Ecclesiastes 4

azerbaijan-2013

1تکرار باخدیم و گون آلتیندا ادئلن بوتون ظولملری گؤردوم: باخ، مظلوملارین گؤزیاشلارینی گؤردوم، و اونلارا تسلّی ورن اصلا یوخ ائدی. قودرت ظولم ادنلر اَلئنده ائدی، مظلوملارا تسلّی ورن اصلا یوخ ائدی.

2اؤلوب-گتمئش اولانلاری، دئری یاشایانلاردان داها خوشبخت سایدیم.

3آمّا اونلارین هر ائکئسئندن داها خوشبخت، اونلاردیرلار کی، حله دوغولماییبلار، و گون آلتیندا ادئلن پئسلئیی گؤرمه‌یئبلر.

4گؤردوم کی، بوتون زحمت و بوتون یاخشی گدن ائش آدامین قونشوسونا پاخیلّیغی گلمکدن باش آلیر. بو دا باطئلدئر، یل دالینجا قاچماقدیر.

5سَفِه آدام اَلئنی قوینونا قویور، اؤز بدنئنی اوزور.

6راحاتلیقلا بئر اوووج دولوسو، زحمت و یل دالینجا قاچماقلا اَله گلن ائکی اوووج دولوسوندان یاخشی‌دیر.

7گئنه گون آلتیندا اولان باطئل بئر شیی گؤردوم:

8یالقوز بئر کئشی وار ائدی، نه اوغلو وار ائدی، نه ده قارداشی. بوتون زحمتلرئنه ده آخیر یوخ ائدی. لاکئن گئنه ده گؤزلری مال-دؤولتدن دویموردو. هچ واخت اؤزوندن سوروشموردو کی، «کئم اوچون بو قدر زحمت چکئرم؟ کئم اوچون جانیمی لذّتدن محروم ادئرم؟» بو دا باطئلدیر، یامان بئر زحمتدئر.

9ائکی آدام بئر آدامدان یاخشی‌دیر، چونکی زحمتلری اوچون یاخشی اوجرت آلاجاقلار؛

10اگر بئری ییخیلسا، یولداشینی او بئری قالدیرار. لاکئن وای او آدامین حالینا کی، ییخیلیر و اونو قالدیران بئری یوخدور.

11بوندان علاوه، اگر ائکئسی بئر یرده یاتالار، قیزیشارلار. آمّا تک باشینا بئر آدام نجه قیزیشار؟

12و اگر بئری هوجوم گتئرسه، ائکئسی اونون قاباغیندا دورا بئلرلر. اوچ قاتلی بئر ائپ تز قیریلماز.

13فاغیر و حئکمتلی بئر جاوان، ائخطار قبول اتمه‌ین قوجا و سَفِه بئر پادشاهدان یاخشی‌دیر.

14چونکی او جاوان بو اؤلکه‌ده یوخسوللوق ائچئنده دوغولسا دا، زئندانا دوشسه ده، چیخیب پادشاه اولا بئلر.

15گؤردوم کی، گون آلتیندا گزن بوتون یاشایانلار، پادشاهین یرئنه اوتوران بو جاوانین آردینجا گدئرلر.

16اونون باشینا ییغیلان بوتون خالقین سایی-حسابی یوخ ائدی. لاکئن سونرا گلن نسئل‌لر اوندان سِوئنمیه‌جکلر. بو دا باطئلدئر، یل دالینجا قاچماقدیر.

← Chapter 3 Chapter 5 →