Isaiah 33

azerbaijan-2013

1وای سنئن حالینا، ای محو ادن، آمّا اؤزو محو اولمایان ائنسان! وای حالینا، ای خائن آدام، هرچند سنئن ضئدّئنه هچ کس خیانت اتمه‌دی! سن محو ادئب قورتاران زامان، اؤزون ده محو اولاجاقسان؛ سن خائن عمل‌لرئندن دؤنَنده، باشقا آداملار سنئنله خیانتله رفتار اده‌جکلر.

2یارب، بئزه ائلطئفات گؤرسد؛ چونکی سنه اومئد باغلامیشیق. هر سحر اونلارین قووّتی اول، دارلیق زاماندا دا بئزئم نئجاتیمیز.

3سنئن قودرتلی سَسئندن خالقلار قاچیرلار، سن آیاغا قالخارکَن، مئلّتلر پَرَن-پَرَن اولورلار.

4چَیئرتکه‌لر زمئنی نه جور تالان ادئرلر، ای مئلّتلر، قنئمتئنئز ده او جور تالان اولاجاق. مالینیزین اوستونه چَیئرتکه ییغینی کئمی جوماجاقلار.

5رب اوجادیر، چونکی او اوجالاردا ساکئندئر، صحیونو عدالت و صالحلئکله دولدوروب.

6او، یاشادیغینیز دؤورون بونؤوره‌سی‌دئر، قورتولوشون، حئکمتئن و بئلئیئن خزئنه‌سی‌دئر، ربّئن قورخوسو اونون خزئنه‌سی‌دئر.

7باخ، مئلّتلرئن ائگئدلری کوچه‌لرده باغیریرلار. صولح قاصئدلری هؤنکوروب آغلاییرلار.

8یوللار بوشالیب، سَیّاحلار آرتیق یوخدور. دوشمن عهدی پوزوب، شاهئدلری خور گؤرور، ائنسانی هچ ساییر.

9اؤلکه یاس توتور، ضعئفله‌یئر، لوبنان خجئل اولوب، سولوب، شارون صحرایا دؤنور، باشان و کَرمِلئن آغاجلاری یارپاقلارینی تؤکور.

10رب دیئر: «ائندی قالخاجاغام، ائندی اوجالاجاغام، ائندی اوجالاجاغام.

11سامانا بویلو اولوبسونوز، کولَش دوغاجاقسینیز، نفسئنئز سئزی محو ادن آلوو کئمی اوداجاق.

12خالقلار یانیب کول اولاجاقلار، کَسئلئب اوددا یاندیریلان تئکانلی بوتالارا اوخشایاجاقلار.

13ای اوزاقدا یاشایانلار، نه اِله‌دئیئمی اِشئدئن، ای یاخیندا یاشایانلار، منئم گوجومو بئلئن.»

14صحیونداکی گوناهکارلار دهشته دوشوبلر، تاریسیزلاری لرزه بورویوب: «هر شیی محو ادن آلووون یانیندا، هانسیمیز یاشایا بئله‌رئک؟ ابدی یانان اودون یانیندا، هانسیمیز یاشایا بئله‌رئک؟»

15او کی، صالحلئک یولو ائله گِدئر و دوغرو سؤزلر دانیشیر، او کی، قدّارلیقلا اَلده ادئلَن قازانجی ردّ ادئر، اَلئنی روشوتدن اوزاق توتور، قولاقلارینی قان تؤکمک باره‌ده اِشتئمیه باغلاییر، گؤزلرئنی پئسلئیه باخماقدان یومور.

16او اوجالیقلاردا ساکئن اولاجاق، قایالارین قالالاری اونون پناهی اولاجاق. چؤره‌یی اونا ورئله‌جک، سویو اونا تأمئن اولوناجاق.

17سنئن گؤزلرئن پادشاهی گؤزل‌لئیی ائله گؤره‌جک، اوجسوز-بوجاقسیز اؤلکه‌نی سِیر اده‌جک.

18اوره‌یئن دهشت حاقّیندا فئکئرلَشه‌جک؛ «هارادادیر حساب ادن؟ هارادادیر چَکَن؟ هارادادیر بورجلری سایان؟»

19آنلاشیلماز، یاد دئلده دانیشان رحمسئز بئر خالقی داها گؤرمه‌یه‌جکسن.

20بایراملار کچئرتدئیئمئز شهره، صحیونا باخ! گؤزلرئن اورشلئمی، باریش مسکنئنی، تئتره‌مز چادیری گؤره‌جک. اونون پایالاری هچ واخت سؤکولمیه‌جک، کَندئرلرئنئن هچ بئری قیریلمایاجاق.

21اورادا عظمتلی رب بئزئم اوچون اولاجاق؛ چایلار و گِنئش آرخلار یِری! اورادان آوارلی قاییقلار، بؤیوک گَمئلر کچه بئلمزلر.

22چونکی بئزه حؤکم ادن ربدئر، بئزه قانون قویان ربدئر، بئزئم پادشاهیمیز ربدئر، اودور بئزی قورتاران.

23گَمئلرئنئن ائپلری آچیلمیش ساللاندی، دَکَلی یِرئنده مؤحکم دایانا بئلمئر. یِلکَنلری آچیلمیر. او واخت بؤیوک تالان مالی پایلاناجاق، حتّا توپال آداملار دا تالان اده‌جک.

24هچ بئر صحیون ساکئنی «ناخوشام» دِمَیه‌جک، اورادا یاشایان خالقین گوناهلاری باغیشلاناجاق.

← Chapter 32 Chapter 34 →