Genesis 40

azerbaijan-2013

1بئر مودّت سونرا مئصئر پادشاهینین ساقئسی و چؤرکچئسی، آغالاری مئصئر پادشاهینی ائنجئتدئلر.

2فئرعون بو ائکی اعیانینا؛ باش ساقئیه و باش چؤرکچئیه قضبلَندی

3و اونلاری کشئکچئلر ریئسئنئن اِوئنده، یوسئفئن محبوس اولدوغو زئنداندا ساخلادی.

4کشئکچئلر ریئسی یوسئفی اونلارا خئدمتچی تعیئن اتدی و یوسئف ده اونلارا خئدمت اتدی. اونلار بئر مودّت زئنداندا قالدیلار.

5بئر گون مئصئر پادشاهینین زئنداندا محبوس اولان ساقئسی و چؤرکچئسی یوخو گؤردولر. هر ائکئسی بئر گجه‌ده موختلئف تعبئرلی یوخولار گؤردولر.

6سحر یوسئف اونلارین یانینا گلدی و کَدَرلی اولدوقلارینی گؤردو.

7یوسئف اونونلا بئرلئکده آغاسینین اِوئنده زئنداندا اولان فئرعون اعیانلاریندان سوروشدو: «نئیه بو گون اوزونوز کَدَرلی‌دئر؟»

8اونلار یوسئفه ددئلر: «یوخو گؤرموشوک، لاکئن اونو یوزان یوخدور.» یوسئف اونلارا ددی: «مگر یوخو یوزماق تارینین ائشی دیئل؟ خاهئش ادئرم، اونو منه دانیشین.»

9باش ساقی یوخوسونو یوسئفه ددی: «یوخومدا گؤردوم کی، قاباغیمدا بئر اوزوم تَنه‌یی وار.

10تَنَکده اوچ بوداق وار ائدی. اونلاردا تومورجوقلار آچار-آچماز چئچکلَندی و سالخیم-سالخیم اوزوم وردی.

11فئرعونون پئیالاسی منئم الئمده ائدی. اوزوملری گؤتوروب فئرعونون پئیالاسینا سیخدیم و پئیالانی فئرعونون الئنه وردئم.»

12یوسئف اونا ددی: «اونون یوزماسی بله‌دئر: اوچ بوداق اوچ گوندور.

13اوچ گون عرضئنده فئرعون سنی اوجالداجاق. سن ده اونون ساقئسی اولدوغون واختداکی کئمی، اَوّلکی قایدیا گؤره فئرعونون پئیالاسینی الئنه وره‌جکسن.

14آمّا سنئن وضعئیّتئن یاخشیلاشاندا منی یادینا سال و مهرئبانلیق گؤرسد. حاقّیمدا فئرعونا دانیشیب منی بو یردن چیخارت.

15دوغرودان دا من عئبرانئلرئن تورپاغیندان اوغورلانمیشام و بورادا دا زئندانا سالینماغا لایئق بئر ائش گؤرمه‌مئشم.»

16باش چؤرکچی یوسئفئن یوخونو یاخشیلیقلا یوزدوغونو گؤروب، اونا ددی: «آمّا من یوخودا گؤردوم کی، باشیمین اوستونده اوچ سبد آغ چؤرک وار.

17لاپ اوستده‌کی سبدده چؤرکچئنئن فئرعون اوچون پئشئردئیی هر جور چؤرک وار. قوشلار باشیمین اوستونده‌کی سبددن اونلاری ییئردی.»

18یوسئف بله جاواب وردی: «اونون یوزماسی بله‌دئر: اوچ سبد اوچ گوندور.

19اوچ گون عرضئنده فئرعون سنئن باشینی بدنئندن آییراجاق، اؤزونو ده آغاجدان آساجاق و قوشلار سنئن اَتئنی دئده‌جکلر.»

20اوچونجو گون، فئرعونون دوغوم گونو، او بوتون اعیانلارینا ضئیافت وردی. باش ساقئنی و باش چؤرکچئنی اعیانلارینین قاباغینا چیخارتدی.

21باش ساقئنی ساقئلئیئنه قایتاردی و او، پئیالانی فئرعونون الئنه وردی،

22لاکئن باش چؤرکچئنی آسدیردی؛ هر شی یوسئفئن یوزدوغو کئمی اولدو.

23آنجاق باش ساقی یوسئفی یادا سالمادی و اونو یاددان چیخارتدی.

← Chapter 39 Chapter 41 →