Exodus 22

azerbaijan-2013

1«اگر بئر آدام بئر اؤکوز، یا دا بئر قویون اوغورلاییب کَسسه و یا اونو ساتسا، قوی او آدام، اؤکوز عوضئنه بش اؤکوز، قویون عوضئنه دؤرد قویون ورسئن.

2اگر اوغرو گجه بئرئنئن اِوئنه گئرَرکَن یاخالانیب اؤلدورولسه، اؤلدورَن آدام تقصئرکار ساییلماسین.

3اگر حادئثه گون دوغاندان سونرا باش ورسه، اوندا قوی تقصئرکار ساییلسین. اوغرو ضرری اِو یئیه‌سئنه ورمه‌لی‌دئر. اگر اوغرونون ضرری ورمه‌یه گوجو چاتمیرسا، قوی اوغورلوغونا گؤره اؤزو ساتیلسین.

4اگر اوغورلانان مال اوغرونون الئنده دئری تاپیلسا، ائستر بئر اؤکوز، ائستر بئر اِششَک، ائستر بئر قویون اولسون، اوغرو ضرری ائکی قات ورمه‌لی‌دئر.

5بئر آدام اؤز زمئسئنده و یا اوزوم باغیندا اوتاردیغی حیوانلاری، آیری آدامین زمئسئنه اوتلاماغا بوراخدیغی حالدا، او آدام اؤز زمئسئنئن و یا اوزوم باغینین لاپ یاخشی باریندان ضرری ورسئن.

6آلیشان اود بوتالارا دوشوب دَرز، اَکئن و یا زمئنی محو اتدئیی حالدا اودو یاندیران آدام ضرری ورمه‌لی‌دئر.

7بئر آداما ساخلاماغا ورئلَن گوموش و یا اشیا اونون اِوئندن اوغورلاندیغی حالدا، اگر اوغرو تاپیلسا، ضرری ائکی قات ورسئن.

8اگر اوغرو تاپیلماسا، اِوئن صاحئبی قاضی‌لار حوضوروندا حاضیر اولسون کی، آیری آدامین امانتئنه خیانت ادئب اتمه‌مه‌سی بَلّی اولسون.

9اگر کئمسه هر هانسی ائتمئش بئر اشیانین حاقّیندا، اؤکوز، اِششَک، قویون، و پالتار حاقّیندا ”منئمدئر“ دسه، ائکی طرفئن موباحئثه‌لی ائشی، قاضی‌لارین حوضورونا گتئرئلمه‌لی‌دئر؛ قاضی‌لارین حاقسیز چیخارتدیغی آدام، او بئرئسئنه ضرری ائکی قات ورمه‌لی‌دئر.

10اگر بئر آداما امانت ورئلَن آیری آدامین اِششه‌یی، اؤکوزو، قویونو و یا آیری بئر حیوانی هچ کس گؤرمه‌دن اؤلسه، یارالانسا، یا دا آپاریلسا،

11بو آداملار آراسیندا ربّئن آدینا ائچئلَن آند ائچئلسئن کی، بئری او بئرئسئنئن امانتئنه خیانت اتمه‌یئب. قوی حیوانین صاحئبی بونو قبول اتسئن، اونا ضرری ورئلمه‌سئن.

12اگر حیوان همئن آدامدان دوغرودان اوغورلانیب، اونو ساخلایان آدام ضرری صاحئبئنه ورسئن.

13اگر حیوانی وحشی حیوان پارچالاییب، اونو ساخلایان آدام، پارچالانان حیوانی ثوبوت کئمی صاحئبئنه گتئرسئن، آمّا پارچالانان حیوان اوچون ضرر ورئلمه‌سئن.

14بئر آدامین بورج آلدیغی حیوان صاحئبئنئن یانیندا اولمایاندا یارالادیغی، و یا اؤلدویو حالدا عوضی کامئل ورئلمه‌لئدئر.

15اگر حیوانین صاحئبی یانیندادیر، ضرر ورئلمه‌مه‌لئدئر. اگر حیوان اوجرتله توتولوب، اوجرت ضرره ده شامئل اولور.

16اگر بئر آدام نئشانلی اولمایان باکئره قیزی توولاییب اونونلا یاخینلیق اتسه، قیزا گؤره باشلیق ورئب، اونو اؤزونه آرواد اتمه‌لی‌دئر.

17اگر قیزین آتاسی اونو او آداما اَره ورمه‌یه اصلا راضی دیئل، او آدام قیزلارین باشلیغینا مووافئق مبلغده پول ورسئن.

18سِحرباز آرواد صاغ قالماسین.

19حیوانلارلا جئنسی رابئطه‌یه گئرن هر کس اؤلدورولسون.

20ربدن ساوایی، باشقا بئر آللاها قوربان گتئرن آدام تامامن محو اولونسون.

21قرئب آداما نه حاقسیزلیق ادئن، نه ده ظولم. چونکی سئز اؤزونوز ده مئصئر اؤلکه‌سئنده قرئب ائدئنئز.

22هچ بئر دول آروادا و یتئمه اذئیّت ورمه‌یئن.

23اگر بونلاردان بئرئنه اذئیّت وره‌سئنئز و او منه فریاد اتسه، من قطعن فریادینی اشئده‌جیم

24و قضبله‌نئب سئزی قیلینجدان کچئرده‌جیم. آروادلارینیز دول، اوشاقلارینیز دا یتئم قالاجاقلار.

25اگر یانیندا یاشایان خالقیمین کاسیبینا پول بورج وره‌سئنئز، اونونلا سَلَمچی کئمی رفتار اتمیه‌‌جکسئنئز، اوستونه سَلَم قویمایاجاقسینیز.

26اگر آیری بئر آدامین پالتارینی گئروو آلیرسان، گون باتمامیش اونا گئرووو قایتار.

27چونکی بو پالتار اونون یگانه اؤرتویو و اَینئنئن پالتاردیر. بس او آدام یاتاندا نه ائله اوستونو اؤرتر؟ او منه فریاد ادنده سَسئنی اشئده‌جیم، چونکی من کرئمم.

28تارینی سؤیمیه‌جکسن و خالقین باشچیسینا لعنت اتمیه‌جکسن.

29اؤز محصولونو و شئره تقدئملرئنی منه گتئرمه‌یئنی گِجئکدئرمیه‌جکسن؛ ائلک اوغوللارینی منه تقدئم اده‌جکسن.

30اؤکوز و قویونون ائلک بالالاری ائله ده بله اده‌جکسن: یدّی گون اونلاری آنالاری ائله قویوب، سکّئزئنجی گون منه تقدئم اده‌جکسن.

31منئم اوچون موقدّس خالق اولاجاقسینیز. بونا گؤره ده چؤلده پارچالاندیغی حیوانین اَتئنی یمیه‌‌جکسئنئز، اونو ائتلره آتاجاقسینیز.»

← Chapter 21 Chapter 23 →