Isaiah 14

azerbaijan-2013

1رب یعقوب نسلئنه رحم اده‌جک، ائسرایئل خالقینی گئنه سِچه‌جک، اونلاری اؤز تورپاقلاریندا ساکئن اده‌جک، یاداِللی‌لر ده یعقوب نسلئنه قوشولاجاقلار و اونلارلا بئرلَشه‌جکلر.

2آیری خالقلار ائسرایئل خالقینی آپاریب، اؤز یِرلرئنه گتئره‌جکلر. ائسرایئل خالقی ربّئن وردئیی تورپاقلاردا اونلاری اؤزلرئنه قول و کنئز اده‌جکلر؛ اونلاری اسئر آپارانلاری، اؤزلری اسئر اده‌جکلر و اونلارا ظولم ادنلرئن اوستونده حؤکم سوره‌جکلر.

3رب سنی آغریندان، سیخینتیدان، گؤردویون آغیر ائشدن قورتاراندا،

4بابئل پادشاهینا لاغ ادئب بله دئیه‌جکسن: «ظولمکارین آخیری گؤر نجه اولوب! قدّارلیغین آخیری گؤر نجه اولوب!

5رب پئس آداملارین دَیَنه‌یئنی، حؤکمدارلارین عصاسینی قیریب.

6او عصا کی، دایانمادان خالقلاری قضبله ووراردی، مئلّتلری قیضله، آمانسیزجا اَزَردی.

7ائندی آمّا بوتون دونیا ساکئتلئک و راحاتلیق ائچئنده سِوئنجدن هارای چکئر.

8حتّا لوبنانین شام و سئدر آغاجلاری دا سنئن فلاکتئنه سِوئنه‌رَک دیئر: ”سنئن اؤلوموندن بَری، هچ کئم بئزی کسمیه گلمئر.“

9یِرئن آلتینداکی اؤلولر دئیاری، سنی پئشواز اتمک اوچون صبئرسئزدئر، اؤلولرئنئن روحو، یِر اوزونون اؤلَن بوتون باشچیلاری سنئن اوچون هیجانلی‌دیر، مئلّتلرئن بوتون کچمئش پادشاهلارینی تختلرئندن آیاغا قالدیریر.

10هامی جاواب ورئب سنه دئیه‌جک: ”سن ده بئزئم کئمی ضعئف اولوبسان، بئزه بَنزه‌یئبسن!“

11جاه-جلالین، چنگلرئنئن سَسی اؤلولر دئیارینا اِندئرئلئب. یاتاغین دا، یورغانین دا مِیئت قوردلاری‌دیر.

12ای سحر اولدوزو، طولوع اوغلو، گؤیلردن نجه یِره دوشوبسن! ای مئلّتلری ذلئل ادن، نجه ده یِره ییخیلیبسان!

13لاکئن سن اوره‌یئنده ددئن: ”گؤیلره قالخاجاغام، تختئمی تارینین اولدوزلاری اوستونده اوجالارا یِرلَشدئره‌جیم، شئمالداکی اوجا یرده، ییغین داغیندا اوتوراجاغام،

14اوجا بولودلارین اوستونه چیخاجاغام، اؤزومو حاق-تاعالا کئمی اده‌جیم.“

15آنجاق اؤلولر دئیارینا، اؤلوم چوخورونون درئنلئیئنه اِندئرئله‌جکسن.

16سنی گؤرَنلر گؤزلرئنی زئلّه‌یه‌جکلر، سنئن حاقّیندا دوشونوب دئیه‌جکلر: ”دونیانی تئتره‌دن، سلطنتلری لرزه‌یه سالان،

17یِر اوزونو صحرایا چِوئرَن، شهرلرئنی یِرله بئر ادن، محبوسلاری اِولرئنه بوراخمایان مگر بو دیئل؟“

18بوتون مئلّتلرئن پادشاهلاری، هر بئری اؤز عظمتلی مزاریندا یاتیر.

19لاکئن سن قیریلمیش بوداق کئمی قبئرئندن کنارا، اوزاغا آتیلیبسان، بئر چوخورون دئبئنه توللانان، بدنلری قیلینجلا دِشئلَن مِیئتلرله اؤرتولوبسن، آیاق آلتیندا قالان لِش کئمی‌سن.

20باشقالاری کئمی دفن اولمایاجاقسان، چونکی اؤز اؤلکه‌نی داغیدیب، اؤز خالقینی اؤلدوروبسن. پئسلئک ادن نسئل بئر داها خاطیرلانمایاجاق.

21آتالارینین گوناهینا گؤره اؤولادلارینی اؤلدورمک اوچون یِر حاضیرلایین کی، اونلار قالخیب دونیایا مالئک اولماسینلار، یِر اوزونو شهرلرله دولدورماسینلار.»

22قوشونلار ربّی اعلان ادئر: «بابئل خالقینین ضئدّئنه قالخاجاغام. بابئلئن آدینی، صاغ قالانلارینی، اوغوللارینی و نسئل‌لرئنی یوخ اده‌جیم.» رب اعلان ادئر.

23«بابئلی بایقوش یوواسینا، باتاقلیغا چِوئره‌جیم و محو ادن سوپورگه ائله سوپوره‌جیم.» قوشونلار ربّی اعلان ادئر.

24قوشونلار ربّی آند ائچئب بله دیئر: «دوغرودان دا دوشوندویوم کئمی اولوب و نئیّت اتدئیئم کئمی اولاجاق.

25اؤلکَمده آشورلولاری محو اده‌جیم و داغلاریمدا اونلاری تاپدالایاجاغام. سونرا خالقیم، آشورون یوغوندان و اونون چئیئنلرئنده‌کی یوکوندن قورتولاجاق.

26بودور بوتون دونیا اوچون حاضیرلانان تقدئر؛ بودور بوتون مئلّتلرئن ضئدّئنه قالخمیش اَلئم.

27چونکی قوشونلار ربّی نئیّت ادئب، کئم اونو بوشا چیخاردا بئلر؟ قالخمیش اَلئنی کئم گری دؤندَ‌ره بئلر؟»

28پادشاه آخازین اؤلدویو ائلده بو وحی نازئل اولدو:

29«ای بوتون فئلئسطلی‌لر، سِوئنمه‌یئن کی، سئزی دؤیَن دَیَنَک قیریلیب؛ چونکی ائلانین کؤکوندن افعی عمله گله‌جک، اونون ثمره‌سی ده اوچان ائلان اولاجاق.

30کاسیبلارین لاپ کاسیبی دویاجاق، مؤحتاجلار اَمئن-آمانلیقدا دئنجَله‌جک. آمّا سئزئن کؤکونوزو قیتلیقلا کَسه‌جیم، صاغ قالانلارینیز دا اؤلدوروله‌جک.

31ای دروازا، شئون ات! ای شهر، آغلا! ای بوتون فئلئسطلی‌لر، باشدان-باشا اَرئیئن! چونکی شئمالدان توستو یاخینلاشیر، دوشمن عسگرلری سیرا-سیرا گلئر.»

32مئلّتئن اِلچئلرئنه نه جاواب ورئله‌جک؟ «بو کی، رب صحیونون پایالارینی قویوب، اونون خالقینین مظلوملاری اورادا پناه تاپاجاق.»

← Chapter 13 Chapter 15 →