Isaiah 7

azerbaijan-2013

1عوزّئیا اوغلو یوتام اوغلو یهودا پادشاهی آخازین حؤکم سوردویو دؤورده، اَرام پادشاهی رِصئنله ائسرایئل پادشاهی رِمَلیا اوغلو پِقَخ اورشلئمه هوجوم اتدئلر، آمّا اورانی آلا بئلمه‌دئلر.

2داوود نسلئنه خبر ورئلدی کی، «اَراملی‌لار اِفرایئمده قوشون دوزَ‌لدئب اوردو قوروبلار.» پادشاهین و خالقین اوره‌یی، مِشه آغاجلاری کولَکدن تئتره‌یَن کئمی تئتره‌دی.

3رب اِشَعیایا ددی: «ائندی آخازی پئشواز اتمک اوچون اوغلون شِعار-‌یاشوبلا بئرلئکده یوخاری حوووضون سو یولونون آخیرینا، او یولا چیخ کی، پالتار آغاردان زَمئیه گدئر.

4اونا بله دِه: ”دئقّتلی و ساکئت اول. قورخما! قوی اوره‌یئن بو ائکی توستوله‌نَن، یاریسی یانمیش اودون پارچاسیندان یعنی رِصئن، اَرام و رِمَلیا اوغلونون آلوولانان قضبئندن قورخماسین!“

5چونکی اَرام، اِفرایئم و رِمَلیا اوغلو سئزئن ضئدّئنئزه شر قوراراق بله دیئر:

6”گلئن، یهودانین ضئدّئنه چیخاق و خالقی قورخودوب اؤلکه‌نی اَله کچئردک و طَبی‌اِل اوغلونو اورایا پادشاه قویاق.“»

7بونا گؤره پروردئگار رب بله دیئر: «بو ائش اولمایاجاق، باش توتمایاجاق.

8چونکی اَرامین پایتختی دَمَشقدئر، دَمَشقئن باشچیسی دا رِصئندئر. اِفرایئم آلتمیش بش ائلدن سونرا دارماداغین ادئلئب، مئلّت اولاراق قالمایاجاق.

9اِفرایئمئن پایتختی سامئره‌ده‌دئر، سامئره‌نئن باشچیسی دا رِمَلیانین اوغلودور. اگر ائماندا مؤحکم دورمایاسینیز، داوام گتئره بئلمزسئنئز.»

10رب گئنه آخازلا دانیشیب اونا ددی:

11«تارین ربدن بئر علامت ائسته؛ قوی اؤلولر دئیاری قدر درئن یا دا گؤیلر قدر اوجا اولسون.»

12لاکئن آخاز جاواب وردی: «ائستمه‌جیم، ربّی ده ائمتاحان اتمیه‌جیم.»

13بونون اوستوندن اِشَعیا بله ددی: «اِشئدئن، ای داوود نسلی! ائنسانلاری بِزدئرمه‌یئنئز مگر بس دیئل کی، منئم تاریمی دا بِزدئرئرسئنئز؟

14بونا گؤره ده پروردئگار اؤزو سئزه بئر علامت وره‌جک: باخ، باکئره قیز بویلو اولوب اوغلان دوغاجاق، آدینی عئمانواِل قویاجاق.

15بو اوشاق پئسی یاخشیدان آییران یاشا چاتدیقدا، کره و بال یئیه‌جک.

16آمّا بو اوشاق یاخشینی پئسدن آییران یاشا چاتمادان، سنی دهشته سالان او ائکی پادشاهین تورپاقلاری بوش قالاجاق.

17رب سنه، خالقینا، و آتا نسلئنه اِله گونلر گتئره‌جک کی، اِفرایئمئن یهودادان آیریلدیغی بو گونه قدر گؤرونمه‌یئب. آشور پادشاهینی اوستونوزه گتئره‌جک.

18او واخت گلنده رب فئت چالاجاق و مئصئر چایلارینین اوزاق یِرلرئنده یاشایان مئلچه‌یی، آشور تورپاقلاریندا یاشایان آرینی سَسله‌یه‌جک.

19اونلار آخین-آخین گلئب درئن وادئلرده، قایا یاریقلاریندا، بوتون تئکانلی کوللوقلاردا، اوتلاقلاردا ساکئن اولاجاقلار.

20او گون پروردئگار فَراتین او تاییندان اوجرتله توتدوغو اولگوجله، یعنی آشور پادشاهی ائله، ساچلارینیزی، باجاقلارینیزین توکلرئنی و ساقّاللارینیزی قیرخاجاق.

21او گون بئر بوزوولا بئر جوت قویون بَسله‌یَن

22آلدیغی بول سود نتئجه‌سئنده کره یاغی یئیه‌جک. اؤلکه‌ده قالان هر کس کره یاغی ائله بال یئیه‌جک.

23او گون مئن گوموش دَیَرئنده مئن تَنَک اولان باغ، تئکانلی، قانقاللی چؤله دؤنه‌جک.

24آداملار اورالاردان اوخلارلا، کامانلارلا کچه‌جکلر، چونکی اؤلکه‌نئن هر یانی تئکان و قانقاللا اؤرتولَنه‌جک.

25او تپه‌لره کی، بئر واخت شوخوملانیب اَکئلَردی، هچ کس تئکان و قانقال قورخوسوندان گده بئلمیه‌جک؛ اؤکوزلرئن گَزدئیی یِرلره، قویونلارین تاپدالادیغی یِرلره چِورئله‌جک.»

← Chapter 6 Chapter 8 →