Ezekiel 15

azerbaijan-2013

1منه ربّئن بو سؤزو نازئل اولدو:

2«ای بشر اوغلو، اوزوم تَنه‌یئنئن آغاجی نه ائله هر هانسی بئر مِشه آغاجینداکی بوداغین آغاجیندان اوستوندور؟

3مگر اوندان آغاج آلینیر کی، بئر ائشده ائستئفاده ادئلسئن؟ مگر اوندان پایاجیق دوزَ‌لدئلئر کی، اوستونه اشیالار آسیلسین؟

4باخ، او یانماق اوچون اودا آتیلیر. اود اونون ائکی اوجونو یاندیراندان و اورتاسی قوورولاندان سونرا مگر داها بئر ائشه یارار؟

5باخ، بوتؤو اولاندا هچ بئر ائشه یارامیردی، اود اونو یاندیریب-قورتاراندا و اورتاسی قوورولاندا سونرا کی، اصلا هچ بئر ائشه یارامایاجاق.

6بونا گؤره ده پروردئگار رب بله دیئر: ”مِشه آغاجلاری آراسیندا اوزوم تَنه‌یئنی یانان شی کئمی نجه اودا وردئم، اورشلئمده یاشایانلاری دا اِله‌جه اودا آتاجاغام.

7من اوزومو اونلارین ضئدّئنه چِوئره‌جیم. اوددان قاچسالار دا، اود گئنه اونلاری یاندیراجاق. اوزومو اونلارین ضئدّئنه چِوئرَنده بئله‌جکسئنئز کی، رب منم.

8بله‌جه اؤلکه‌نی وئران اده‌جیم، چونکی اونلار خائنلئکله رفتار ادئبلر.“ پروردئگار رب بله بویورور.»

← Chapter 14 Chapter 16 →