرلر، بوش شیلر، و اؤز فئکئرلرئنئن اویدورمالارینی نَبئلئک ادئرلر.

15بونا گؤره ده رب، او پیغمبرلر باره‌ده بله دیئر: ”اونلاری گؤندَ‌رمه‌دئیئم حالدا، منئم آدیملا نبئلئک ادن بو نَبئلر دیئرلر: بو تورپاقدا قیلینج و آجلیق اولمایاجاق. بو پیغمبرلر اؤزلری قیلینج و آجلیقدان هلاک اولاجاقلار.

16نبئلئک اتدئکلری خالق دا قیلینج و آجلیق اوزوندن اورشلئم کوچه‌لرئنه آتیلاجاقلار. اونلارین اؤزلرئنی، آروادلارینی، اوغوللارینی و قیزلارینی باسدیران اولمایاجاق. لایئق اولان پئسلئیی اونلارین اؤز باشلارینا گتئره‌جیم.“

17اونلارا بو سؤزو دِه: ”قوی گؤزلرئم گجه-گوندوز، دایانمادان یاش تؤکسون. چونکی باکئره قیزیم-منئم خالقیم، آغیر بئر یارا آلیب، شئدّتلی بئر ضربه یِیئب.

18اگر صحرایا چیخام، قیلینجلا اؤلدورولَنلری گؤره‌جیم، اگر شهره گئرم، آجلیقدان اوزولَنلری گؤره‌جیم. چونکی هم پیغمبر هم ده کاهئن، تانیمادیقلاری اؤلکه‌یه گدئب.“»

19مگر سن یهودانی کامئل ردّ ادئبسن؟ مگر صحیوندان آجیغین گلئر؟ نئیه بئزی اِله ووروبسان کی، صاغالتماق مومکون اولماسین؟ صولح گؤزله‌دئک، آمّا خیئر گلمه‌دی. شفا واختینی گؤزله‌دئک، لاکئن آنجاق دهشت گلئر.

20یارب، پئسلئیئمئزی، آتالاریمیزین تقصئرکارلیغینی بئلئرئک؛ دوغرودان دا سنه گوناه اتمئشئک.

21اؤز آدینین خاطئری اوچون بئزه خور باخما؛ عئزّتلی تختئنی حؤرمتدن سالما. بئزئمله اولان عهدئنی یادا سال، اونو پوزما.

22مگر مئلّتلرئن یاراماز بوتلری آراسیندا یاغیش یاغدیرا بئلَن بئری وار؟ مگر گؤیلر اؤزلری یاغیش یاغدیریرلار؟ یوخ، بونو ادن سنسن، یارب تاریمیز. بونا گؤره ده اومئدئمئز سنده‌دئر. چونکی بوتون بو شیلری ادن سنسن.

← Chapter 13 Chapter 15 →