Isaiah 22

azerbaijan-2013

1رؤیا دره‌سی باره‌سئنده ائخطار: ائندی سئزه نه اولوب کی، هامینیز داملارا چیخیبسینیز؟

2ای سَس-کویلو، قیشقیران-باغیران، گورولتولو شهر، اؤلدورولَنلرئنئز نه قیلینجدان کچئردئلدی، نه ده دؤیوشلرده اؤلدورولدو.

3باشچیلارینیزین هامیسی بئرلئکده قاچیبلار، اوخ-کامانسیز یاخالانیبلار؛ بوتون تاپیلانلارینین هامیسی بئرلئکده اسئر آپاریلیبلار؛ گرچی اوزاقلارا قاچمیشدیلار.

4بونا گؤره دیئرم: «گؤزلرئنئزی مندن گؤتورون، قویون آجی-آجی آغلاییم، خالقیمین قیزینین وئران اولدوغو اوچون، منه تسلّی ورمه‌یه جهد اتمه‌یئن.»

5چونکی رؤیا دره‌سئنده، قوشونلار تاریسی ربّئن دهشت، اَزمَک، و ائغتئشاش گونو وار، دووارلارین داغینتیسی و داغلارا فریاد نئدالاری چاتدیغی گون گلئر.

6عِیلاملی‌لار اوخدانلارینی توتدولار، آداملارلا دولو دؤیوش عارابالاری ائله، آتلی‌لاری ائله گلدئلر. قئر ساکئنلری قالخانلارینی آچدیلار.

7او واخت سنئن لاپ گؤزل دره‌لرئن، دؤیوش عارابالاری ائله دولو ائدی، آتلی‌لار شهر دروازانین قاباغینا دوزولدولر.

8رب یهودانین دئفاع ائستِحکاملارینی گؤتوردو، او گون سئز «مِشه» آدلی اِوده ساخلانیلان سئلاحلارا بِل باغلادینیز.

9داوودون شهرئنئن دووارلاریندا، دؤیوشدن دَلئک-دِشئک عمله گلدئیئنی گؤردونوز، آشاغی حوووضا سو ییغدینیز.

10سونرا اورشلئمده‌کی اِولری سایدینیز، شهر دووارینین تعمئری اوچون اِولری سؤکدونوز.

11کؤهنه حوووضون سولاری اوچون، ائکی دووار آراسیندا سو آنباری دوزَلتدئنئز. لاکئن بو ائشی گؤره‌نه بِل باغلامادینیز، بونو چوخدان حاضیرلایان تارییا دئقّت اتمه‌دئنئز.

12اونا گؤره ده، او گون قوشونلار تاریسی رب، سئزی آغلاشمایا، یاس توتماغا، ساچینیزی یولماغا، چولا بورونمه‌یه چاغیردی.

13آمّا بونون عوضئنه شادلیق وار، شنلئک وار، مال-حیوان کسمه‌سی وار، قویون-کچی کسمه‌سی وار، اَت یمه‌سی و شراب ائچمه‌سی وار: «گلئن، یئیک و ائچک، چونکی صاباح اؤله‌جیئک.»

14لاکئن قوشونلار ربّی اؤزونو منه آشکار اتدی، «قطعن بو گوناه سئزه اؤلَنه قدر اصلا باغیشلانماز!» قوشونلار تاریسی رب بله بویورور.

15بله‌جه قوشونلار تاریسی رب دیئر: دور، او مهماندارین، سارای ریئسی شِبنانین یانینا گت و دِه:

16«سنئن بورادا نه ائشئن وار؟ بورادا کئمئن وار کی، بورادا، بو اوجادا یرده اؤزون اوچون قبئر قازیبسان؟ آیا قایانین ائچئنده اؤزونه مزار دوزَ‌لدئبسن؟

17باخ، ای کئشی، رب سنی عنقرئب تَپَندن توللایاجاق، عنقرئب سنی یاخالایاجاق.

18توپ کئمی سنی هِل‌لَده‌جک، گِن اؤلکه‌یه آتاجاق. اورادا اؤله‌جکسن، فخر اتدئیئن عارابالارین اورادا قالاجاق، آخی، اؤز آغانین اِوئنی بی‌آبیر ادئبسن!

19سنی وظئفندن عزل اده‌جیم، اوتوردوغون یردن آشاغی آتاجاغام.

20او گون قولوم حئلقئیا اوغلو اِلیاقئمی چاغیریب

21سنئن پالتارینی اونا گیئندئره‌جیم، سنئن قورشاغینی اونون بِلئنه باغلایاجاغام، سنئن ائقتئدارینی اونون ائختئیارینا وره‌جیم. بو آدام اورشلئم ساکئنلرئنه، یهودا خالقینا آتا اولاجاق.

22سونرا داوود نسلئنئن آچارینی اونون چئینئندن آساجاغام، آچدیغینی هچ کئم باغلایا بئلمیه‌جک، باغلادیغینی هچ کئم آچا بئلمیه‌جک.

23من اونو پایا کئمی بَرک یِره ووراجاغام. و او، آتاسینین نسلی اوچون شؤوکت تختی اولاجاقدیر.

24آتاسینین نسلئنئن بوتون شؤوکتی اونون اوستوندن آسیلاجاق. نسلئن و اؤولادلارین شرفی، طاسلاردان طاباقلاراجاق، بوتون قاب-قاجاقلارین شؤوکتی بو پایا اوستوندن آسیلاجاق»

25قوشونلار ربّی بیان ادئر: «او گون بَرک یِره وورولموش پایا اَسه‌جک، حتّا قیریلیب-دوشه‌جک، اونون اوستونه آسیلان یوک ده یوخ اولاجاق.» چونکی رب بله دیئب.

← Chapter 21 Chapter 23 →