Esther 4

azerbaijan-2013

1موردوکای باش ورمئش بو حادئثه‌لردن خبر توتاندا، پالتارلارینی جیردی و چولا بورونوب باشینا کول تؤکدو. شهرئن مرکزئنه چیخیب اوجا سَسله آجی شئون اتدی.

2او آنجاق پادشاهین دروازاسینا قدر گلدی، چونکی چولا بورونَن آدام پادشاهین دروازاسیندان گئره بئلمزدی.

3پادشاهین بو امری و فرمانی هانسی وئلایته چاتمیشدی، اوراداکی یهودئلر آراسیندا بؤیوک ماتم، اوروج، آغلاشما و فغان وار ائدی. بئر چوخو دا چولا بورونوب کول اوستونده اوزانمیشدیلار.

4اِستِرئن خئدمتچی قیزلاری و حرم‌آغالاری گلئب بو خبری اونا چاتدیردیلار. ملکه بوندان چوخ پرئشان اولدو. او، موردوکای اوچون پالتار گؤندَ‌ردی کی، چولونو چیخارتسین، لاکئن موردوکای بونو قبول اتمه‌دی.

5او واخت اِستِر هَتاکی کی، پادشاهین اونون خئدمتئنه تعیئن اتدئیی حرم‌آغالاریندان بئری ائدی، چاغیردی و تاپشیردی کی، موردوکایین یانینا گدئب بو ائشئن نه اولدوغونو و نئیه باش وردئیئنی اؤیرَنسئن.

6هَتاک سارای دروازاسینین قاباغیندا اولان شهر میدانینا، موردوکایین یانینا گتدی.

7موردوکای باشینا گلن بوتون حال-قضئیّه‌نی اونا دانیشدی و اونا ددی کی، یهودئلرئن محو ادئلمه‌سی اوچون هامان پادشاهین خزئنه‌لرئنه نه قدر گوموش ورمه‌سئنی وعده ورئب.

8سونرا یهودئلرئن محو ادئلمه‌سی اوچون شوشاندا دست‌خطه یازیلان فرمانین صورتلرئندن بئرئنی وردی کی، بونو گؤرسه‌دئب اِستِره تشرئح اتسئن، هم ده اونا تاپشیرسین کی، پادشاهین یانینا گدئب اؤز خالقی اوچون یالوارسین و اوندان مرحمت ائسته‌سئن.

9هَتاک قاییدیب موردوکایین سؤزلرئنی اِستِره چاتدیردی.

10اِستِر ده موردوکایا هَتاک واسئطه‌سی‌ائله بله بئر خبر گؤندَ‌ردی:

11«پادشاهین بوتون خادئملری و پادشاه وئلایتلرئنئن خالقلاری بئلئرلر کی، هر کس، ائستر کئشی اولسون، ائستر آرواد، پادشاهین چاغیریشی اولمادان ائچه‌ری حَیَطه گئرسه، اونون حاقّیندا تَکجه اؤلوم حؤکمو ورئله‌جک. فقط پادشاه قیزیل عصاصینی کئمه اوزاتسا، او صاغ قالار. اوتوز گوندور کی، پادشاهین یانینا گتمک اوچون چاغیریشیم یوخدور.»

12اِستِرئن بو سؤزلری موردوکایا چاتدیریلدی.

13موردوکای اِستِره بله جاواب ورمه‌لرئنی خاهئش اتدی: «اِله دوشونمه کی، پادشاهین ساراییندا اولدوغون اوچون او بئری یهودئلردن، سن صاغ قالاجاقسان.

14اگر سن ساکئت قالاسان، یهودئلره کؤمک و قورتولوش آیری یردن گله‌جک، آمّا سن و آتا اِوئن کامئل محو اولاجاق. کئم بئلئر، بلکه اِله بو گون اوچون سن ملکه‌لئیه چاتیبسان؟»

15اِستِر موردوکایین بو جاوابی قاباغیندا بله ددی:

16«گت، شوشاندا اولان بوتون یهودئلری بئر یره ییغ. اوچ گون-اوچ گجه یِمه‌یئب-ائچمه‌یئب منئم اوچون اوروج توتون. من ده بورادا خئدمتچی قیزلاریملا اوروج توتاجاغام و سونرا قانونو پوزوب پادشاهین یانینا گئره‌جیم. بونا گؤره اگر اؤلمه‌لئیَم، قوی اؤلوم.»

17موردوکای گدئب اِستِرئن اونا تاپشیردیغی کئمی اتدی.

← Chapter 3 Chapter 5 →