Ezekiel 33

azerbaijan-2013

1منه ربّئن بو سؤزو نازئل اولدو:

2«ای بشر اوغلو، خالقینا منصوب اولانلارلا دانیش و اونلارا بله دِه: ”اگر من بئر اؤلکه‌نئن اوستونه قیلینج گؤندَ‌رَنده، اؤلکه خالقی، ائچئندن بئر نفری سِچئب اؤزلری اوچون گؤزَتچی قویسون،

3و بو گؤزَتچی اؤلکه‌نئن اوستونه قیلینجین گلدئیئنی گؤرَ‌نده کَره‌نای چالیب خالقا خبر ورسئن،

4او زامان کئم کَره‌نای سَسئنی اشئدئب بو ائخطارا دئقّت اتمه‌سه و قیلینج گلئب اونو اؤلدورسه، اونون قانی اؤز باشینا اولاجاق.

5او، کَره‌نای سَسئنی اشئتدی، لاکئن بو ائخطارا دئقّت اتمه‌‌دی؛ بونا گؤره ده قانی اؤز باشینا اولاجاق. آمّا اگر ائخطارا دئقّت اتسَیدی، جا‌نینی خئلاص اِدَردی.

6لاکئن اگر گؤزَتچی گؤرسون کی، قیلینج گلئر و کَره‌نای چالماسین و خالقین بوندان خبری اولماسین و قیلینج دا گلئب اونلاردان بئرئنی هلاک اتسئن، او آدام اؤز تقصئری ائچئنده اؤلدورولموشدور، لاکئن قانی گؤزَتچئنئن بوینونا اولاجاق.

7سنه گلئنجه، ای بشر اوغلو، من سنی ائسرایئل نسلی اوچون گؤزَتچی قویموشام؛ نه زامان آغزیمدان بئر سؤز اشئده‌سن، گرک اونلارا منئم طرفئمدن ائخطار وره‌سن.

8او زامان کی، پئس آداما دیئرَم؛ ای پئس آدام، سن قطعن اؤله‌جکسن و سن اونونلا دانیشماییب اونا خبر ورمئرسن کی، اؤز یولوندان دؤنسون. او پئس آدام اؤز تقصئرئنئن ائچئنده اؤله‌جک، لاکئن اونون قانینی سنئن بوینونا قویاجاغام.

9آمّا اگر سن پئس آداما ائخطار وره‌سن کی، اؤز یولوندان دؤنسون، لاکئن او اؤز یولوندان دؤنمه‌سه، اؤز تقصئری ائچئنده اؤله‌جک، آمّا سن اؤز جا‌نینی قورتارمیش اولورسان.“

10سن، ای بشر اوغلو، ائسرایئل اِوئنه بله دِه: ”سئز دیئبسئنئز کی، عوصیانلاریمیز و گوناهلاریمیز بوینوموزدادیر و بئز اونلارین ائچئنده اَرئیئب یوخ اولوروق؛ بله حالدا نجه یاشایا بئله‌رئک؟“

11اونلارا دِه: ”وارلیغیما آند اولسون، پئس آدامین اؤلوموندن کِف اتمئرم، اونون اؤز یولوندان دؤنوب یاشاماسیندان کِف ادئرم.“ پروردئگار رب بویورور. ”دؤنون، پئس یوللارینیزدان دؤنون. نه اوچون اؤله‌سئنئز، ای ائسرایئل نسلی؟“

12سن، ای بشر اوغلو، اؤز هموطنلرئنه دِه: ”عوصیان اتدئیی حالدا، صالحئن صالحلئیی اونو خئلاص اتمَز. پئس آداما گلئنجه، اگر او اؤز پئسلئیئندن دؤنسه، بوندان اؤتری هلاک اولماز. صالح آدام گوناه اتدئیی حالدا، اؤز صالحلئیی ائله یاشایا بئلمز.

13صالح آداما البتّه، یاشایاجاقسان دِدئیئم زامان، اگر او اؤز صالحلئیئنه اعتئماد ادئب پئسلئک اتسه، صالح ائشلرئندن هچ بئری یادا سالینمایاجاق؛ اتدئیی پئسلئیه گؤره اؤله‌جک.

14آمّا پئس آداما البتّه، اؤله‌جکسن دِدئیئم زامان، اگر گوناهیندان دؤنوب عدالتلی و صالح ائشلر گؤرسه-

15گئرووونو گری ورسه، سویغونچولوقلا آلدیغینی گری قایتارسا، پئسلئک اتمه‌دن حیات ورئجی قایدالارا گؤره رفتار اتسه، البتّه، یاشاییب اؤلمیه‌جک.

16بو آدامین اتدئیی گوناهلاردان هچ بئری اونون ضئدّئنه یادا سالینمایاجاق. او عدالت و صالحلئکله عمل ادئب؛ البتّه، یاشایاجاق.“

17آمّا سنئن هموطنلرئن دیئرلر: ”ربّئن یولو دوز دیئل.“ حال بو کی، اونلارین اؤز یوللاری دوز دیئل.

18او زامان کی، صالح آدام اؤز صالحلئیئندن دؤنوب پئسلئک ادئر، بوندان اؤتری اؤله‌جک.

19لاکئن پئس آدام اؤز پئسلئیئندن دؤنوب عدالت و صالحلئکله عمل اتسه، بو عمللرله یاشایاجاق.

20آنجاق سئز حله ده دیئرسئنئز: ”ربّئن یولو دوز دیئل.“ سئزئن هر بئرئنئزی اؤز عملئنه گؤره موحاکئمه اده‌جیم، ای ائسرایئل نسلی!»

21اسئرلئیئمئزئن اون ائکئنجی ائلئنده، اونونجو آیین بِشئنجی گونو، اورشلئمدن قاچیب قورتولموش بئر نفر گلئب منه ددی: «شهر آلیندی.»

22آخشام واختی، او قاچقین منئم یانیما گلمه‌مئشدن قاباق، ربّئن اَلی منئم اوستومده ائدی؛ سحر او آدامین یانیما گلدئیی واخت، رب دئلئمی آچدی؛ دئلئم آچیلدی، آرتیق دانیشا بئلئردئم.

23او واخت منه ربّئن بو سؤزو نازئل اولدو:

24«ای بشر اوغلو، ائسرایئلئن خارابا قالمیش شهرلرئنده یاشایانلار بله دیئرلر: ”ائبراهئم تک بئر آدام ائدی، آمّا گئنه ده اؤلکه‌یه مالئک اولدو؛ بئز ده مالئک اولا بئله‌رئک، بوندان علاوه، چوخوق دا.“

25بو سؤزلردن اؤتری اونلارا دِه کی، پروردئگار رب بله دیئر: ”اَتی قانی ائله یِیئرسئنئز، قان تؤکَرکَن بوتلرئنئزه باخیرسینیز. بله اولدوغو حالدا اؤلکه‌نی مگر مولک آلا بئلرسئنئز؟

26سئز قیلینجینیزا بِل باغلاییرسینیز، ائیرنج ائشلر گؤرورسونوز، هر کس اؤز قونشوسونون آروادینی نجئس ادئر. بله اولدوغو حالدا اؤلکه‌نی مگر مولک آلا بئلرسئنئز؟“

27اونلارا دِه کی، پروردئگار رب بله دیئر: ”وارلیغیما آند اولسون کی، خارابا قالان شهرلرده یاشایانلار قطعن قیلینجلا هلاک اولاجاقلار. چؤلده قالانلاری وحشی حیوانلارا یِم اده‌جیم. قالالاردا و ماغارالاردا اولانلار دا وبادان اؤله‌جکلر.

28اؤلکه‌نی خارابا و ساکئنسئز قویاجاغام. کئبئرلَندئکلری قودرت هچ اولاجاق؛ ائسرایئل داغلاری ساکئنسئز قالاجاق، اورادان کئمسه کچمیه‌جک.

29اتدئکلری بوتون ائیرنج ائشلردن اؤتری، اؤلکه‌نی خارابا و ساکئنسئز قویدوغوم زامان، بئله‌جکلر کی، رب منم.

30سنه گلئنجه، ای بشر اوغلو، هموطنلرئن دووارلارین دئبئنده، اِولرئن قاپیسی قاباغیندا سنئن حاقّیندا دانیشیرلار. بئربئرلرئنه دیئرلر: گلئن گِدَک، رب طرفئندن نازئل اولان سؤزه قولاق آساق.

31خالق هر واخت اولدوغو کئمی سنئن یانینا گلئر. منئم خالقیم اولاراق قاباغیندا اوتورورلار، سؤزلرئنه قولاق آسیرلار، آمّا ددئکلرئمه عمل اتمئرلر. چونکی شهوتلی سؤزلر آغیزلاریندا ائکَن عمل ادئرلر و اورَکلری حارام قازانج دالینجا گِدئر.

32باخ، سن اونلار اوچون گؤزل سَسله سِوگی نغمه‌لری اوخویان یاخشی بئر ساز چالان کئمی‌سن. سؤزلرئنه قولاق آسیرلار، آمّا اونلارا عمل اتمئرلر.

33بله‌جه بوتون بونلار دوغرو چیخاندا کی، قطعن ده دوغرو چیخاجاق، آرالاریندا بئر پیغمبر اولدوغونو باشا دوشه‌جکلر.“»

← Chapter 32 Chapter 34 →