Isaiah 13

azerbaijan-2013

1آموص اوغلو اِشَعیایا بابئل حاقّیندا رؤیا ائله نازئل اولان ائخطار:

2لوت داغین اوستونه بایراق سانجین! اونلاری بَرکدن سَسله‌یئن، اَل یِل‌له‌دئن کی، اونلار اصئلزاده‌لره آیریلان قاپیلاردان ائچه‌ری گئرسئنلر.

3من موقدّسلرئمه امر ورمئشم، قضبئمی دوشمنلره تؤکمک اوچون جسور جنگاورلری، اوجالیغیملا فخر ادن ائگئدلری ده سَسله‌‌مئشم.

4داغلارداکی ائزدئحامین گورولتوسونو اِشئدئن، بو، بؤیوک بئر خالقین سَسئنه بَنزه‌ر. بئر یِره توپلانان سلطنتلرئن، مئلّتلرئن نئداسینی اِشئدئن! قوشونلار رَبّی، قوشونو دؤیوشه چاغیریر!

5اونلار اوزاق اؤلکه‌دن، اوفوقلرئن او بئری طرفئندن گلئرلر. اؤلکه‌نی یِرله کامئل یکسان اتمک اوچون رب و اونون قضبئنئن سئلاحی گلئر.

6شئون ادئن، چونکی ربّئن گونو یاخیندیر. او گون، قادئری-موطلق طرفئندن گلن قیرغین کئمی گلئر!

7بونا گؤره هامینین اَللری یانینا دوشه‌جک، هر کس قورخوب اوره‌یئنی یئیه‌جک.

8اونلاری دهشت بورویه‌جک، درد و ائضطئراب اونلاری اؤزونده بوغاجاق، دوغان آرواد کئمی آغری چکه‌جکلر، تعجّوبله بئربئرلرئنه باخاجاقلار، اوزلری قیزاراجاق.

9باخ، ربّئن آمانسیز، قضبلی و قیضله دولو گونو یاخینلاشیر کی، یری صحرایا دؤندَ‌رسئن؛ او، اوراداکی گوناهکارلاری محو اده‌جک.

10گؤیده‌کی اولدوزلار و بورجلر ائشیق ورمه‌یه‌جک، دوغان گونش قارالاجاق، آی نورونو ساچمایاجاقدیر.

11رب دیئر: «بله‌جه دونیانی شرارتئنه گؤره، پئس آداملاری تقصئرلرئنه گؤره جزالاندیرجاغام. تکبّورلولرئن تکبّورونو ده قیراجاغام، ظالئملرئن غورورونو آلچالداجاغام.

12ائنسانی خالئص قیزیلدان دا آز اده‌جیم، بشر اوفئر قیزیلیندان داها دا نادئر حالدا تاپیلاجاق.

13بونا گؤره ده من، قوشونلار ربّی، حئدّتلی قضبئمئن گونونده، قِیضئمله گؤیلری تئتره‌ده‌جیم، یر اوزو لرزه‌یه گله‌جک.

14هر کس قووولان جیرانا، چوبانسیز قویونلارا دؤنه‌جک، اؤز خالقینین یانینا قاییداجاق، اؤز وطنئنه قاچاجاق.

15یاخالانان هر کسئن بدنی دلئک-دشئک اولاجاق، توتولان هر کس قیلینج آغزینا ورئله‌جک.

16کؤرپه‌لری ده اونلارین گؤزلری قاباغیندا پارچالاناجاق، اِولری تالان اولوناجاق، آروادلارینین ناموسونا توخونولاجاق.

17باخ، گوموشه قئیمت ورمه‌یَن، قیزیلی سِومه‌یَن مادلی‌لاری اونلارین ضئدّئنه قالدیراجاغام.

18اوخ جاوانلاری پارچالایاجاق، حتّا کؤرپه‌لره ده رحم اتمیه‌جکلر، اوشاقلارا دا شفقت گؤرسدمیه‌جکلر.

19پادشاهلیقلارین لاپ گؤزَلی اولان، کَلدانئلرئن جلالی اولان بابئل، تارینین سودوملا گومورانی داغیتدیغی زامانا بَنزه‌یه‌جک.

20اورادا بئر داها هچ کئم یاشامایاجاق، نسئلدن-نسئله کئمسه ساکئن اولمایاجاق. عَرَبلر چادیرلارینی اورادا قورمایاجاقلار، چوبانلار دا سورولرئنی اورادا یاتیرتمایاجاقلار.

21اورا وحشی حیوانلارین یاشادیغی یِر اولاجاق، اِولرئنده چاقّاللار قایناشاجاق، اورادا بایقوشلار مسکن سالاجاق، وحشی کِچئلر اویناشاجاق.

22قالالاریندا جاناوارلار چیغیراجاق، گؤزَل سارایلاریندا چاقّاللار اولایاجاق. بابئلئن آخیری یاخینلاشاجاق، اونون گونلری تِز گلئب چاتاجاق.»

← Chapter 12 Chapter 14 →