Deuteronomy 30

azerbaijan-2013

1بوتون بو حادئثه‌لر، قاباغینیزا قویدوغوم برکت و لعنت باشینیزا گلنده، تارینیز ربّئن سئزی داغیتدیغی مئلّتلر آراسیندا بونلاری خاطیرلایاجاقسینیز.

2اگر سئز و اؤولادلارینیز تارینیز ربّه طرف دؤنوب بو گون سئزه امر اتدئیئم هر ائشده اونون سؤزونو بوتون قلبئنئزله و بوتون جانینیزلا قولاغینیزدا ساخلایاسینیز،

3تارینیز رب سئزی اسئرلئکدن گری قایتاراجاق، سئزه رحم ادئب داغیتدیغی بوتون خالقلارین آراسیندان ییغاجاق.

4داغیلیب گؤیون آلتینداکی لاپ اوزاق اؤلکه‌یه دوشه‌سئنئز بِله، تارینیز رب سئزی اورادان ییغیب گری قایتاراجاق.

5سئزی آتالارینیزا مولک وردئیی تورپاغا گتئره‌جک. اورایا مالئک اولاجاقسینیز، تارینیز رب حیاتینیزی خوش اده‌جک و سئزی آتالارینیزدان دا آرتیق چوخالداجاق.

6تارینیز رب سئزئن و اؤولادلارینیزین اوره‌یئنی ختنه اده‌جک اِله کی، تارینیز ربّی بوتون قَلبئنئزله، بوتون جانینیزلا سِوه‌سئنئز و یاشایاسینیز.

7تارینیز رب بوتون بو لعنتلری ده سئزدن نئفرت و سئزه ظولم ادن دوشمنلرئنئزئن اوستونه تؤکه‌جک.

8سئز گئنه ربّئن سؤزونه قولاق آسیب بو گون سئزه ددئیئم بوتون امرلرئنی یرئنه یتئره‌جکسئنئز.

9او واخت تارینیز رب اَلئنئزده اولان هر ائشئنئزی اوغورلو اده‌جک، سئزه چوخلو اؤولاد، حیوانلارینیزا چوخلو بالا، تورپاقلارینیزا بول محصول وره‌جک. رب آتالارینیزا یاخشیلیق اتمکدن نجه راضی قالیردیسا، سئزه ده یاخشیلیق اتمکدن اله راضی قالاجاق.

10اگر تارینیز ربدن ائطاعت ادئب اونون بو شرئعت کئتابیندا یازیلان امرلرئنه و قایدالارینا عمل اده‌سئنئز، اگر بوتون قلبئنئزله، بوتون جانینیزلا تارینیز ربّه طرف دؤنه‌سئنئز.

11بو گون سئزه وردئیئم بو امر سئزئن اوچون چتئن و اَلچاتماز دیئل.

12گؤیلرده دیئل کی، دئیه‌سئنئز: ”کئم بئزئم اوچون گؤیلره چیخاجاق و اونو اورادان گؤتوروب بئزه اشئتدئره‌جک کی، بئز بونا عمل ادک؟“

13او، دهنزئن او تاییندا دیئل کی، دئیه‌سئنئز: ”کئم بئزئم اوچون دهنزئن او تایینا گده‌جک و اونو بئزئم اوچون گؤتوروب بئزه اشئتدئره‌جک کی، اونا عمل ادک؟“

14یوخ، عمل اتمک اوچون بو کلام سئزه چوخ یاخیندیر، او، دئلئنئزده و اوره‌یئنئزده‌دئر.

15باخ بو گون سئزئن قاباغینیزدا حیاتلا خوشبختلئیی، اؤلومله بدبختلئیی قویموشام.

16و سئزه بو گون امر ادئرم کی، تارینیز ربّی سِوه‌سئنئز، و یوللارینیزدا اونون امرلرئنی، قایدالارینی، و حؤکملرئنی رئعایت اده‌سئنئز. بله اده‌سئنئز، یاشاییب آرتاجاقسینیز و مولک آلماق اوچون گده‌جیئنئز تورپاقدا رب سئزه برکت وره‌جک.

17اگر اوره‌یئنئز بو یولدان آزا و اوندان ائطاعت اتمیه‌سئنئز، لاکئن آزیب، باشقا آللاهلارا پرستئش ادئب اونلارا قوللوق اده‌سئنئز،

18بو گون سئزه اعلان ادئرم کی، محو اولاجاقسینیز. اوردون چایینی کچئب مولک آلماق اوچون گده‌جیئنئز اؤلکه‌ده اوزون عؤمور سورمه‌یه‌جکسئنئز.

19قاباغینیزدا حیاتلا اؤلومو، برکتله لعنتی قویدوغوم اوچون بو گون گؤیو و یری سئزه شاهئد توتورام. حیاتی سچئن کی، سئز و اؤولادلارینیز یاشایا بئله‌سئنئز.

20تارینیز ربّی سِوئن، سؤزوندن ائطاعت ادئن، و اونو مؤحکم توتون؛ چونکی سئزئن حیاتینیز و عؤمرونوزون اوزونلوغو اودور. بله اده‌سئنئز، ربّئن آتالارینیز ائبراهئمه، ائسحاقا و یعقوبا ورمه‌یئنی آند ائچدئیی تورپاقدا یاشایارسینیز.»

← Chapter 29 Chapter 31 →