Isaiah 58

azerbaijan-2013

1«اوجا سَسله چیغیر، چکئنمه؛ سَسئنی کَره‌نای سَسی کئمی اوجالت، خالقیما اونلارین تقصئرلرئنی، یعقوب نسلئنه اونلارین گوناهلارینی بئلدئر!

2اونلار هر گون منی آختاریرلار، منئم یوللاریمی بئلمَکدن کِف ادئرلر. اِله بئل کی، بو عملی-‌صالح، تاریسینین حؤکموندن آیریلمایان مئلّت ائمئش. اونلار مندن عادئل حؤکملر آرزو ادئرلر، تارییا یاخینلاشماقدان کِف ادئرلر.

3دیئرلر: ”اوروج توتدوغوموزو نه اوچون گؤرمورسن، اؤزوموزو حلئم ادئرئک، آمّا سن فئکئر ورمئرسن؟“ باخین، اوروج توتدوغونوز گون، سئز، ائسته‌دئیئنئزی ادئرسئنئز، بوتون ائشچئلرئنئزه ظولم ادئرسئنئز.

4باخین، اوروجونوزو ساواشماقلا، داعوا ائله، یومروقلا، دؤیمَکله کچئردئرسئنئز. سئز، بو گونکو کئمی، اوروج توتماقلا ائسته‌مئرسئنئز کی، سَسئنئزی اوجالاردا اشئتدئره‌سئنئز.

5مگر منئم سِچدئیئم اوروج بودور، بئر گون کی، آدام اؤزونو باشی آشاغی اتسئن؟ قامیش کئمی باشینی اَیسئن، اَینئنه چول گِیئب، کول اوستونده یاتسین؟ سئز بونو اوروج چاغیریرسینیز، هم ده ربّه مقبول اولان گون چاغیریرسینیز؟

6مگر منئم ائسته‌دئیئم اوروج او دیئل کی، پئسلئیئن بوخوولارینی قیراسینیز، یوغون ائپلرئنی آچاسینیز، سئتم آلتیندا اولانلاری آزاد اده‌سئنئز، و هر جور یوغو قیراسینیز؟

7مگر او دیئل کی، یِدئیئنئز چؤره‌یی آجلا بؤلوشه‌سئنئز؟ بی‌خانومان کاسیبلاری اِوئنئزه گتئره‌سئنئز؟ لوت گؤرنده اونو گِیئندئره‌سئنئز، یاخینلارینیزدان کؤمه‌یئنئزی اسئرگَمیه‌سئنئز؟

8او واخت نورونوز شفق کئمی ساچاجاق، و تزلئکله شفا تاپاجاقسینیز، صالحلئیئنئز قاباغینیزدا گده‌جک، ربّئن عئزّتی سئزی آرخادان قورویاجاق.

9او واخت ربّی چاغیراجاقسینیز، و رب سئزه جاواب وره‌جک. باغیراجاقسینیز، او سئزه ”بورادایام“ دئیه‌جک. اگر سئز یوغو آرانیزدان، بارماق اوزاتماغی و سؤزلر دِمه‌یی آرانیزدان ردّ اده‌سئنئز،

10اگر اورَکدن آجلارین قیدئنه قالاسینیز، ذلئل‌لرئن احتئیاجلارینی وره‌سئنئز، او واخت نورونوز قارانلیقدا پارلایاجاق، قارانلیغینیز گون اورتا ائشیغی کئمی نور ساچاجاق.

11رب همئشه سئزه یول گؤرسده‌جک، قورو تورپاقلاردا سئزی دویوزدوراجاق، سوموکلرئنئزه قووّت وره‌جک. سئز ده سولانمیش باغچا کئمی، سولاری هچ واخت اَسکئلمه‌ین بولاق کئمی اولاجاقسینیز.

12سئزدن عمله گلنلر قدئم داغینتی‌لاری تئکه‌جکلر، نسئل‌لردن قالما پایالارین اوستونو سئز برپا اده‌جکسئنئز. سئزه خارابالیقلاری برپا ادنلر، جاماعاتین یاشاماسی اوچون کوچه‌لری تزه‌دن قورانلار دیئله‌جک.

13اگر سَبّت گونونده بودره‌میه‌سئنئز، موقدّس گونومده اؤز کِفئنئزه باخمایاسینیز، سَبّت گونونو ”شَن گون“، ربّئن موقدّس گونونو ”شرفلی گون“ چاغیراسینیز، اؤز یولونوزلا گتمه‌مَکله، ائسته‌دئیئنئزی اَلده اتمه‌مَکله، بوش‌بوغازلیقلا مشغول اولماماقلا، او گونو عَزئز توتاسینیز،

14او واخت رَبدن کِف اِدَرسئنئز، و من سئزی یِر اوزونون اوجا یِرلرئنه چیخاردارام، آتانیز یعقوبون پاییندان سئزی یِدئزدئره‌رم.» چونکی ربّئن آغیزی دانیشیب.

← Chapter 57 Chapter 59 →