Exodus 31

azerbaijan-2013

1رب موسایا ددی:

2«باخ، یهودا قبئله‌سئندن خور اوغلو اوری اوغلو بِصه‌له‌لی چاغیر.

3اونو تارینین روحو ائله حئکمت، فراست، بئلئک و هر جور مهارتله دولدورموشام کی،

4قیزیللا، گوموشله و بورونجله باجاریقلا ائشله‌سئن،

5ساغاناقلار اوچون داش-قاش یونسون، آغاج اویسون، هر جور مهارت گؤرسده بئلسئن.

6من ده دان قبئله‌سئندن اَخئماساک اوغلو اوهولئیابی اونا کؤمکچی تعیئن اتمئشم. هر مودرئک آدامین اوره‌یئنه حئکمت قویموشام کی، من سنه نجه امر اتمئشم، بله ده اتسئنلر:

7حوضور چادیرینی، شهادت ساندیغی و اوستونده‌کی کفّاره قاپاغینی، چادیرین بوتون لوازئماتینی،

8مئزی و اونون لوازئماتلارینی، خالئص قیزیلدان چیراقدانی و اونون بوتون اشیالارینی، بوخور قوربانگاهینی،

9یاندیرما قوربانلاری اوچون قورولان قوربانگاهی و اونون بوتون لوازئماتینی، بؤیوک لَیَنی و اونون آلتلیغینی،

10توخونموش پالتارلاری یعنی کاهئن هارونون موقدّس پالتارلارینی و اوغوللارینین کاهئنلئک اتمه پالتارلارینی،

11مسح یاغینی، موقدّس یر اوچون عطئرلی بوخورو من سنه نجه امر اتدئیئم کئمی، قوی او جور ده دوزَلتسئنلر.»

12رب موسایا ددی:

13«سن ائسرایئل اؤولادلارینا بله دِه: ”منئم سَبّت گونلرئمی گرک رئعایت اده‌سئنئز. چونکی بو منئمله سئزئن آرانیزدا نسئلدن-نسئله بئر علامتدئر کی، بئله‌سئنئز سئزی تقدئس ادن رب، منم.

14بله‌جه، سَبّت گونونو رئعایت ادئن، چونکی او سئزئن اوچون موقدّسدئر. کئم اونو لَکه‌لَسه، گرک اؤلدورولسون. او گون ائش گؤرن هر کس خالقی آراسیندان قووولسون.

15آلتی گون ائش گؤرولسون، آمّا یدّئنجی گون رب اوچون موقدّس سَبّت ائستئراحت گونودور. او گون ائش گؤرن هر کس گرک اؤلدورولسون.

16ائسرایئل اؤولادلاری نسئلدن-نسئله ابدی عهد کئمی سَبّت گونونو رئعایت و عمل اتسئنلر.

17منئمله ائسرایئل اؤولادلاری آراسیندا ابدی بئر علامتدئر کی، آلتی گون عرضئنده رب گؤیلر و یری دوزَلتدی، آمّا یدّئنجی گون ائستئراحت اتدی و دئنجَلدی.“»

18سئنا داغیندا تارینین موسا ائله صؤحبتی قورتاراندان سونرا، تاری اؤز بارماغی ائله یازیلمیش ائکی شهادت داش لؤوحه‌سئنی موسایا وردی.

← Chapter 30 Chapter 32 →